Gold Rate: గుడ్‌న్యూస్.. వరుసగా ఆరోరోజు తగ్గిన గోల్డ్ రేటు.. ఏపీ, తెలంగాణలో ఇవాళ్టి ధరలు ఇవే.. తులం ఎంతంటే?
శనివారం (Gold Rate August 16th) ఉదయం నమోదైన వివరాల ప్రకారం.. 10గ్రాముల 24 క్యారట్ల బంగారం ధర స్వల్పంగా తగ్గింది.
- Published By: 10TV Digital Team ,Published On : August 16, 2025 / 10:29 AM IST
Gold Rate August 16th
Gold Rate : బంగారం కొనుగోలుదారులకు గుడ్ న్యూస్.. ఆగస్టు 09 నుంచి భారతదేశంలో గోల్డ్ రేటు ఏమాత్రం పెరగడం లేదు. క్రమంగా తగ్గుతూ వస్తోంది. శనివారం (Gold Rate August 16th) కూడా గోల్డ్ రేటు తగ్గింది. దీంతో గడిచిన ఈ వారంరోజుల్లో తులం బంగారంపై రూ. 2,200 తగ్గింది.
శనివారం (Gold Rate August 16th) ఉదయం నమోదైన వివరాల ప్రకారం.. 10గ్రాముల 24 క్యారట్ల బంగారంపై రూ. 60 తగ్గగా.. 22 క్యారట్ల బంగారంపై రూ. 50 తగ్గింది. వెండి ధర స్వల్పంగా పెరిగింది. కిలో వెండిపై రూ. 100 పెరిగింది. అయితే, అంతర్జాతీయ మార్కెట్లో గోల్డ్ రేటు స్వల్పంగా తగ్గింది. ఔన్సు గోల్డ్ పై మూడు డాలర్లు తగ్గింది. దీంతో అక్కడ ప్రస్తుతం ఔన్సు గోల్డ్ 3,335 డాలర్ల వద్ద ట్రేడవుతోంది.
తెలుగు రాష్ట్రాల్లో ఇవాళ్టి ధరలు..
♦ తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంతోపాటు తదితర ప్రాంతాల్లో ఇవాళ బంగారం ధర స్వల్పంగా తగ్గింది.
♦ హైదరాబాద్, విజయవాడ, విశాఖపట్నంలో.. 10 గ్రాముల 22క్యారట్ల ప‌సిడి ధర రూ.92,750 చేరగా.. 24 క్యారట్ల ధర రూ.1,01,180కి చేరింది.
దేశంలోని పలు ప్రధాన నగరాల్లో..
♦ దేశ రాజధాని ఢిల్లీలో 22 క్యారట్ల 10 గ్రాముల బంగారం ధర రూ.92,900కు చేరగా.. 24 క్యారట్ల ధర రూ. 1,01,330కు చేరింది.
♦ ముంబై, బెంగళూరు, చెన్నై నగరాల్లో 10గ్రాముల 22 క్యారట్ల ప‌సిడి ధర రూ.92,750 కాగా.. 24క్యారెట్ల ధర రూ.1,01,180కు చేరింది.
వెండి ధర ఇలా..
♦ హైదరాబాద్, విజయవాడ, విశాఖపట్టణంలో ఇవాళ కిలో వెండిపై రూ.వెయ్యి పెరిగింది. దీంతో ఆయా నగరాల్లో కిలో వెండి ధర రూ.1,26,200 వద్ద కొనసాగుతుంది.
♦ ఢిల్లీ, ముంబయి, బెంగళూరు నగరాల్లో కిలో వెండి ధర రూ.1,16,200 వద్దకు చేరింది.
♦ చెన్నైలో కిలో వెండి ధర రూ. 1,26,200 వద్ద కొనసాగుతుంది.
గమనిక : పైన పేర్కొన్న ధరలు ఉదయం మార్కెట్ ప్రారంభంలో ఉన్నవి మాత్రమే. ఈ గోల్డ్, సిల్వర్ రేట్లు మారుతూ ఉంటాయి. గమనించగలరు.
