AP COVID Cases: ఏపీలో మళ్లీ కోవిడ్ కలకలం.. నెల రోజుల్లో 12 కేసులు.. నలుగురు మృతి
ఆంధ్రప్రదేశ్లో కరోనా (AP COVID Cases)కేసులు మళ్లీ వెలుగుచూడటం ప్రజల్లో తీవ్ర ఆందోళన కలిగిస్తోంది.
- Published By: V Santhosh Kumar , Published On : July 17, 2026 / 10:18 AM IST
Coronavirus cases are rising again in Andhra Pradesh.
- ఏపీలో మళ్లీ కరోనా కలకలం
- నెల రోజుల్లో నలుగురు మృతి
- వైద్య ఆరోగ్య శాఖ అలర్ట్
AP COVID Cases: ఆంధ్రప్రదేశ్లో కరోనా కేసులు మళ్లీ వెలుగుచూడటం ప్రజల్లో తీవ్ర ఆందోళన కలిగిస్తోంది. గత నెల రోజుల వ్యవధిలోనే రాష్ట్రవ్యాప్తంగా మొత్తం 12 కోవిడ్ కేసులు నమోదైనట్లు అధికారిక వర్గాలు వెల్లడించాయి. జూన్ 26వ తేదీన వైఎస్సార్ కడప జిల్లాలో ఈ సీజన్ మొదటి కేసు నమోదవగా, ఆ తర్వాత క్రమంగా ఇతర జిల్లాలకూ విస్తరించింది. జిల్లాల వారీగా పరిశీలిస్తే అత్యధికంగా కడపలో 8 కేసులు, గుంటూరులో 2, విశాఖపట్నం మరియు కాకినాడ జిల్లాల్లో చెరో ఒక కేసు చొప్పున నమోదయ్యాయి. ఈ కొత్త కేసుల నమోదుతో వైద్య ఆరోగ్య శాఖ రంగంలోకి దిగింది.
వైరస్ బారిన పడిన 12 మందిలో దురదృష్టవశాత్తూ నలుగురు ప్రాణాలు కోల్పోవడం పరిస్థితి తీవ్రతను సూచిస్తోంది. బాధితుల్లో ప్రస్తుతం ముగ్గురు హోం క్వారంటైన్లో ఉండి చికిత్స పొందుతుండగా, మరో ఇద్దరు ఆసుపత్రుల్లో వైద్యుల పర్యవేక్షణలో ఉన్నారు. మిగిలిన ముగ్గురు వైరస్(AP COVID Cases) నుండి పూర్తిగా కోలుకున్నారు. ఈ పరిణామాలపై వైద్య ఆరోగ్యశాఖ కార్యదర్శి వీర పాండియన్ స్పందిస్తూ, ప్రజలు ఎవరూ అనవసరంగా ఆందోళన చెందాల్సిన అవసరం లేదని, అయితే ముందస్తు జాగ్రత్తలు తప్పనిసరిగా పాటించాలని సూచించారు. ఇప్పటికే రాష్ట్రవ్యాప్తంగా ఉన్న వైద్యులు, ఆసుపత్రి సిబ్బందిని అప్రమత్తం చేశామని ఆయన స్పష్టం చేశారు.
