Anil Ravipudi : ఇది సర్కారు వారి పాట కాదు.. మహేష్ వారి పాట..
ఈ ఈవెంట్ లో అనిల్ రావిపూడి మాట్లాడుతూ.. డైరెక్టర్ ఈ సినిమాకి ముందు ఎంత స్ట్రగుల్ అయ్యారో నాకు తెలుసు. ఈ సినిమా పెద్ద హిట్ అవుతుంది. ఈ రోజుల్లో సినిమా హిట్............
- Published By: 10TV Digital Team ,Published On : May 7, 2022 / 09:55 PM IST
Anil Ravipoodi
Sarkaru Vaari Paata : సూపర్ స్టార్ మహేష్ బాబు, కీర్తి సురేష్ జంటగా డైరెక్టర్ పరుశురాం తెరకెక్కించిన ‘సర్కారు వారి పాట’ సినిమా కోసం అభిమానులు ఎంతగానో ఎదురు చూస్తున్నారు. ఇప్పటికే ఈ సినిమా నుండి రెండు పాటలు రిలీజ్ అయి భారీ విజయాన్ని సాధించాయి. ఇటీవల రిలీజ్ అయిన ట్రైలర్ కూడా యూట్యూబ్‌లో రికార్డులు క్రియేట్ చేయడమే కాక అభిమానులకి, ప్రేక్షకులకి పిచ్చ పిచ్చగా నచ్చేసింది. ఈ సినిమా మే 12న ప్రపంచవ్యాప్తంగా థియేటర్లలో విడుదల కానుంది. ఇప్పటికే సినిమా ప్రమోషన్స్ చేస్తూ ఇంటర్వ్యూలు ఇస్తున్నారు చిత్ర యూనిట్. తాజాగా ఇవాళ (మే 7న) హైదరాబాద్ యూసుఫ్‌గూడాలోని పోలీస్ గ్రౌండ్స్‌లో ‘సర్కారు వారి పాట’ ప్రీ రిలీజ్ ఈవెంట్ అభిమానుల సమక్షంలో గ్రాండ్‌గా జరిగింది.
ఈ ఈవెంట్ లో అనిల్ రావిపూడి మాట్లాడుతూ.. డైరెక్టర్ ఈ సినిమాకి ముందు ఎంత స్ట్రగుల్ అయ్యారో నాకు తెలుసు. ఈ సినిమా పెద్ద హిట్ అవుతుంది. ఈ రోజుల్లో సినిమా హిట్ అవ్వాలంటే 50 శాతం మ్యూజిక్ మీదే ఆధారపడుతుంది. తమన్ ఆల్రెడీ ఈ సినిమాకి సగం హిట్ ఇచ్చాడు. ఈ సినిమాకి పని చేసిన వాళ్లందరికీ అల్ ది బెస్ట్. మహేష్ గారితో పని చేయడం ఒక కిక్ లాంటిది. ఆయనతో మళ్ళీ ఎప్పుడెప్పుడు సినిమా తీయాలి అని ఎదురు చూస్తున్నాను. నేను మహేష్ గారితో తీసిన సరిలేరు నీకెవ్వరూ సినిమా కంటే కూడా ఇది పెద్ద హిట్ అవ్వాలి. సర్కారు వారి పాట కాదు ఇది మహేష్ వారి పాట. ఈ సినిమా పెద్ద బ్లాక్ బస్టర్ అవుతుంది.
