శివన్న ‘భజరంగీ 2’ టీజర్ అదిరిపోయిందిగా!

కన్నడ సూపర్ స్టార్, కరునాడ చక్రవర్తి డా.శివరాజ్ కుమార్ ‘భజరంగి 2’ టీజర్..

కన్నడ సూపర్ స్టార్, కరునాడ చక్రవర్తి డా.శివరాజ్ కుమార్ బర్త్ డే సందర్భంగా ఆయన నటించిన కొత్త చిత్రం “బజరంగీ-2’’ టీజర్ రిలీజ్ చేసింది చిత్రబృందం. ఈ మూవీ 2013 లో వచ్చి సూపర్ హిట్ అయిన ‘‘బజరంగీ” చిత్రానికి సీక్వెల్. భారీ బడ్జెట్ తో తెరకెక్కిన ఈ మూవీ టీజర్ కు అద్భుతమైన రెస్పాన్స్ వస్తోంది. కన్నడ చిత్రమే అయిన కానీ పాన్ ఇండియా చిత్రం తరహాలో బాలీవుడ్ తో సహా అన్ని సౌత్ భాషల వాళ్ళు ఈ చిత్ర టీజర్ ను ఆన్ లైన్ లో షేర్ చేస్తూ టీజర్ భలే ఉందంటూ మెచ్చుకోవడం విశేషం.

ఈ రెస్పాన్స్ చూసి దర్శక నిర్మాతలు ఈ సినిమాను పాన్ ఇండియా లెవెల్ లో రిలీజ్ చేసే ఆలోచనలో ఉన్నారు. త్వరలోనే తెలుగులో కూడా ఈ సినిమా డబ్ కానుంది. టీజర్ చూసి పలువురు ప్రొడ్యూసర్ లు, డిస్ట్రిబ్యూటర్ లు ఈ సినిమా డబ్బింగ్ రైట్స్ కోసం ఎంక్వైరీ చేస్తున్నారు.

టీజర్ కు వచ్చిన రెస్పాన్స్ గురుంచి హీరో శివ‌రాజ్ కుమార్ మాట్లాడుతూ : 2013 లో మేము తీసిన “బజరంగీ” పెద్ద హిట్ కావడంతో దానికి సీక్వెల్ గా ఈ “బజరంగీ-2’’ మూవీ భారీగా తీయాలని భావించాం. కానీ ఈ టీజర్ కు ఇంత రెస్పాన్స్ వస్తుందని అనుకోలేదు.అన్ని ఇండస్ట్రీల నుండి కాల్స్ వస్తున్నాయి. ఈ అద్భుతమైన రెస్పాన్స్ కి అందరికీ ధన్యవాదాలు” అన్నారు.

ఇక “బజరంగీ-2” టీజర్ విజువల్ గా అద్భుతంగా ఉంది. బాక్ గ్రౌండ్ స్కోర్, గ్రాఫిక్స్ షాట్స్ చూస్తుంటే మరో “కెజిఎఫ్” తరహా సినిమా కాబోతుంది అనిపిస్తుంది. పీరియాడిక్ సోషియో ఫాంటసీ థ్రిల్లర్ గా తెరకెక్కిన ఈ మూవీలో శివరాజ్ కుమార్ సరసన భావన హీరోయిన్‌‌గా నటిస్తుంది. జయన్న ఫిలిమ్స్ బ్యానర్ పై జయన్న మరియు భోగేంద్ర కలిసి నిర్మిస్తున్న ఈ మూవీని ఎ.హర్ష డైరెక్ట్ చేశారు. థియేటర్లు ఓపెన్ అవ్వగానే ప్రపంచ వ్యాప్తంగా ఈ సినిమా రిలీజ్ కాబోతుంది.