KTM RC390: కేటీఎం ఆర్‌సీ 390 2022 మోడల్‌ని విడుదల చేసిన బజాజ్ | KTM India launches RC390 2022 Model in Indian market, with added features

KTM RC390: కేటీఎం ఆర్‌సీ 390 2022 మోడల్‌ని విడుదల చేసిన బజాజ్

ఇప్పటికే భారత మార్కెట్లో కొనసాగుతున్న ఆర్‌సీ 390కే సరికొత్త మెరుగులుదిద్ది 2022 మోడల్‌గా తీసుకొచ్చింది బజాజ్ సంస్థ.

KTM RC390: కేటీఎం ఆర్‌సీ 390 2022 మోడల్‌ని విడుదల చేసిన బజాజ్

KTM RC390: కేటీఎం బ్రాండ్‌లో ఆర్‌సీ 390 2022 మోడల్ బైక్‌ను బజాజ్ సంస్థ సోమవారం భారత మార్కెట్లోకి విడుదల చేసింది. ఇప్పటికే భారత మార్కెట్లో కొనసాగుతున్న ఆర్‌సీ 390కే సరికొత్త మెరుగులుదిద్ది 2022 మోడల్‌గా తీసుకొచ్చింది బజాజ్ సంస్థ. గత మోడల్స్‌తో పోల్చుకుంటే ఈ సరికొత్త ఆర్‌సీ 390లో అనేక కొత్త ఫీచర్స్‌ను జోడించింది కేటీఎం. సింగిల్-పాడ్ LED హెడ్‌లైట్, నాణ్యమైన బాడీ గ్రాఫిక్స్, 13.7-లీటర్ సామర్ధ్యం గల ఇంధన ట్యాంక్, ఇంకా సీట్ డిజైన్ కూడా కొత్త మోడల్‌లో మారింది. వీటితో పాటుగా..బ్లూటూత్ కనెక్టివిటీతో కూడిన ఇన్స్ట్రుమెంట్ క్లస్టర్, WP అభివృద్ధి చేసిన అప్‌సైడ్‌డౌన్ ఫోర్క్, అడ్జస్టబుల్ రియర్ షాక్ అబ్జార్బర్..ఉన్నాయి. అయితే ఇంటర్నేషనల్ మార్కెట్‌లో ఉన్న అడ్జస్టబుల్ సస్పెన్షన్ ఫీచర్ మాత్రం ఇండియా మోడల్స్‌కు లేదు.

Other Stories:Akasa Airlines: రాకేశ్ ఝున్‌జున్‌వాలా ‘ఆకాశ ఎయిర్’ మొదటి బ్యాచ్ విమానాలు సిద్ధం: జులైలోనే సేవలు

ఆర్‌సీ 390 2022 మోడల్ ప్రత్యేకతలు:

373CC లిక్విడ్-కూల్డ్, సింగిల్ సిలిండర్, DOHC ఇంజిన్ కలిగి ఉంది. 2022 మోడల్ ఇంజిన్‌లో 40 శాతం పెద్ద ఎయిర్‌బాక్స్ మరియు కొత్త ఇంజిన్ మ్యాపింగ్‌ను అభివృద్ధి చేశారు. దీంతో బైక్ టార్క్ పెరగడంతో పాటు మొత్తం రైడ్‌ క్వాలిటీని పెంచుతుందని కేటీఎం తెలిపింది. 6 స్పీడ్ మాన్యువల్ ట్రాన్స్మిషన్‌తో వస్తున్న ఆర్‌సీ 390 గరిష్టంగా 42.9 bhp పవర్, 37 Nm టార్క్‌ని ఉత్పత్తి చేస్తుంది. KTM ఫ్యాక్టరీ రేసింగ్ బ్లూ మరియు KTM ఆరెంజ్ రంగుల్లో లభిస్తున్న ఈ ఆర్‌సీ 390 ధర ₹ 3,14,000(ఎక్స్ షోరూమ్, ఢిల్లీ)గా నిర్ణయించినట్లు కేటీఎం తెలిపింది.

×