కరోనా ఎఫెక్ట్ : అన్ని ప్రవేశ పరీక్షలు వాయిదా
- Published By: bheemraj ,Published On : July 13, 2020 / 11:57 PM IST
ఏపీలో ఎంసెట్ సహా అన్ని ప్రవేశ పరీక్షలు వాయిదా పడ్డాయి. కరోనా వైరస్ ఎఫెక్ట్ తో ఎంసెట్ సహా 8 కామన్ ఎంట్రన్స్ పరీక్షలు వాయిదా పడ్డాయి. కరోనా నేపథ్యంలో ఎంట్రన్స్ పరీక్షలు వాయిదా వేస్తున్నామని విద్యాశాఖ మంత్రి ఆదిమూలపు సురేష్ తెలిపారు. పరీక్షల తేదీలను త్వరలో ప్రకటిస్తామని చెప్పారు. సెప్టెంబర్ 3వ వారంలో ఎంసెట్ ఎంట్రన్స్ టెస్టు నిర్వహిస్తామని పేర్కొన్నారు. ఆన్ లైన్ కోర్సుల విధివిధానాలు త్వరలో రూపొందిస్తామని తెలిపారు.
ఏపీలో ఎంసెట్ తోపాటు ఎనిమిది కామన్ ఎంట్రన్స్ టెస్టులు వాయిదా వేస్తూ ఏపీ ప్రభుత్వం నిర్ణయం తీసుకుంది. దీనికి సంబంధించిన అధికారిక ప్రకటనను మంత్రి ఆదిమూలపు విడుదల చేశారు. ఎంసెట్ తోపాటు ఐసెట్, ఈసోట్, లాసెట్, ఎడ్ సెట్ మరియు పీజీ పరీక్షలకు సంబంధించినటువంటి తేదీలు ప్రకటించారో ఆయా తేదీలను వాయిదా వేస్తున్నట్లు ప్రకటించారు.
ముఖ్యంగా డీగ్రీ, పీజీ పరీక్షలు వాయిదా వేస్తున్నట్లు మంత్రి సురేష్ ప్రకటించారు. వీటన్నిటిని సెప్టెంబర్ మూడో వారం తర్వాత ఏఏ పరీక్షలు నిర్వస్తారో ఫైనల్ చేస్తామని తెలిపారు. కరోనా వ్యాప్తి ఎక్కువగా ఉన్న నేపథ్యంలో ఈ నిర్ణయం తీసుకున్నారు. సీఎం జగన్ తో చర్చించిన తర్వాత ఈ నిర్ణయం తీసుకున్నట్లు మంత్రి ఆదిమూలపు సురేష్ తెలిపారు.
