హైవేలపై డిసెంబర్ 1 నుంచి FASTag తప్పనిసరి
- Published By: madhu ,Published On : November 23, 2019 / 07:00 AM IST
మీ వాహనానికి FASTag ఉందా? వెంటనే Tag రిజిస్టర్ చేయించుకోండి. లేదంటే హైవేలపై డబుల్ ఛార్జీలు చెల్లించాల్సి వస్తుంది. డిసెంబర్ 1 నుంచి FASTag విధానం అమల్లోకి వస్తోంది. ప్రత్యేకించి జాతీయ రహదారుల్లోని టోల్ ప్లాజాల మీదుగా వాహనాలకు ఈ FASTags వర్తిస్తుంది. ప్రతి వాహనానికి తప్పనిసరిగా ఈ ట్యాగ్ ఉండాల్సిందే. లేదంటే.. చెల్లించాల్సి టోల్ ఫీజు కంటే రెట్టింపు చెల్లించాల్సి ఉంటుంది.
డిజిటల్ పేమెంట్స్ ప్రోత్సాహించే దిశగా ప్రభుత్వం వాహనదారుల సౌకర్యార్థం డిసెంబర్ 1 వరకు ప్రభుత్వ హైవే కౌంటర్లలో FASTagలను ఫ్రీగా ఆఫర్ చేస్తోంది. డిసెంబర్ 1 తర్వాత వాహనానికి FASTag యాక్టివేట్ చేసుకోవాలంటే రూ.100 నుంచి రూ.200 వరకు చెల్లించాల్సి ఉంటుంది. అంతేకాదు.. 2.5శాతం క్యాష్ బ్యాక్ కూడా పొందవచ్చు. ఇంకెందుకు ఆలస్యం వెంటనే త్వరపడండి…
FASTagతో ప్రయోజనాలివే :
1. జాతీయ రహదారి టోల్ ప్లాజాల దగ్గర FasTags పాటు ఇతర చెల్లింపులు అంగీకరించాలని నేషనల్ అథార్టీ ఆఫ్ ఇండియా (NHA) నిర్ణయం తీసుకుంది.
2. డిసెంబర్ 1 వరకు ప్రభుత్వం హైవే కౌంటర్లలో ఫాస్టాగ్లను ఉచితంగా ఇస్తుంది. సొంతంగా రీ ఛార్జీ చేసుకోవాలి.
3. బ్యాంకుల నుంచి లేదా అమెజాన్, ఆన్ లైన్‌లో FasTags తీసుకోవచ్చు. రూ. 100 చెల్లించాల్సి ఉంటుంది.
4. బ్యాంకులు, IHMCL/NHAIలు ఏర్పాటు చేసిన 28 వేల 500 పాయింట్ ఆఫ్ సేల్ ద్వారా విక్రయిస్తారు.
5. ఆర్టీఓ, కామన్ సర్వీసు సెంటర్లు, ట్రాన్స్ పోర్టు హబ్స్, బ్యాంకు బ్రాంచీలు, ఎంచుకున్న పెట్రోల్ బంకులున్నాయి.
6. ఫాస్టాగ్లను అమెజాన్‌లో కొనుగోలు చేయవచ్చు. ఎస్బీఐ, ఐసీఐసీఐ, యాక్సిస్ బ్యాంకు, పేటీఎం, 12 వేల బ్యాంకుల శాఖలలో అందుబాటులో ఉంచారు.
7. ఫాస్టాగ్ కోసం.. వాహనం రిజిస్ట్రేషన్ సర్టిఫికేట్ (RC), వాహన యజమాని పాస్ పోర్టు, పాస్ పోర్టు సైజు ఫోటోలు, వాహనం యొక్క కేవైసీ డాక్యుమెంట్లను సమర్పించాల్సి ఉంటుంది.
8. వాహనానికి సంబంధించిన వివరాల కోసం ఫాస్ట్ ట్యాగ్ మొబైల్ యాప్ ద్వారా చూసుకోవచ్చు.
9. ఎలక్ట్రానిక్ ట్యాగ్ లేకుండా.. ఏదైనా వాహనం వస్తే.. టోల్ గేట్ల దగ్గర రెట్టింపు ఫీజు వసూలు చేస్తారు.
10. ఫాస్టాగ్ పోర్టల్‌ లాగిన్ కావాలి. టాప్ అప్ ఆఫ్షన్ ఉంటుంది. వాలెట్ ఐడీని ఎంచుకోని రీఛార్జ్ చేయాలి.
ఒకవేళ KYC హోల్డర్ అయితే.. ఫాస్ట్ ట్యాగ్ ప్రీపెయిడ్ ఖాతాలో ఒకేసారి 10 వేలు కంటే ఎక్కువ జమ చేయడానికి అనుమతి ఉండదు. పూర్తి కేవైసీ ఉన్న వారికి మాత్రం లక్ష వరకు జమ చేయవచ్చు. డెబిట్ కార్డు, క్రెడిట్ కార్డు, నెట్ బ్యాంకింగ్, యూపీఐ ద్వారా డిపాజిట్ చేసుకోవచ్చు.
Read More : రెండుగా చీలిపోయిన ఎన్సీపీ..30 మంది ఎమ్మెల్యేలు బీజేపీకి మద్దతు!
