బంగారంపై పెట్టుబడి పెడితే లాభమా? నష్టమా? అనే డైలమాలో ఉన్నారా? కొత్తగా వ్యాపారం చేయాలని, పెట్టుబడులు పెట్టాలని మీ న్యూ ఇయర్ రిజల్యూషన్స్‌లో రాసుకున్నారా? అయితే ఈ ఆర్టికల్ మీకోసమే. బంగారంలో పెట్టుబడి అనేది మీకు ఓ బిజినెస్ ఐడియా కావచ్చు. శతాబ్దాలుగా ప్రపంచంలో మనుషులకు అనేక రకాలుగా ఉపయోగపడుతున్న అత్యంత విలువైన లోహం, స్థిరాస్తి బంగారం.
బంగారంపై పెట్టుబడి వల్ల కలిగే లాభాలు
- ద్రవ్యోల్బణం పెరిగితే దాని నుంచి రక్షిస్తుంది
- మార్కెట్లో తగ్గుతున్న/పెరుగుతున్న ధరలకు అతీతంగా బంగారాన్ని డబ్బుగా మార్పిడి చేసుకోవచ్చు
- ప్రపంచంలోని అన్ని దేశాల్లో బంగారాన్ని చెల్లుబాటు చేసుకునే వెసులుబాటు ఉంటుంది
- కొన్ని సందర్భాల్లో బంగారంలో పెట్టుబడులకు పన్నుల పరంగా లాభాలు ఉంటాయి. ఇతర పెట్టుబడుల్లో ఇటువంటి బెనిఫిట్స్ ఉండవు
- పెట్టుబడులకు స్వర్గధామం వంటిది ‘బంగారంపై పెట్టుబడి’
- 2024లో ఆర్థిక అనిశ్చితి ఎదురైనా, మీ కుటుంబం ఆర్థిక పరంగా ఇబ్బందులు ఎదుర్కొంటున్నా దాని నుంచి బంగారం మిమ్మల్ని బయటపడేస్తుంది
బంగారం పెట్టుబడుల్లో రకాలు
- ఫిజికల్ గోల్డ్- పసిడి ఆభరణాలు, నాణేలు, గోల్డ్ బార్ల వంటివి
- డిజిటల్ గోల్డ్- పేటీఎం, గూగుల్ పే వంటి మొబైల్ వాలెట్ల ద్వారా కొనుగోలు చేసే పసిడి
- పేపర్ గోల్డ్- గోల్డ్ బాండ్లు, ఈటీఎఫ్‌లు, గోల్డ్ మ్యూచువల్ ఫండ్స్ వంటివి
Gold demand: 2024లో భారత్‌లో బంగారానికి విపరీతంగా డిమాండ్.. 5 కారణాలు చెప్పిన వరల్డ్ గోల్డ్ కౌన్సిల్
