Tamil Nadu Man: కువైట్‌లో దారుణం.. ఒంటెను చూసుకోలేదని తమిళనాడు వాసిని దారుణంగా చంపిన యజమాని
తమిళనాడు వాసి కువైట్‌లో దారుణ హత్యకు గురయ్యాడు. యజమాని చెప్పినట్లుగా ఒంటెల సంరక్షణ బాధ్యత తీసుకోలేదని, తమిళనాడు వాసిని యజమాని హత్య చేశాడు. అత్యంత క్రూరంగా హింసించి చంపాడు.
- Published By: 10TV Digital Team ,Published On : September 15, 2022 / 03:10 PM IST
Tamil Nadu Man: కువైట్‌లో దారుణం జరిగింది. ఉపాధి నిమిత్తం అక్కడ పని చేస్తున్న తమిళనాడు వాసిని యజమాని అత్యంత క్రూరంగా హత్య చేశాడు. తన ఒంటెల సంరక్షణ బాధ్యత తీసుకోలేదని యజమాని ఈ దురాగతానికి తెగబడ్డాడు.
Udupi Roads: పాడైన రోడ్లను బాగు చేయాలంటూ రోడ్లపై గుంతలకు హారతి, పొర్లు దండాలతో నిరసన
తమిళనాడు, తిరువరూర్ జిల్లాకు చెందిన ముత్తు కుమార్ ఉపాధి నిమిత్తం ఈ నెల 3న కువైట్‌ వెళ్లాడు. అక్కడ సూపర్ మార్కెట్‌లో పని చేసేందుకు వెళ్లాడు. కానీ, అక్కడ యజమాని ఆ పని కాకుండా, ఒంటెలను సంరక్షించే పని చెప్పాడు. దీనికి ముత్తు కుమార్ నిరాకరించాడు. ఈ విషయంపై ముత్తు కుమార్ కుటుంబ సభ్యులతో కూడా మాట్లాడాడు. తర్వాత ముత్తు కుమార్ తను చెప్పిన పని చేయలేదని కోపం తెచ్చుకున్న అక్కడి యజమాని, ముత్తు కుమార్‌ను తీవ్రంగా హింసించి చంపాడు. ఈ ఘటనకు సంబంధించి ఈ నెల 9న అతడి కుటుంబ సభ్యులకు సమాచారం అందింది.
Andhrapradesh assembly session: ఏపీ అసెంబ్లీ సమావేశాలు ప్రారంభం.. సభలో తీవ్ర గందరగోళం
దీంతో బాధిత కుటుంబ సభ్యులు నిరసనకు దిగారు. ముత్తు కుమార్‌ను హత్య చేసిన యజమానిపై చర్యలు తీసుకోవాలని, ముత్తు కుమార్ మృతదేహాన్ని స్వస్థలానికి తీసుకురావాలని కలెక్టర్‌ను కోరారు. ఉన్నతాధికారుల జోక్యంతో ఈ విషయంలో కువైట్‌లోని ఇండియన్ ఎంబసీ స్పందించింది. ఈ అంశంలో చర్యలు తీసుకుంటామని, ముత్తు కుమార్ మృతదేహాన్ని తీసుకొచ్చేందుకు ఏర్పాట్లు చేస్తున్నామని ప్రకటించింది.
