RRR: చరణ్, ఎన్టీఆర్ గురించి చెబుతూ.. ఒక్కసారిగా ఎమోషనల్ అయిన రాజమౌళి!

RRR ప్రీ రిలీజ్ ఈవెంట్.. చెన్నైలో గ్రాండ్ గా జరిగింది. రామ్ చరణ్, జూనియర్ ఎన్టీఆర్ తో పాటు.. దర్శకుడు రాజమౌళి.. ఈ ఈవెంట్ లో సందడి చేశారు. ఫ్యాన్స్ పెద్ద సంఖ్యలో హాజరయ్యారు.

RRR: ఎమోషన్లనే క్యారెక్టర్లుగా మార్చి భారీ సినిమాలు తీసే దర్శక ధీరుడు రాజమౌళి.. చివరికి తానే ఎమోషనల్ అయ్యాడు. దాదాపు మూడేళ్లుగా RRR సినిమాను రూపొందించిన అనుభవాన్ని.. చెన్నైలో జరిగిన ప్రీ రిలీజ్ ఈవెంట్ లో పంచుకున్నాడు. మెగా పవర్ స్టార్ రామ్ చరణ్, యంగ్ టైగర్ జూనియర్ ఎన్టీఆర్ గురించి మాట్లాడుతూ.. ఒక్కసారిగా భావోద్వేగానికి గురయ్యాడు. వాళ్లిద్దరి వల్లే.. RRR సినిమా సాధ్యమైందని చెప్పాడు. ఆ ఇద్దరూ కమిట్‌మెంట్‌తో పని చేసిన కారణంగానే.. తన పని సులువైందని అన్నాడు.

జూనియర్ ఎన్టీఆర్ గురించి చాలా విషయాలు చెప్పుకొచ్చాడు. “ఎన్టీఆర్ తో పని చేసినప్పుడు నాకు చాలా సులువుగా ఉంటుంది. నేను మనసులో అనుకున్నదాన్ని సేమ్ టు సేమ్ చేయగలడు తారక్. మా ఇద్దరి మధ్య అంత కో ఆర్డినేషన్ ఉంది. ఉదయం 7 గంటలకు సెట్ కు రావాలని చెబితే.. 6 గంటలకే సెట్ కు వచ్చేవాడు. అందుకే.. తారక్ కు టైమ్ సెన్స్ లేదని నేను అంటుంటా. ఇంత కమిటెడ్ గా పని చేసే నటుడు దొరకడం నాకు, తెలుగు సినిమాకు మాత్రమే కాదు.. భారత సినీ పరిశ్రమ సైతం చేసుకున్న అదృష్టం” అంటూ జూనియర్ ఎన్టీఆర్ పై తన అభిమానాన్ని చాటుకున్నాడు.. రాజమౌళి.

రామ్ చరణ్ నుంచి తాను ఎంతో నేర్చుకున్నానని రాజమౌళి చెప్పాడు. సెట్ కు ప్రశాంతంగా వచ్చి.. దర్శకుడికి ఏం కావాలో తెలుసుకుని.. ఎలా చేయాలో తెలుసుకుని.. అవసరమైన నటన ఇచ్చేంత కూల్ గా, సెక్యూర్ గా.. రామ్ చరణ్ ఉంటాడని అన్నాడు. అంత కంఫర్టబుల్ గా ఉన్న నటుడిని తాను ఇప్పటివరకూ చూడలేదని.. చరణ్ దగ్గర తాను ఇలాంటి చాలా విషయాలు నేర్చుకున్నానని చెప్పాడు. అందుకే చరణ్ ను తన హీరోగా చెబుతానన్నాడు. “తారక్ ఆంబీషియస్ అయితే… చరణ్ సెక్యూర్. తారక్ నార్త్ పోలార్ అయితే… చరణ్ సౌత్ పోలార్. ఇలాంటి భిన్న ధృవాలు కలిసి RRR ను ఈ స్థాయికి తీసుకొచ్చారు” అని రాజమౌళి చెప్పుకొచ్చాడు. ఈ క్రమంలో.. ఎమోషనల్ అయిన రాజమౌళిని చరణ్, తారక్ ఇద్దరూ ఆప్యాయంగా హత్తుకున్నారు.

ఇక.. ఆర్ఆర్ఆర్ తమిళ్ వర్షన్ కోసం పని చేసిన ప్రతి ఒక్కరికీ రాజమౌళి ప్రత్యేక కృతజ్ఞతలు చెప్పాడు. జనవరి 7న థియేటర్లలోకి వచ్చేస్తున్నామని క్లారిటీ ఇచ్చాడు. తమిళ ప్రేక్షకులంతా సినిమాను ఆదరించాలని కోరుకున్నాడు. ఈ స్టేట్ మెంట్ తో.. ఆర్ఆర్ఆర్ సినిమా విడుదల వాయిదా పడే అవకాశం ఉందన్న రూమర్లకు రాజమౌళి చెక్ పెట్టినట్టయింది. ఎలాంటి సిచువేషన్ లో అయినా సినిమా విడుదల ఖాయమన్న అంచనాలు.. రామ్ చరణ్, జూనియర్ ఎన్టీఆర్ అభిమానుల్లో ఉత్సాహాన్ని రెట్టింపు చేస్తున్నాయి.

Read More:

RRR: సల్మాన్‌తో కలిసి నాటు స్టెప్పులేసిన తారక్ – చరణ్!

RRR: కొమురం భీముడో.. ఆర్ఆర్ఆర్ నుంచి గూస్‌బంప్స్ తెప్పించే పాట!

RRR: అమెరికాలో ఆర్ఆర్ఆర్ రచ్చ.. విడుదలకు ముందే రికార్డులు!

RRR : ఆర్ఆర్ఆర్ కి వ్యాక్సిన్‌కి లింక్ పెట్టిన ఆర్జీవీ.. ప్రభుత్వం ఆర్జీవీ చెప్పింది చేయాలి అంటున్న నెటిజన్లు

RRR: బ్లాస్టింగ్ ఈవెంట్‌కు గెస్టులుగా చిరు-బాలయ్య.. బొమ్మ దద్దరిల్లాల్సిందే!