బృహస్పతి గ్రహశకలాల వద్ద సేదతీరిన కొత్త అతిథి.. ఇదో అరుదైన మంచు తోకచుక్క..

Camet Jupiter Asteroids : అంతరిక్షంలో ఖగోళ అద్భుతాలు ఎప్పటికీ మిస్టరీగానే ఉంటాయి. విశ్వంలో కనిపించే వస్తువుల కంటే కనిపించని ఆ శూన్యంలో ఎన్నో వింతలు విశేషాలు దాగి ఉన్నాయి. అంతరిక్షంలో దాగిన రహాస్యాల్లో ఏదొ ఒకటి వెలుగులోకి వస్తూనే ఉంటాయి. అందరికి తోకచుక్కల గురించి తెలుసు.. ఆకాశంలో నుంచి కొన్ని తోకచుక్కలు రాలిపడటం చూస్తుంటారు. కానీ, ఈ తోకచుక్కలన్నీ గ్రహల కక్ష్యల్లో పరిభ్రమిస్తుంటాయి.

కొన్నిసార్లు భూ కక్ష్యలోకి వస్తుంటాయి. అయితే ఇప్పుడు ఓ తోకచుక్క ఒకటి సూర్యుని వైపు కొన్ని బిలియన్ల మైళ్ల దూరం ప్రయాణించింది. తోక చుక్క మాదిరిగా ఉన్న ఈ కామెట్.. అతిపెద్ద గ్రహాల మధ్య కక్ష్యలో కనిపించింది. పురాతన గ్రహశకలాలుగా పేరొందిన ట్రోజన్లు కుటుంబం వద్ద స్థిరపడింది. ఈ తోక చుక్క బృహస్పతితో పాటు సూర్యుని చుట్టూ తిరుగుతోంది. ట్రోజన్ సమూహం దగ్గర కామెట్ వంటి తోకచుక్క కనిపించడం ఇదే మొదటి సారి అంటున్నారు ఖగోళ సైంటిస్టులు.
సెంటార్స్ అని పిలిచే కొన్ని మంచుతో కూడిన భాగాలు బృహస్పతి, నెప్ట్యూన్ మధ్య అంతరిక్షంలో అరుదుగా కనిపించింది. ఈ కామెట్ సూర్యుడిని సమీపించేటప్పుడు వేడిక్కి చురుకుగా మారిపోతుంది. ఆ తర్వాత కామెట్ తోక చుక్కలా మారిపోతాయి. నాసా హబుల్ స్పేస్ టెలిస్కోప్ ద్వారా ఈ కామెట్ ఫొటోలను రికార్డు చేసింది. కామెట్ వంటి తోకచుక్కల స్థితిగతులను సులభంగా హబుల్ టెలిస్కోప్ మాత్రమే గుర్తించగలదు. కోమా కారణంగా న్యూక్లియస్ దగ్గర సుమారు 400,000-మైళ్ల పొడవైన భారీ తోక కలిగి ఉండి హై-రిజల్యూషన్‌తో ఫొటోలు స్పష్టంగా కనిపిస్తాయని కాలిఫోర్నియాలో హబుల్ పరిశోధకుడు బ్రైస్ బోలిన్ పేర్కొన్నారు.

P / 2019 LD2 (LD2) అని పిలిచే మంచుతో నిండిన ఈ తోక చుక్క బహుశా రెండు సంవత్సరాల క్రితం బృహస్పతికి దగ్గరగా ఉండొచ్చునని పరిశోధనా బృందం అంచనా వేస్తోంది. 2019 ఏప్రిల్ నుంచి తీసిన ఫొటోలలో కామెట్ చురుకుగా ఉందని కనుగొన్నారు. అతిథిగా వచ్చిన ఈ తోక చుక్క గ్రహశకలాల మధ్య ఎక్కువ కాలం ఉండకపోవచ్చు. మరో రెండు సంవత్సరాలలో బృహస్పతితో మరో సన్నిహితంగా ఉంటాయని భావిస్తున్నారు. ఇన్నర్ సిస్టమ్ అనే స్వల్పకాలిక తోకచుక్కలు శతాబ్దానికి ఒకసారి విడిపోతాయని లిస్సే వివరించారు.