Poco F5 Pro Launch : భారత్‌లో పోకో F5 ప్రో రీబ్రాండెడ్ వెర్షన్‌గా రానున్న రెడ్‌మి K60 ఫోన్.. ధర ఎంత? ఏయే ఫీచర్లు ఉండొచ్చుంటే?
- Published By: 10TV Digital Team ,Published On : January 2, 2023 / 08:07 PM IST
Redmi K60 may debut in India as Poco F5 Pro _ Here’s what to expect
Poco F5 Pro Launch : ప్రముఖ చైనా స్మార్ట్‌ఫోన్ మేకర్ (Xiaomi) ఇటీవలే Redmi K60 సిరీస్ ఫోన్‌లను చైనాలో లాంచ్ చేసింది. ఈ స్మార్ట్‌ఫోన్‌లు త్వరలో ప్రపంచవ్యాప్తంగా లాంచ్ కానున్నాయి. టిప్‌స్టర్ Kacper Skrzypek ప్రకారం.. Redmi K60 రీబ్రాండెడ్ వెర్షన్ Poco F5 ప్రోగా భారత మార్కెట్లో లాంచ్ కావచ్చు. కంపెనీ సిరీస్ కింద మూడు ఫోన్‌లను ఆవిష్కరించింది.
అందులో రెడ్‌మి K60, రెడ్‌మి K60 Pro ఉండగా.. అందులో Redmi K60e మోడల్ చైనాలో మాత్రమే అందుబాటులో ఉంటుందని టిప్‌స్టర్ పేర్కొంది. రెడ్‌మి ఫోన్‌ను పోకో డివైజ్‌గా రీబ్రాండ్ చేసి ఇతర మార్కెట్లలో లాంచ్ చేయడం ఇది మొదటిసారి కాదు. ఉదాహరణకు, Poco F4 GT చైనాలో Redmi K50 గేమింగ్‌గా రీబ్రాండ్ అయింది. అదేవిధంగా, భారత మార్కెట్లో అందుబాటులో ఉన్న Poco F4 ఇతర మార్కెట్లలో Redmi K40s వెర్షన్‌గా విక్రయిస్తోంది.
Redmi K60 ఫోన్ 4 స్టోరేజీ ఆప్షన్లలో వస్తుంది. బేస్ వేరియంట్ 8GB RAMని 128GB స్టోరేజ్‌తో వస్తుంది. ఈ ఫోన్ టాప్-ఎండ్ మోడల్ 16GB RAM, 512GB స్టోరేజీ సామర్థ్యాన్ని కలిగి ఉంది. స్మార్ట్‌ఫోన్ 6.67-అంగుళాల QHD+ AMOLED డిస్‌ప్లేతో 120Hz రిఫ్రెష్ రేట్, 480Hz టచ్ శాంప్లింగ్ రేట్‌తో వస్తుంది. ఆప్టిక్స్ కోసం.. ఈ డివైజ్ వెనుకవైపు ట్రిపుల్ కెమెరా సిస్టమ్‌తో వస్తుంది.
Redmi K60 may debut in India as Poco F5 Pro
8MP అల్ట్రా-వైడ్ కెమెరాతో పాటు 2MP మాక్రో సెన్సార్‌తో 64MP ప్రధాన సెన్సార్‌ను కలిగి ఉంది. సెల్ఫీల కోసం.. ముందు భాగంలో 16MP కెమెరా ఉంది. Redmi K60 Adreno GPUతో Qualcomm Snapdragon 8+ Gen1 ప్రాసెసర్‌తో వస్తుంది. ఈ హ్యాండ్‌సెట్ Android 13-ఆధారిత MIUI 14 కస్టమ్ స్కిన్‌పై రన్ అవుతుంది. 5,500mAh బ్యాటరీతో సపోర్టు ఇస్తుంది. 67W ఫాస్ట్ ఛార్జింగ్ సపోర్టును అందిస్తుంది. 30W వైర్‌లెస్ ఛార్జింగ్ సపోర్ట్ కూడా అందిస్తుంది.
Poco త్వరలో X5 సిరీస్ ఫోన్‌లను భారత మార్కెట్లో లాంచ్ చేయనుంది. పోకో ఇండియా హెడ్ హిమాన్షు టాండన్ మైక్రోబ్లాగింగ్ సైట్ ప్రకారం.. రాబోయే నెలల్లో 2023 కొత్త స్మార్ట్‌ఫోన్‌లను లిస్టును షేర్ చేశారు. ఈ లిస్టులో Poco X5 సిరీస్ అందించలేదు. కానీ, టాండన్ ‘Poco X5 సిరీస్?’తో రావొచ్చునని రివీల్ చేశారు. అయితే, ఈ కొత్త Poco సిరీస్ ఎప్పుడు లాంచ్ అవుతుంది అనేది వెల్లడించలేదు. Poco X5 సిరీస్ త్వరలో భారత మార్కెట్లో లాంచ్ అయ్యే అవకాశం ఉంది.
WATCH : 10TV LIVE : “నాన్ స్టాప్ న్యూస్ అప్ డేట్స్ కోసం 10TV చూడండి”..
Read Also : Redmi K60 Series : అద్భుతమైన ఫీచర్లతో రెడ్‌మి K60 సిరీస్ వచ్చేసింది.. ధర ఎంతో తెలిస్తే వెంటనే కొనేస్తారు!
