Vijay Devarakonda : ఆగస్టు 25.. అర్జున్ రెడ్డి వర్సెస్ లైగర్
గతంలో ఓ ఇంటర్వ్యూలో సందీప్ వంగా మాట్లాడుతూ.. ''అర్జున్ రెడ్డి సినిమా రష్ మొత్తం 4 గంటల 20 నిమిషాలు వచ్చింది. దాన్ని ఎడిట్ చేయగా 3 గంటల 45 నిమిషాలు వచ్చింది. అయితే.....
- Published By: 10TV Digital Team ,Published On : April 12, 2022 / 12:22 PM IST
Arjun Reddy
Arjun Reddy : 2017 లో రిలీజ్ అయిన ‘అర్జున్ రెడ్డి’ సినిమా భారీ విజయం సాధించి తెలుగు సినిమాల్లో ఒక కొత్త ట్రెండ్ ని సృష్టించింది. ఈ సినిమాతో విజయ్ దేవరకొండ స్టార్ హీరో అయ్యాడు. డైరెక్టర్ సందీప్ వంగా బాలీవుడ్ లో సినిమాలు తీస్తున్నాడు. ఈ సినిమా చాలా మంది లైఫ్ ని మార్చేసింది. కలెక్షన్ల పరంగా కూడా భారీగా సాధించింది ఈ సినిమా. అర్జున్ రెడ్డి సినిమాని మళ్ళీ రిలీజ్ చేస్తారని గతంలోనే డైరెక్టర్ సందీప్ వంగా పలుమార్లు తెలిపాడు.
గతంలో ఓ ఇంటర్వ్యూలో సందీప్ వంగా మాట్లాడుతూ.. ”అర్జున్ రెడ్డి సినిమా రష్ మొత్తం 4 గంటల 20 నిమిషాలు వచ్చింది. దాన్ని ఎడిట్ చేయగా 3 గంటల 45 నిమిషాలు వచ్చింది. అయితే అంత లెంగ్త్ రిలీజ్ చేయడం సాధ్యం కాదు కాబట్టి దాన్ని మరింత తగ్గించాం. సినిమాని చివరగా 2 గంటల 30 నిమిషాలకి తీసుకొచ్చాము. అయితే ఫస్ట్ ఎడిట్ వర్షన్ సినిమాని త్వరలోనే రిలీజ్ చేస్తామని” తెలిపారు. ఈ సంవత్సరంతో అర్జున్ రెడ్డి విడుదలయి 5 సంవత్సరాలు పూర్తి కాబోతున్న నేపథ్యంలో ఆ ఎడిట్ చేసిన వర్షన్ ను ప్రేక్షకుల ముందుకు తీసుకు రాబోతున్నట్లుగా సందీప్ వంగా తెలిపారు.
Vijay : ‘బీస్ట్’కి దెబ్బ మీద దెబ్బ.. మరో దేశంలో కూడా బ్యాన్..
అయితే ఇంత లెంగ్త్ ని థియేటర్ లో విడుదల చేయడం కుదరదు కాబట్టి అర్జున్ రెడ్డి న్యూ వర్షన్ ని ఓటీటీలో రిలీజ్ చేయనున్నట్టు సమాచారం. 2017 ఆగస్టు 25న అర్జున్ రెడ్డి సినిమాని రిలీజ్ చేశారు. అయితే ఈ సారి కూడా అదే డేట్ లో అర్జున్ రెడ్డి కొత్త వర్షన్ ని రిలీజ్ చేయడానికి ప్లాన్ చేస్తున్నారు సందీప్ వంగా. అయితే అదే హీరో విజయ్ దేవరకొండ ప్రస్తుతం నటించిన ‘లైగర్’ సినిమాని కూడా 25 ఆగస్టు 2022న రిలీజ్ చేస్తామని ఇప్పటికే ప్రకటించారు.
Kajal Aggarwal : కాజల్ అగర్వాల్ బేబీ బంప్ ఫొటోషూట్
మరి విజయ్ నటించిన ఈ రెండు సినిమాలు ఒకే రోజు రిలీజ్ అవుతాయా? ఒకటి థియేటర్లలో మరోటి ఓటీటీలో సందడి చేయనుందా చూడాలి. విజయ్ గత రెండు సినిమాలు కూడా బాక్సాఫీస్ వద్ద నిరాశ పరిచాయి. మరి ఒకే సారి తనకి కలిసొచ్చిన డేట్ లో రెండు సినిమాలు రిలీజ్ చేసి అర్జున్ రెడ్డి లాగే భారీ విజయం సాధిస్తాడేమో చూడాలి. ఇలా అర్జున్ రెడ్డి వర్సెస్ లైగర్ అంటూ తనకి తానే పోటీ పెట్టుకుంటున్నాడు విజయ్.
