Spam Calls Block : మీ ఫోన్ నెంబర్‌కు స్పామ్ కాల్స్ వస్తున్నాయా? బ్లాక్ చేయాలంటే వెంటనే ఇలా చేయండి.. అన్ని నెట్‌వర్క్‌లకు ఒకటే ఆప్షన్..!
Tech Tips in Telugu : మీ ఫోన్ నెంబర్‌కు పదేపదే స్పామ్ కాల్స్ (Spam Calls) వస్తున్నాయా? సాధారణంగా టెలిమార్కెటింగ్ స్పామ్ కాల్‌లు ఎక్కువగా యూజర్లకు విసుగు కలిగిస్తుంటాయి.
- Published By: 10TV Digital Team ,Published On : September 24, 2024 / 05:49 PM IST
How to block spam calls and enable DND
Spam Calls Block : మీ ఫోన్ నెంబర్‌కు పదేపదే స్పామ్ కాల్స్ (Spam Calls) వస్తున్నాయా? సాధారణంగా టెలిమార్కెటింగ్ స్పామ్ కాల్‌లు ఎక్కువగా యూజర్లకు విసుగు కలిగిస్తుంటాయి. మీరు మీటింగ్‌లో బిజీగా ఉన్నప్పుడు లేదా ఏదైనా ముఖ్యమైన కాల్ కోసం చూస్తున్నప్పుడు.. క్రెడిట్ కార్డ్‌లు, మార్కెటింగ్, టెలిషాపింగ్ లేదా మోసపూరిత కాల్స్ నిరంతరం వస్తుంటాయి. స్పామ్ కాల్‌లలో చాలా వరకు బ్యాంకు ప్రతినిధులుగా నమ్మిస్తూ.. యూజర్లను మోసగించేందుకు ప్రయత్నిస్తుంటారు. మీ వ్యక్తిగత, ఆర్థిక సమాచారాన్ని అడుగుతూ మోసపూరిత కాల్స్ చేస్తుంటారు.
ఈ ఫోన్ కాల్‌లకు ఎవరైనా స్పందిస్తే మీ విలువైన డబ్బును కోల్పోతారు జాగ్రత్త.. స్పామ్ కాల్స్ సమస్యను నివారించాలంటే విస్మరించడం అనే ఆప్షన్ కాదు. అలాంటి స్పామ్ కాల్‌లను విస్మరించడానికి మీరు మీ ఫోన్‌ని సైలెంట్‌గా పెట్టలేరు. మీ డివైజ్ DND మోడ్‌ను కూడా ఆన్ చేయలేరు.
అలా చేస్తే.. మీరు ఏదైనా పార్సెల్‌లను డెలివరీ కంపెనీల నుంచి ముఖ్యమైన కాల్‌లను అందుకోలేరని గుర్తించుకోవాలి. ఇంతకీ ఈ స్పామ్ కాల్స్ నుంచి ఎలా బయటపడాలో తెలుసా? అప్పుడు ఏమి చేయాలి? స్పామ్ కాల్‌లను శాశ్వతంగా బ్లాక్ చేసేందుకు టెలికాం రెగ్యులేటరీ అథారిటీ ఆఫ్ ఇండియా (TRAI) స్పెషల్ సర్వీసులను కలిగి ఉంది.
Read Also : Apple iPhone 17 Leak : ఆపిల్ ఐఫోన్ 17 ఫీచర్లు లీక్.. బిగ్ డిస్‌ప్లే, మరెన్నో అప్‌గ్రేడ్ ఆప్షన్లు ఉండొచ్చు..!
స్పామ్ కాల్‌లను బ్లాక్ చేయడంలో యూజర్లకు సాయపడేందుకు TRAI నేషనల్ కస్టమర్ ప్రిఫరెన్స్ రిజిస్టర్ (NCPR), గతంలో నేషనల్ డూ నాట్ కాల్ రిజిస్ట్రీ (NDNC) చొరవను ప్రారంభించింది. ఎంచుకున్న రంగాల నుంచి అన్ని టెలిమార్కెటింగ్ కమ్యూనికేషన్‌లు లేదా కాల్‌లను స్వీకరించడం నిలిపివేయొచ్చు. ఈ DND సర్వీసు కోసం Sign-Up చేయవచ్చు.
DND యాక్టివేషన్ అనేది అన్‌వాటెండ్ థర్డ్-పార్టీ కమర్షియల్ కాల్‌లను మాత్రమే బ్లాక్ చేస్తుంది. మీ బ్యాంక్ నుంచి SMS అలర్ట్స్, ఆన్‌లైన్ పోర్టల్‌లు, ఇతర సర్వీసుల నుంచి కమ్యూనికేషన్‌లు, థర్డ్-పార్టీ వ్యక్తిగత కాలింగ్ మొదలైనవాటిని బ్లాక్ చేస్తుందని నేషనల్ కన్స్యూమర్ ప్రిఫరెన్స్ రిజిస్టర్ వెల్లడించింది.
మీ మొబైల్ నంబర్‌లో DNDని ఎలా యాక్టివేట్ చేయాలంటే? :
- మీ SMS యాప్‌ని ఓపెన్ చేసి.. START అని టైప్ చేయండి.
- ఇప్పుడు ఈ మెసేజ్ 1909కి పంపండి.
- మీ సర్వీస్ ప్రొవైడర్ మీకు కేటగిరీల లిస్టును పంపుతారు (బ్యాంకింగ్, హాస్పిటాలిటీ ఇతరులు).
- మీరు బ్లాక్ చేయాలనుకునే కేటగిరీ కోసం కోడ్‌తో రిప్లయ్ ఇవ్వండి.
- రియల్ ఎస్టేట్, విద్య, ఆరోగ్యం మొదలైన నిర్దిష్ట కేటగిరీ నుంచి కాల్‌లను కంట్రోల్ చేసేందుకు ఎంచుకునే కొన్ని కోడ్‌లు ఉన్నాయి.
అన్ని కేటగిరీలను పూర్తిగా బ్లాక్ చేయండి (Block) :
- అన్ని కేటగిరీలను పూర్తిగా బ్లాక్ చేయండి (బ్లాక్)
- బ్యాంకింగ్/ఇన్సూరెన్స్/క్రెడిట్ కార్డ్‌లు/ఫైనాన్షియల్ ప్రొడక్టులు (బ్లాక్ 1)
- రియల్ ఎస్టేట్ కోసం (బ్లాక్ 2)
- విద్య సంబంధిత స్పామ్‌ల కోసం (బ్లాక్ 3)
- హెల్త్ సంబంధిత కాల్స్ (బ్లాక్ 4)
- వినియోగ వస్తువులు/ఆటోమొబైల్స్/వినోదం/ఐటీ (బ్లాక్ 5)
- కమ్యూనికేషన్/బ్రాడ్‌కాస్టింగ్ కోసం (బ్లాక్ 6)
- టూరిజం విశ్రాంతి కోసం (బ్లాక్ 7)
- ఆహారం, పానీయాల కోసం (బ్లాక్ 8)
- కోడ్‌లను 1909కి పంపండి. అవాంఛిత కాల్స్ నుంచి విముక్తి పొందండి.
టెలికాం సర్వీస్ ఆపరేటర్ల ద్వారా DND సర్వీసులను కూడా యాక్టివేట్ చేసుకోవచ్చు. Jio, Airtel, Vodafoneలో DNDని రిజిస్టర్ చేయొచ్చు.
Jioలో DNDని ఎలా యాక్టివేట్ చేయాలంటే? :
– MyJio యాప్‌ను ఓపెన్ చేయండి.
– Settings > Service settings > Do not disturb
– మీరు ఫోన్ కాల్స్, మెసేజ్‌లను స్వీకరించకుండా బ్లాక్ చేయాలనుకునే కేటగిరీలను ఎంచుకోండి.
Airtelలో DNDని ఎలా యాక్టివేట్ చేయాలంటే? :
– ఎయిర్‌టెల్ అధికారిక సైట్‌ని airtel.in/airtel-dnd విజిట్ చేయండి.
– మీ మొబైల్ నంబర్‌ను రిజిస్టర్ చేయండి
– వెరిఫై చేయడానికి మీ నంబర్‌కు వచ్చిన OTPని ఎంటర్ చేయండి.
-మీరు బ్లాక్ చేయాలనుకునే కేటగిరీలను ఎంచుకోండి.
Viలో DNDని ఎలా యాక్టివేట్ చేయాలంటే? :
– Discover.vodafone.in/dndని ఓపెన్ చేయండి.
– మీ మొబైల్ నంబర్, ఈ-మెయిల్ అడ్రస్, పేరు రిజిస్టర్ చేయండి.
– మీరు మార్కెటింగ్ కాల్‌లను పొందకుండా బ్లాక్ చేయాలనుకునే కేటగిరీలను ఎంచుకోండి.
BSNLలో DNDని ఎలా యాక్టివేట్ చేయాలంటే? :
- మీ BSNL నంబర్ నుంచి 1909కి ‘start dnd’ అనే మెసేజ్ పంపండి.
- మీరు స్పామ్ కాల్‌లను బ్లాక్ చేయగల సెక్టార్‌ల లిస్టులో టెలికాం ఆపరేటర్ ఉంది.
- మీరు బ్లాక్ చేయాలనుకునే కేటగిరీలను ఎంచుకోండి.
- మీరు వాయిస్ కాల్, SMS లేదా అన్నింటితో సహా మోడ్ నుంచి కూడా ఎంచుకోవచ్చు.
