AP BC Reservation: బీసీ రిజర్వేషన్లపై ఏపీ ప్రభుత్వం సంచలన నిర్ణయం.. సుప్రీంకోర్టు వెళ్లిన సర్కార్.. తీర్పుపై తీవ్ర ఉత్కంఠ!
స్థానిక సంస్థల ఎన్నికల్లో BC(AP BC Reservation) లకు 34 శాతం రిజర్వేషన్ల విషయంలో ఆంధ్రప్రదేశ్‌ ప్రభుత్వం సుప్రీంకోర్టును ఆశ్రయించింది.
- Published By: V Santhosh Kumar , Published On : October 3, 2026 / 03:16 PM IST
AP government approaches Supreme Court regarding BC reservation in local body elections.
AP BC Reservation: ఆంధ్రప్రదేశ్‌లో స్థానిక సంస్థల ఎన్నికల్లో వెనుకబడిన తరగతులకు (BC) 34 శాతం రిజర్వేషన్లు కల్పిస్తూ ప్రభుత్వం జారీ చేసిన జీవోలను రాష్ట్ర హైకోర్టు కొట్టివేసిన నేపథ్యంలో, ఏపీ ప్రభుత్వం అత్యున్నత న్యాయస్థానమైన సుప్రీంకోర్టును ఆశ్రయించింది. బీసీలకు 34% రిజర్వేషన్లు పునరుద్ధరించడానికి తమ ప్రభుత్వం సంపూర్ణంగా కట్టుబడి ఉందంటూ ముఖ్యమంత్రి నారా చంద్రబాబు నాయుడు స్పష్టం చేయడంతో, అధికారుల బృందం ఢిల్లీలో స్పెషల్ లీవ్ పిటిషన్‌ను (SLP) దాఖలు చేసింది.
50 శాతం పరిమితి దాటిందన్న హైకోర్టు.. విచారణపై సస్పెన్స్:
మొత్తం రిజర్వేషన్లు(AP BC Reservation) 50 శాతానికి మించకూడదన్న సుప్రీంకోర్టు గత తీర్పులను ఉటంకిస్తూ హైకోర్టు ఈ జీవోలను రద్దు చేయడమే కాకుండా, ఆరు వారాల్లో ఎన్నికలు పూర్తి చేయాలని ఆదేశించింది. అయితే, బీసీల రాజకీయ, సామాజిక పురోగతికి 34 శాతం రిజర్వేషన్లు అత్యంత కీలకమని వాదిస్తున్న ప్రభుత్వం, సుప్రీంకోర్టు ధర్మాసనం ముందు తమ బలమైన వాదనలను వినిపించేందుకు సమాయత్తమవుతోంది.
