Gold Rate: ట్రంప్ దెబ్బ.. మళ్లీ బంగారానికి రెక్కలు.. జస్ట్ వారంలోనే ఎంత పెరిగిందంటే..

అమెరికా అధ్యక్షుడు డొనాల్డ్ ట్రంప్ ప్రకటన తరువాత గోల్డ్ రేటు భారీగా పెరుగుతోంది. హైదరాబాద్, విజయవాడ, విశాఖపట్టణంలో 24 క్యారెట్ల తులం గోల్డ్ రేటు..

Gold

Gold Rate: బంగారం ధరలకు మళ్లీ రెక్కలొచ్చాయి. ఆకాశమే హద్దుగా గోల్డ్ రేటు దూసుకెళ్తోంది. గత నెల చివరి వారం వరకు రూ.90వేలకు పడిపోయిన తులం గోల్డ్ రేటు.. మళ్లీ రూ.లక్షకు చేరువైంది.

అమెరికా అధ్యక్షుడు డొనాల్డ్ ట్రంప్ ప్రకటన తరువాత గోల్డ్ రేటు భారీగా పెరుగుతోంది. ఆగస్టు 1 నుంచి మెక్సికోతోపాటు ఈయూ నుంచి దిగుమతి అయ్యే వస్తువులపై 30శాతం సుంకాలు విధిస్తామని ట్రంప్ హెచ్చరించారు. ప్రపంచ మార్కెట్లను ట్రంప్ ప్రకటన కలవరపెట్టింది. ఫలితంగా ఇన్వెస్టర్లు సురక్షితమైన బంగారంపై పెట్టుబడులకు ఎక్కువ ఆసక్తి కనబర్చారు. దీంతో సోమవారం బంగారం ధరలు మూడు వారాల గరిష్ట స్థాయికి చేరుకున్నాయి. వెండి కూడా ఆల్ టైం గరిష్ట స్థాయికి చేరుకుంది.

బంగారం, వెండి ధరలు గడిచిన వారం రోజుల్లో భారీగా పెరిగాయి. తులం గోల్డ్ రేటు వారం రోజుల్లో రూ.1700 పెరగ్గా.. కిలో వెండి ధర రూ.5వేలు పెరిగింది.

సోమవారం ఉదయం నమోదైన వివరాల ప్రకారం.. 10గ్రాముల 24 క్యారట్ల బంగారంపై రూ. 170 పెరగ్గా.. 22క్యారెట్ల గోల్డ్ పై రూ.150 పెరిగింది. అంతర్జాతీయ మార్కెట్ లోనూ గోల్డ్ రేటు పెరిగింది. సోమవారం ఉదయంకు ఔన్సు గోల్డ్ 3,357 డాలర్ల వద్ద ట్రేడవుతోంది. వెండి కూడా ఆల్‌టైమ్ గరిష్ఠ స్థాయికి చేరుకుంది.

తెలుగు రాష్ట్రాల్లో ఇవాళ్టి ధరలు..
♦ తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంతోపాటు తదితర ప్రాంతాల్లో ఇవాళ బంగారం ధర పెరిగింది.
♦ హైదరాబాద్‌, విజయవాడ, విశాఖపట్నంలో.. 10 గ్రాముల 22క్యారట్ల ప‌సిడి ధ‌ర రూ.91,550కు చేరగా.. 24 క్యారట్ల ధర రూ. 99,880కి చేరింది.
దేశంలోని పలు ప్రధాన నగరాల్లో..
♦ దేశ రాజధాని ఢిల్లీలో 22 క్యారట్ల 10 గ్రాముల బంగారం ధర రూ.91,700కు చేరగా.. 24 క్యారట్ల ధర రూ. 1,00,030కు చేరుకుంది.
♦ ముంబై, బెంగళూరు, చెన్నై నగరాల్లో 10గ్రాముల 22 క్యారట్ల ప‌సిడి ధ‌ర రూ.91,550 కాగా.. 24క్యారెట్ల ధర రూ. 99,880కు చేరింది

వెండి ధర ఇలా..
♦ హైదరాబాద్, విజయవాడ, విశాఖపట్టణంలో ఇవాళ వెండి ధర స్వల్పంగా పెరిగింది. దీంతో ఆయా నగరాల్లో కిలో వెండి ధర రూ.1,25,000 మార్క్‌కు చేరింది.
♦ ఢిల్లీ, ముంబయి, బెంగళూరు నగరాల్లో కిలో వెండి ధర రూ.1,15,000 వద్దకు చేరింది.
♦ చెన్నైలో కిలో వెండి ధర రూ. 1,25,000 వద్ద కొనసాగుతుంది.

గమనిక​ : పైన పేర్కొన్న ధరలు ఉదయం మార్కెట్​ ప్రారంభంలో ఉన్నవి మాత్రమే. ఈ గోల్డ్​, సిల్వర్​ రేట్లు మారుతూ ఉంటాయి. గమనించగలరు.