Eggs : గుడ్లు అదేపనిగా తినేస్తున్నారా! అయితే జాగ్రత్త

గుడ్డులోని తెల్లటి భాగంలో అల్బుమిన్ ఉంటుంది. దీని కారణంగా బయోటిన్‌ను శోషించడంలో శరీరానికి సమస్యలు తలెత్తుతాయి. దీంతో కండరాల నొప్పికి సంబంధించిన సమస్యలు, చర్మ సమస్యలు, జుట్టు రాలడం మొదలైన సమస్యలు ఏర్పడుతాయి.

Eggs : గుడ్డు పోషక విలువలు కలిగిన ఆహారం. ఆరోగ్యానికి ఎంతో మంచిది. రోజుకు కనీసం ఒక గుడ్డైనా ఆహారంలో తీసుకోవాలని వైద్య నిపుణులు సూచిస్తుంటారు. శరీరానికి తక్కువ కెలరీలు, మంచి ప్రోటీన్స్‌ను అందిస్తాయి. గుడ్లలో శరీరానికి కావాల్సిన శాచురేటెడ్ ఫ్యాట్స్‌, పాలీ అన్ శాచురేటెడ్ ఫ్యాట్స్, మోనో అన్ శాచురేటెడ్ ఫ్యాట్స్ ఉంటాయి. అదేవిధంగా పొటాషియం, విటమిన్ ఎ, కాల్షియం, ఐరన్, విటమిన్ డి , విటమిన్ బి6, విటమిన్ బి12, మెగ్నీషియం గుడ్డులో పుష్కలంగా ల‌భిస్తాయి.

అయితే గుడ్లను ఎక్కువ మోతాదులో తినటం వల్ల కొన్ని దుష్ప్రభావాలు కూడా ఉన్నాయి. వివిధ రకరకాల ఆరోగ్య సమస్యలు ఎదుర్కోవాల్సి ఉంటుంది. గుడ్డులోని తెల్లసొనలో చాలా ప్రోటీన్ ఉంటుంది. ఇది కిడ్నీ సమస్యలతో బాధపడేవారికి  హానికరం. వాస్తవానికి మూత్రపిండాల సమస్యలతో బాధపడుతున్న వ్యక్తులు తక్కువ మొత్తంలో మూత్రపిండాలను ఫిల్టర్ చేసే ద్రవాన్ని కలిగి ఉంటారు. గుడ్డులోని తెల్లసొన వల్ల ఈ ద్రవం మరింత తగ్గుతుంది. దీనివల్ల కిడ్నీ రోగులకు సమస్య మరింత అధికమౌతుంది.

గుడ్డులోని తెల్లటి భాగంలో అల్బుమిన్ ఉంటుంది. దీని కారణంగా బయోటిన్‌ను శోషించడంలో శరీరానికి సమస్యలు తలెత్తుతాయి. దీంతో కండరాల నొప్పికి సంబంధించిన సమస్యలు, చర్మ సమస్యలు, జుట్టు రాలడం మొదలైన సమస్యలు ఏర్పడుతాయి. కొంతమందిలో గుడ్డులోని తెల్లసొనను తీసుకోవడం వల్ల అలర్జీ వస్తుంది. అటువంటి పరిస్థితిలో చర్మంపై దద్దుర్లు, వాపు, ఎరుపు, తిమ్మిరి, అతిసారం, దురద మొదలైన సమస్యలు ఏర్పడవచ్చు. అలర్జీ సమస్యలు ఉన్నవారు గుడ్లు తినకుండా ఉండటమే మంచిది.

గుడ్డులోని పసుపు భాగం గురించి మాట్లాడితే ఇందులో కొలెస్ట్రాల్ అధిక మొత్తంలో ఉంటుంది. మీరు రోజూ రెండు కంటే ఎక్కువ గుడ్లను తింటే కొలెస్ట్రాల్ పెరుగుతుంది. గుండె సమస్యలతో బాధపడుతున్న వ్యక్తులు, డయాబెటిక్ రోగులు గుడ్లను ఆహారంలో భాగం చేసుకోకపోవటమే ఉత్తమం.