Best 5G Gaming Phones : కొత్త ఫోన్ కావాలా భయ్యా.. ఈ జనవరిలో టాప్ 5 బెస్ట్ 5జీ గేమింగ్ స్మార్ట్‌ఫోన్లు.. నచ్చిన ఫోన్ కొనేసుకోండి!
Best 5G Gaming Phones : కొత్త ఫోన్ కోసం ప్లాన్ చేస్తున్నారా? ఏ ఫోన్ కొనాలో తెలియడం లేదా? జనవరి 2025లో రూ. 15వేలల లోపు బెస్ట్ గేమింగ్ ఫోన్‌లను మీకోసం అందిస్తున్నాం. ఇందులో నచ్చిన ఫోన్ కొనేసుకోండి.
- Published By: 10TV Digital Team ,Published On : January 27, 2025 / 03:54 PM IST
Best 5G Gaming Phones
Best gaming phones under Rs 15k in January 2025: : కొత్త స్మార్ట్‌ఫోన్ కొంటున్నారా? భారత మార్కెట్లో సరికొత్త స్మార్ట్‌ఫోన్లు అనేక బ్రాండ్లతో రిలీజ్ అవుతుంటాయి. ధర తక్కువగా ఉండి ఫీచర్లు ఎక్కువగా ఉండే ఫోన్లు అనేక మార్కెట్లో ఉన్నాయి.
అయితే, ఇందులో ఏ ఫోన్ కొంటే బెటర్ అనేది తేల్చుకోవడం కాస్తా కష్టమే. ప్రతి నెలా కొత్త ఫోన్లు లాంచ్ అవుతుంటాయి. ప్రతి ధరకు తగినట్టుగా సరైన ఆప్షన్ ఎంచుకోలేరు. మీరు కూడా ఏదైనా గేమింగ్ స్మార్ట్‌ఫోన్ కోసం చూస్తుంటే.. ప్రస్తుతం జనవరి 2025లో రూ. 15వేలల లోపు బెస్ట్ గేమింగ్ ఫోన్లు అందుబాటులో ఉన్నాయి. ఇందులో మీకు నచ్చిన బెస్ట్ గేమింగ్ ఫోన్ ఎంచుకుని కొనేసుకోండి.
రూ. 15వేల లోపు బెస్ట్ 5జీ గేమింగ్ ఫోన్లు :
1) సీఎంఎఫ్ ఫోన్ 1 :
సీఎంఎఫ్ ఫోన్ 1 మోడల్ 120Hz అడాప్టివ్ రిఫ్రెష్ రేట్‌తో 6.67 అంగుళాల ఫుల్ హెచ్‌డీ+ అమోల్డ్ డిస్‌ప్లేను 2,000 నిట్‌ల గరిష్ట ప్రకాశాన్ని కలిగి ఉంది. ఈ ఫోన్ 240Hz టచ్ శాంప్లింగ్ రేట్, 960Hz పీడబ్ల్యూఎమ్ డిమ్మింగ్, హెచ్‌డీఆర్10+ సపోర్ట్‌తో వస్తుంది.
సీఎంఎఫ్ ఫోన్ 4ఎన్ఎమ్ ప్రాసెస్ ఆధారంగా మీడియాటెక్ డైమెన్సిటీ 7300 చిప్సెట్ ద్వారా పవర్ పొందుతుంది. గ్రాఫిక్స్-ఇంటెన్సివ్ టాస్క్‌ల నిర్వహణకు మాలి జీ615 ఎంసీ2 జీపీయూతో వస్తుంది. 8జీబీ వరకు ఎల్‌పీడీడీఆర్ 4ఎక్స్ ర్యామ్, 256జీబీ వరకు యూఎఫ్ఎస్ 2.2 స్టోరేజీతో వస్తుంది. మైక్రో ఎస్‌డీ కార్డ్ స్లాట్ ద్వారా 2టీబీ వరకు విస్తరించుకోవచ్చు.
2) ఐక్యూ Z9x :
ఐక్యూ Z9x ఫోన్ హుడ్ కింద స్నాప్‌డ్రాగన్ 6 జనరేషన్ 1 చిప్సెట్, ఐక్యూ Z9x వేగవంతమైన పర్పార్మెన్స్ అందిస్తుంది. విస్తారమైన 6.72-అంగుళాల ఎల్‌సీడీ డిస్‌ప్లేపై అందిస్తుంది. 120Hz రిఫ్రెష్ రేట్, పవర్‌ఫుల్ విజువల్స్‌తో అద్భుతమైన అనుభవాన్ని అందిస్తుంది.
1000 నిట్‌ల వరకు ఆకట్టుకునే గరిష్ట ప్రకాశంతో ఐక్యూ Z9x 5జీ నీరు, ధూళి నిరోధకతకు ఐపీ64 రేటింగ్‌తో వస్తుంది. 8జీబీ ర్యామ్‌తో అమర్చబడి వినియోగదారులు గేమింగ్, స్ట్రీమింగ్ ఆప్షన్లను పొందవచ్చు. ఈ ఆకర్షణీయమైన హ్యాండ్‌సెట్ భారీ స్టోరేజీ ఆప్షన్లను కూడా అందిస్తుంది.
4జీబీ నుంచి 8జీబీ ర్యామ్‌తో పాటు 128జీబీ ఇంటర్నల్ స్టోరేజీతో పాటు, ఎక్స్‌ట్రనల్ మైక్రో ఎస్‌డీ కార్డ్ ద్వారా అద్భుతమైన 1టీబీ వరకు విస్తరించవచ్చు. ఈ డివైజ్ ఒక బలమైన 6,000mAh బ్యాటరీ, విస్తృతమైన వినియోగాన్ని భరించగలదు.
తక్కువ సమయంలో 44W ఫాస్ట్ ఛార్జింగ్‌కు సపోర్టు ఇస్తుంది. వేగవంతమైన సేఫ్ బయోమెట్రిక్ అథెంటికేషన్ కోసం సైడ్-మౌంటెడ్ ఫింగర్ ప్రింట్ సెన్సార్‌తో వస్తుంది. కనెక్టివిటీ ఆప్షన్లు పుష్కలంగా ఉన్నాయి. ఛార్జింగ్ విషయానికి వస్తే యూఎస్‌బీ టైప్-సి పోర్ట్, ఆడియో ఔత్సాహికుల కోసం 3.5ఎమ్ఎమ్ హెడ్‌ఫోన్ జాక్, స్టీరియో స్పీకర్‌లను కలిగి ఉంటుంది.
3) పోకో M7 ప్రో :
పోకో స్మార్ట్‌ఫోన్‌లో 6.67-అంగుళాల ఫుల్ హెచ్‌డీ+ డిస్‌ప్లేతో అమర్చింది. 120Hz రిఫ్రెష్ రేట్, 2,100 నిట్స్ పీక్ బ్రైగ్‌నెస్‌కు సపోర్టు ఇస్తుంది. స్క్రీన్ కార్నింగ్ గొరిల్లా గ్లాస్ 5 ద్వారా ప్రొటెక్షన్ అందిస్తుంది. పోకో M7ప్రో 5జీ ఫోన్ మీడియాటెక్ డైమెన్సిటీ 7025 అల్ట్రా చిప్సెట్ కలిగి ఉంది. ఆండ్రాయిడ్ 14 ఆధారంగా పోకో హైపర్ఓఎస్‌లో రన్ అవుతుంది. కంపెనీ రెండు ప్రధాన ఆండ్రాయిడ్ ఓఎస్ అప్‌డేట్‌లు, నాలుగు ఏళ్ల సెక్యూరిటీ ప్యాచ్‌లను అందిస్తోంది.
ఆప్టిక్స్ విషయానికొస్తే.. ఈ ఫోన్ బ్యాక్ సైడ్ 50ఎంపీ సోనీ లైటియా ఎల్‌వైటీ-600 ప్రైమరీ సెన్సార్, 2ఎంపీ మాక్రో సెన్సార్‌తో కూడిన డ్యూయల్-కెమెరా సెటప్ ఉంది. హోల్-పంచ్ కటౌట్‌లో ఫ్రంట్ కెమెరా సెల్ఫీలు, వీడియో కాల్స్ కోసం 20ఎంపీ రిజల్యూషన్‌ను కలిగి ఉంది.
బ్యాటరీ విషయానికి వస్తే.. 45డబ్ల్యూ ఫాస్ట్ ఛార్జింగ్‌కు సపోర్టుతో 5,110mAh బ్యాటరీతో సపోర్టు ఇస్తుంది. పోకో M7 ప్రో 5జీ ఫోన్ ముందున్న M6 ప్రో గ్లాస్ రియర్ డిజైన్‌ను అందిస్తుంది. టూ-టోన్ ఎండ్ పాలికార్బోనేట్ బ్యాక్‌ను కలిగి ఉంది. ఇతర ముఖ్యమైన ఫీచర్లలో డస్ట్, వాటర్ రెసిస్టెన్స్ కోసం ఐపీ64 రేటింగ్, ఇన్-డిస్ప్లే ఫింగర్ ప్రింట్ స్కానర్, డ్యూయల్-బ్యాండ్ వై-ఫై, 5జీ కనెక్టివిటీ ఉన్నాయి.
4) వివో టీ3ఎక్స్ :
వివో టీ3ఎక్స్ 120Hz రిఫ్రెష్ రేట్‌తో 6.72-అంగుళాల ఫ్లాట్ ఫుల్ హెచ్‌డీ+ ఎల్‌సీడీ డిస్‌ప్లేను కలిగి ఉంది. సున్నితమైన విజువల్స్‌ను అందిస్తుంది. 1,000 నిట్స్ గరిష్ట ప్రకాశంతో వివో టీ3ఎక్స్ స్నాప్‌డ్రాగన్ 6 జనరేషన్ 1 ఎస్ఓసీ ద్వారా పవర్ పొందుతుంది. మైక్రో ఎస్‌డీ కార్డ్ ద్వారా 1టీబీ వరకు విస్తరించదగిన స్టోరేజీని అందిస్తుంది. 128జీబీ ఇంటర్నల్ స్టోరేజీని పెంచుతుంది. స్మార్ట్‌ఫోన్ 6000mAh బ్యాటరీతో వస్తుంది. 44డబ్ల్యూ ఫాస్ట్ ఛార్జింగ్‌కు సపోర్టు ఇస్తుంది. ఆండ్రాయిడ్ 14-ఆధారిత ఫన్‌టచ్ఓఎస్ 14 అవుట్-ఆఫ్-ది-బాక్స్‌పై రన్ అవుతుంది.
5) రియల్‌మి 14ఎక్స్ :
రియల్‌మి 14ఎక్స్ ఫోన్ 120Hz రిఫ్రెష్ రేట్‌తో 6.67-అంగుళాల హెచ్‌డీ+ డిస్ప్లే, 1604×720 పిక్సెల్‌ల రిజల్యూషన్, 625నిట్స్ గరిష్ట ప్రకాశం, 89.97 శాతం స్క్రీన్-టు-బాడీ రేషియోను కలిగి ఉంది.
హుడ్ కింద, రియల్‌మి 14ఎక్స్ మీడియాటెక్ డైమెన్సిటీ 6300 ఎస్ఓసీ ద్వారా ఆధారితంగా పనిచేస్తుంది. ఏఆర్ఎమ్ మాలి-జీ57 ఎంసీ2 జీపీయూతో వస్తుంది.
ఈ ఫోన్ 6జీబీ + 128జీబీ, 8జీబీ+ 128జీబీ వంటి రెండు వేరియంట్‌లలో అందుబాటులో ఉంది. 10జీబీ వరకు వర్చువల్ ర్యామ్, మైక్రో ఎస్‌డీ కార్డ్ ద్వారా విస్తరించే స్టోరేజీ సపోర్టుతో వస్తుంది. ఈ హ్యాండ్‌సెట్ ఆండ్రాయిడ్ 14 ఆధారంగా రియల్‌మి యూఐ 5.0పై రన్ అవుతుంది. కంపెనీ రెండు ప్రధాన ఆండ్రాయిడ్ అప్‌డేట్స్ ప్రకటించింది.
ఫోటోగ్రఫీ విషయానికి వస్తే.. రియల్‌మి 14ఎక్స్ ఎఫ్/1.8 ఎపర్చర్‌తో 50ఎంపీ ప్రైమరీ రియర్ కెమెరాతో వస్తుంది. ఫ్రంట్ సైడ్ సెల్ఫీలు, వీడియో కాల్స్ కోసం 8ఎంపీ కెమెరా ఉంది. రియల్‌మి 14ఎక్స్ పెద్ద 6,000mAh బ్యాటరీని అందిస్తుంది. 45డబ్ల్యూ ఫాస్ట్ ఛార్జింగ్‌కు సపోర్టు ఇస్తుంది. నీరు, ధూళి నిరోధకతకు ఐపీ69 రేటింగ్‌ను కూడా కలిగి ఉంది. కనెక్టివిటీ పరంగా, 5జీ, 4జీ ఎల్‌టీఈ, డ్యూయల్-బ్యాండ్ వై-ఫై, బ్లూటూత్, జీపీఎస్ ఛార్జింగ్ కోసం యూఎస్‌బీ టైప్-సి పోర్ట్‌ను అందిస్తుంది. ఈ ఫోన్ ఆడియో అవుట్‌పుట్ కోసం 200 శాతం అల్ట్రా-వాల్యూమ్ మోడ్‌ను కూడా కలిగి ఉంది.
