Bee Farming : తేనెటీగల పెంపకంతో నెలకు లక్షరూపాయల సంపాదన
హైదరాబాద్ లో తేనెటీగల పెంపకంలో శిక్షణ తీసుకుని మొదట 12 పెట్టెలతో ప్రారంభించారు. అయితే అనుభం తక్కువగా ఉండటంచేత అంతగా లాభాలు రాకపోయినా వెనుకడుగు వేయకుండా ముందుకు సాగారు.
- Published By: 10TV Digital Team ,Published On : September 14, 2023 / 01:00 PM IST
Honey Bee Farming
Bee Farming : మార్కెట్‌లో ర‌క‌ర‌కాల కంపెనీల‌కు చెందిన తేనెలు అందుబాటులో ఉన్నాయి. అదే క్రమంలో మరి కొందరు ఈ తేనెలపై న‌మ్మ‌కం లేక తేనెటీగల పెంప‌కందారుల వ‌ద్దకే వెళ్లి స్వచ్ఛమైన తేనెను కొంటుంటారు. నిజానికి తేనెటీగల పెంపకం, తేనె అమ్మ‌డం ద్వారా నెల నెలా చ‌క్క‌ని ఆదాయం సంపాదిస్తున్నారు. దీన్ని చూసే వరంగల్ జిల్లాకు చెందిన ఓ యువకుడు.. తేనెటీగల పెంపకం చేపట్టాడు. వచ్చిన తేనెను సొంత బ్రాండ్ పైనే ఔట్ లెట్ ఏర్పాటు చేసి అమ్ముతూ.. మంచి అదాయం పొందుతున్నాడు.
READ ALSO : Mushroom Cultivation : పుట్టగొడుగుల పెంపకంలో ఆసక్తిగల యువకులకు శిక్షణ ఇస్తున్న ఉండి కేవికే
వరంగల్ కు చెందిన హర్షవర్థన్ డిగ్రీ వరకు చదువుకున్నారు. స్వతహాగా స్కేటింగ్ ప్లేయర్ కావడంతో స్థానికంగా కోచ్ గా కొన్నేళ్లపాటు పనిచేశారు. అయితే కరోనా సమయంలో తన ఉపాధి పోవడమే కాకుండా, తన తల్లికి కరోనా సోకడం .. డాక్టర్ల సలహాతో ప్రతిరోజు తేనె నిమ్మరసంలో కలిపి ఇవ్వమనడంతో.. స్వచ్ఛమైన తేనె కోసం చాలా చోట్ల వాకబు చేశాడు. ఎక్కడ కానిపించకపోవటంతో దీంతో యూట్యూబ్ లో సర్చ్ చేయగా.. తేనెటీగల పెంపకంతో ఉపాధి పొందుతున్న వారిని చూసి తాను పెంచాలనుకున్నారు.
ఇందుకోసం హైదరాబాద్ లో తేనెటీగల పెంపకంలో శిక్షణ తీసుకుని మొదట 12 పెట్టెలతో ప్రారంభించారు. అయితే అనుభం తక్కువగా ఉండటంచేత అంతగా లాభాలు రాకపోయినా వెనుకడుగు వేయకుండా ముందుకు సాగారు. ప్రస్తుతం 450 పెట్టెలతో తేనె ఉత్పత్తి చేస్తూ వచ్చిన దిగుబడిని స్థానికంగానే ఔట్ లెట్ ఏర్పాటు చేసి అమ్ముతున్నారు. అన్ని ఖర్చులు పోను నెలకు 80 నుండి 1 లక్ష రూపాయల వరకు అదాయం సంపాదిస్తున్నారు.
READ ALSO : Okra Crop : అధిక దిగుబడుల కోసం బెండసాగులో యాజమాన్య పద్ధతులు
భూమిలేని నిరుపేదలు, నిరుద్యోగ యువతకు మంచి ఉపాధినిస్తున్న తేనెటీగల పెంపకంతో లాభాలకు కొదవలేదు. సంవత్సరం పొడవునా తేనే ఉత్పత్తి కావటం , ఎంత కష్టపడితే అంత లాభం వస్తుండటంతో ఈ పరిశ్రమ దినదినాభివృద్ధి చెందుతోంది. తేనె ఉత్పత్తి ద్వారా నెలకు 50 వేల నుండి లక్ష రూపాయల నికర లాభం సాధిస్తున్నారు. కాకపోతే తేనెటీగల పట్ల అవగాహన ఉండి.. ఏసీజన్ లో ఏపంటలు పండుతాయి.. ఎక్కడైతే అధికంగా మకరందం దొరుకుతుందో అక్కడికి పెట్టెలను రవాణా చేస్తుంటే అధిక తేనె దిగుబడిని పొందేందుకు ఆస్కారం ఉంటుందని నిపుణలు సూచిస్తున్నారు.
