Horoscope Today: ఈరోజు రూలర్‌ గురువు.. ఈ రాశుల వారికి అదృష్టం కలిసి వస్తుంది.. ఆ రాశుల వారు జాగ్రత్త..!
ఆరోగ్య సమస్యలు తొలగిపోతాయి. ఆత్మవిశ్వాసం పెరుగుతుంది. సంఘంలో గుర్తింపు లభిస్తుంది. ప్రయాణాల వల్ల లాభం పొందుతారు. కొత్త పరిచయాల వల్ల కార్యసిద్ధి ఉంది. పెండింగ్‌లో ఉన్న పనులు పూర్తవుతాయి. దత్తాత్రేయస్వామి ఆరాధన మేలు చేస్తుంది.
- Published By: 10TV Digital Team ,Published On : April 22, 2025 / 05:00 AM IST
Horoscope Today: ప్రధాన గ్రహాలు గురు నక్షత్రంపై సంచరించడం, గురువు రాశిలో ఉండటం, గురువునే ఉపాధిపతిగా కలిగి ఉండటం ఈరోజు బృహస్పతి రూలింగ్‌ చేస్తాడని చెప్పవచ్చు. ఈ నేపథ్యంలో గురువు అధిపతిగా ఉన్న ధనుస్సు, మీన రాశులకు అదృష్టం కలిసి వస్తుంది. పునర్వసు, విశాఖ, పూర్వాభాద్ర నక్షత్ర జాతకులకూ యోగాలు వరిస్తాయి. శుక్రుడు అధిపతిగా ఉన్న వృషభ, తుల రాశులకు ప్రతికూల పరిస్థితులు ఎదురవుతాయి.
మేషం: ఆస్తి తగాదాలు పరిష్కారం అవుతాయి. ముఖ్యపనుల్లో కదలిక వస్తుంది. ఆలోచనలను కార్యరూపంలో పెడతారు. సత్ఫలితాలను పొందుతారు. వ్యాపారంలో ముందడుగు వేస్తారు. ఆరోగ్యంగా ఉంటారు. ఇష్టదైవాన్ని పూజించండి.
వృషభం: ఆర్థిక పరిస్థితి మందకొడిగా ఉంటుంది. కార్యనిర్వహణలో సంయమనం అవసరం. మానసికంగా కొంత సంఘర్షణకు గురవుతారు. పిల్లల విషయంలో మంచి నిర్ణయాలు తీసుకుంటారు. గతంలో పెట్టిన పెట్టుబడులకు ప్రతిఫలాలు అందుతాయి. శివారాధన శుభప్రదం.
మిథునం: వివాదాలకు దూరంగా ఉంటారు. కష్టానికి తగిన ప్రతిఫలం లభిస్తుంది. ఆదాయం స్థిరంగా ఉంటుంది. ఆత్మీయుల ప్రోత్సాహంతో పనులు నెరవేరుతాయి. మంచి అవకాశాలు వస్తాయి. పెద్ద మొత్తంలో డబ్బు చేతికి అందుతుంది. రామాలయాన్ని సందర్శించండి.
కర్కాటకం: ఆరోగ్య సమస్యలు తొలగిపోతాయి. ఆత్మవిశ్వాసం పెరుగుతుంది. సంఘంలో గుర్తింపు లభిస్తుంది. ప్రయాణాల వల్ల లాభం పొందుతారు. కొత్త పరిచయాల వల్ల కార్యసిద్ధి ఉంది. పెండింగ్‌లో ఉన్న పనులు పూర్తవుతాయి. దత్తాత్రేయస్వామి ఆరాధన మేలు చేస్తుంది.
సింహం: అన్ని విధాలుగా అనుకూలమైన సమయం. వృత్తి, వ్యాపారాలు లాభసాటిగా సాగుతాయి. ఆదాయం పెరుగుతుంది. విద్యార్థులు పోటీపరీక్షల్లో విజయం సాధిస్తారు. నిరుద్యోగులకు ఉద్యోగ అవకాశం. కుటుంబపెద్దల సహకారం లభిస్తుంది. మథురాష్టకం పఠించండి.
కన్య: ఆదాయం స్థిరంగా ఉంటుంది. రావలసిన డబ్బు చేతికి అందుతుంది. రెట్టింపు శ్రమ అవసరం. వ్యాపార భాగస్వాములతో వివాదాలు తలెత్తవచ్చు. ప్రయాణాలు అనుకూలిస్తాయి. ఉద్యోగులకు పదోన్నతి, స్థానచలన సూచన. దుర్గాదేవి స్తోత్రాలు పఠించండి.
తుల: ఖర్చుల నియంత్రణ అవసరం. ఆరోగ్యంపై దృష్టి సారించాలి. విద్యార్థులు చదువుపై మనసు నిలపాలి. బంధుమిత్రులతో వివాదాలు నెలకొంటాయి. ప్రారంభించిన పనులలో ఆటంకాలు ఎదురవుతాయి. లలితాదేవి స్తోత్రాలు పఠించండి.
వృశ్చికం: పనిలో బాధ్యతలు పెరుగుతాయి. బంధుమిత్రులతో సఖ్యత పెరుగుతుంది. న్యాయ సమస్యలు తీరుతాయి. ఆర్థికంగా సంతృప్తికరంగా ఉంటారు. వివాదాలకు దూరంగా ఉంటారు. భూ వ్యవహారం లాభదాయకంగా ఉంటుంది. నవగ్రహాలకు ప్రదక్షిణలు చేయండి.
ధనుస్సు: న్యాయ సమస్యలు తీరుతాయి. బాగా ఆలోచించి నిర్ణయాలు తీసుకుంటారు. సత్ఫలితాలను పొందుతారు. కుటుంబ వాతావరణం ప్రోత్సాహకరంగా ఉంటుంది. నలుగురికి సాయపడతారు. ఉద్యోగ ప్రయత్నాలు ఫలిస్తాయి. హనుమత్‌ ఆరాధన శుభప్రదం.
మకరం: ప్రయాణాలు కలిసివస్తాయి. బంధుమిత్రుల సహకారంతో కార్యసాఫల్యం ఉంది. భూ వివాదాలు పరిష్కారం అవుతాయి. ఆత్మవిశ్వాసంతో ఉంటారు. ఆలోచనలను కార్యరూపంలో పెడతారు. బాధ్యతతో మెలగడం అవసరం. నరసింహస్వామి ఆరాధన శుభప్రదం.
కుంభం: పనితనానికి గుర్తింపు లభిస్తుంది. ఉద్యోగ ప్రయత్నాలు ఫలిస్తాయి. ఆరోగ్యం నిలకడగా ఉంటుంది. పెద్దల సూచనలు పాటించడం అవసరం. ఒక శుభవార్త ఆనందాన్నిస్తుంది. విద్యార్థులకు అనుకూల సమయం. శివాలయాన్ని సందర్శించండి.
మీనం: ఇంట్లో ప్రోత్సాహకర వాతావరణం ఉంటుంది. భూ వ్యవహారాలు అనుకూల ఫలితాలు ఇస్తాయి. గతంలో నిలిచిపోయిన పనులు మళ్లీ ప్రారంభిస్తారు. వ్యాపార భాగస్వాములతో అవగాహన పెరుగుతుంది. స్నేహితుల వల్ల మేలు జరుగుతుంది. గణపతి ఆలయాన్ని సందర్శించండి.
(వ్యక్తిగత జాతక వివరాల కోసం సంప్రదించగలరు)
టి. భుజంగరామ శర్మ
77022 86008
Disclaimer : జ్యోతిష్యం అనేది పూర్తి వ్యక్తిగత నమ్మకాలపై ఆధారపడి ఉంటుంది. నిరూపితమైన శాస్త్రం కాదు. ఈ వెబ్‌సైట్‌లోని కంటెంట్ సమాచారం కోసం మాత్రమే. ఇందులో కచ్చితత్వానికి హామీ ఇవ్వలేం. ఈ కంటెంట్ ఆధారంగా తీసుకునే ఏవైనా నిర్ణయాలపై మీదే బాధ్యత. వ్యక్తిగత, ఆర్థిక, వైద్య లేదా చట్టపరమైన విషయాల గురించి పూర్తి సమాచారం కోసం అర్హత కలిగిన నిపుణులను సంప్రదించండి. ఈ కంటెంట్ ద్వారా వల్ల కలిగే ఎలాంటి ఫలితాలకు మాది బాధ్యత కాదని గమనించాలి.
