After Apple, now Google wants to make smartphones in India
Google Smartphones in India : ప్రముఖ సెర్చ్ ఇంజిన్ దిగ్గజం గూగుల్ (Google) భారత మార్కెట్లో పిక్సెల్ స్మార్ట్‌ఫోన్‌లను ఉత్పత్తి చేయలని భావిస్తోందని ఓ నివేదిక వెల్లడించింది. గత నెలలో అమెరికాలోని కాలిఫోర్నియాలోని గూగుల్ ప్రధాన కార్యాలయంలో భారత ఐటి మంత్రి అశ్విని వైష్ణవ్ గూగుల్ పేరెంట్ ఆల్ఫాబెట్ సీఈఓ సుందర్ పిచాయ్‌తో సమావేశమయ్యారు. సరిగ్గా నెల తర్వాత బ్లూమ్‌బెర్గ్ నివేదిక ఒక విషయాన్ని వెల్లడించింది.
గూగుల్ భారత మార్కెట్లో స్మార్ట్‌ఫోన్‌లను తయారు చేయాలని యోచిస్తోందని తెలిపింది. అంతర్జాతీయ టెక్ దిగ్గజాలకు అందించే ప్రొడక్షన్-లింక్డ్ ఇన్సెంటివ్స్ (PLI)తో ముడిపడి ఉన్నట్లు కనిపిస్తోంది. ఈ చర్యతో చైనాకు మించి గూగుల్ తమ ప్రొడక్టుల పోర్ట్‌ఫోలియోను మరింత వైవిధ్యపరుస్తుంది. 2025 నాటికి గ్లోబల్ ఐఫోన్ ఉత్పత్తిలో 18 శాతం భారత్‌కు మార్చాలని ఆపిల్ లక్ష్యంగా పెట్టుకుంది.
భారత మార్కెట్లో పిక్సెల్ ఫోన్లను తయారు చేసేందుకు గూగుల్ ఇప్పటికే ఫాక్స్‌కాన్ టెక్నాలజీ గ్రూప్ భారతీయ యూనిట్ భారత్ (FIH)తో పాటు లావా ఇంటర్నేషనల్ డిక్సన్ టెక్నాలజీస్ ఇండియా వంటి స్వదేశీ తయారీదారులతో చర్చలు జరుపుతున్నట్లు నివేదిక పేర్కొంది. గూగుల్ యూజర్ హార్డ్‌వేర్ విభాగం ఆపరేటింగ్ చీఫ్ అనా కొర్రల్స్, గ్లోబల్ సస్టైనింగ్ ప్రొడక్ట్ ఆపరేషన్స్ సీనియర్ డైరెక్టర్ మ్యాగీ వీతో సహా కీలకమైన గూగుల్ ప్రతినిధులు కూడా ఇటీవలి వారాల్లో చర్చల కోసం భారత్‌ను సందర్శించారు.
Read Also : Apple iPhone 14 Price : అమెజాన్‌లో తక్కువ ధరకే ఐఫోన్ 14 సిరీస్.. ఇదే సరైన సమయం.. వెంటనే కొనేసుకోండి..!
అయితే, చర్చలు ప్రాథమిక దశలో ఉన్నట్లు తెలుస్తోంది. ఈ ఒప్పందం కుదరకపోతే కంపెనీ ఇతర భాగస్వాముల కోసం సెర్చ్ చేసే వీలుంది. గూగుల్ కనీసం సర్వీసుల కోసం భారత్లో కీలక మార్కెట్‌గా పరిగణిస్తుంది. కంపెనీ బహుళ ప్రాంతీయ భాషల్లో భారతీయ ప్రేక్షకులకు ప్రత్యేకమైన మ్యాప్స్ ఫీచర్‌లను ప్రవేశపెడుతూనే ఉంది. జియో స్మార్ట్‌ఫోన్‌ల కోసం టైలర్-మేడ్ ఆండ్రాయిడ్ OSని అందించడానికి గూగుల్ రిలయన్స్ జియోతో కలిసి పనిచేస్తుంది.
After Apple, now Google wants to make smartphones in India
మరోవైపు, గూగుల్ హార్డ్‌వేర్ ఎల్లప్పుడూ భారత్‌కు చేరుకోవడంలో మొదటిది కాదు. కంపెనీ తన ఫ్లాగ్‌షిప్ పిక్సెల్ 5, 6 సిరీస్‌లను లాంచ్ చేయాల్సి ఉంది. అయితే, గత ఏడాదిలో పిక్సెల్ 7 సిరీస్‌ను ప్రవేశపెట్టింది. పిక్సెల్ ఫోల్డ్, పిక్సెల్ వాచ్, పిక్సెల్ టాబ్లెట్‌తో సహా గూగుల్ లేటెస్ట్ హార్డ్‌వేర్ కూడా భారత మార్కెట్లో అందుబాటులో లేదు. కానీ, కంపెనీ కనీసం స్మార్ట్‌ఫోన్‌లను వీలైనంత వరకు తీసుకురావడానికి ప్రయత్నాలను ముమ్మరం చేసింది. ఇటీవలే భారత మార్కెట్లో Pixel 7aని ప్రవేశపెట్టింది. మేడ్-ఇన్-ఇండియా నినాదంతో ముందుకు సాగుతోంది.
ఇప్పటికే చైనా స్మార్ట్‌ఫోన్ ప్లేయర్‌లను వివిధ భారతీయ నగరాల్లో ఫ్యాక్టరీలను ఏర్పాటు చేయవలసి వచ్చింది. శాంసంగ్ భారత్లో స్మార్ట్‌ఫోన్‌లను కూడా తయారు చేస్తుంది. ఉత్తరప్రదేశ్‌లోని నోయిడాలో ప్రపంచంలోనే అతిపెద్ద మొబైల్ ఫ్యాక్టరీని కలిగి ఉంది. ఈ ఏడాది ఏప్రిల్-మేలో మొబైల్ ఫోన్ ఎగుమతులు 128 శాతం వృద్ధిని సాధించాయని ఇటీవల నివేదిక వెల్లడించింది.
ఐఫోన్ ఎగుమతుల ద్వారా వృద్ధి సాధించింది. ప్రధానమంత్రి నరేంద్ర మోడీ కూడా అమెరికాలో ఉన్నారు. టెస్లా అత్యాధునిక ఎలక్ట్రిక్ కార్లను భారత్‌కు తీసుకొచ్చేందుకు గల అవకాశాలను చర్చించడానికి టెస్లా సీఈఓ ఎలన్ మస్క్‌తో సమావేశమయ్యారు. దేశంలో స్టార్‌లింక్ శాటిలైట్‌ల ద్వారా శాటిలైట్ ఇంటర్నెట్ కనెక్టివిటీని ప్రారంభించడంపై చర్చించారు.
