టాటా నుంచి గేమ్ ఛేంజర్ ఎలక్ట్రిక్ SUV వచ్చేసింది.. Tata Harrier.ev బుకింగ్స్‌ ఓపెన్..
ప్రపంచంలో ఏ కారులోనూలేని విధంగా, Samsung NEO QLED టెక్నాలజీతో పనిచేసే భారీ టచ్‌స్క్రీన్ ఇన్ఫోటైన్‌మెంట్ సిస్టమ్ ఇందులో ఉంది.
- Published By: 10TV Digital Team ,Published On : July 2, 2025 / 01:01 PM IST
Tata Harrier EV
మన దేశంలోని రోడ్లపై తనదైన ముద్ర వేసిన టాటా హారియర్ ఇప్పుడు సరికొత్త ఎలక్ట్రిక్ అవతారంలో వచ్చేసింది. పెట్రోల్, డీజిల్ కార్లకు గట్టి పోటీ ఇస్తూ, భారత EV మార్కెట్లో సంచలనం సృష్టించడానికి టాటా హారియర్.ev (Tata Harrier.ev) అధికారికంగా విడుదలైంది. ఇది టెక్నాలజీ, పవర్, రేంజ్ పరంగా ఒక సరికొత్త బెంచ్‌మార్క్‌ను సెట్ చేసేలా ఉంది.
ముఖ్యంగా, టాటా నుంచి వస్తున్న మొట్టమొదటి ఆల్-వీల్-డ్రైవ్ (AWD) ఎలక్ట్రిక్ కారు ఇదే కావడం విశేషం. ప్రారంభ ధర రూ. 21.49 లక్షలతో (ఎక్స్-షోరూమ్), ఈ పవర్‌ఫుల్ SUV మీ సొంతం కావచ్చు. దీని బుకింగ్స్‌ ప్రారంభమయ్యాయి. త్వరలోనే డెలివరీలు షురూ అవుతాయి.
ఒక్కసారి చార్జ్ చేస్తే హైదరాబాద్ నుంచి విజయవాడకు పోయిరావచ్చు. ఎలక్ట్రిక్ కారు అనగానే మొదట వచ్చే సందేహం “రేంజ్” గురించే. ఈ విషయంలో టాటా ఎలాంటి రాజీ పడలేదు. మీ అవసరాలకు తగ్గట్టు రెండు శక్తిమంతమైన బ్యాటరీ ఆప్షన్లు, మూడు డ్రైవ్ వేరియంట్లను అందించింది.
| బ్యాటరీ కెపాసిటీ | డ్రైవ్ టైప్ | పవర్ (HP) | టార్క్ (Nm) | రేంజ్ (ఒక్క చార్జ్‌కి) | ప్రత్యేకత |
|---|---|---|---|---|---|
| 65 kWh | RWD (రియర్) | 238 hp | 315 Nm | 538 కి.మీ | రోజువారీ ప్రయాణాలకు |
| 75 kWh | RWD (రియర్) | 238 hp | 315 Nm | 627 కి.మీ | సుదూర ప్రయాణాలకు |
| 75 kWh | AWD (డ్యూయల్ మోటర్) | 313 hp | 504 Nm | 622 కి.మీ | ఆఫ్-రోడింగ్, పవర్‌ఫుల్ పెర్ఫార్మెన్స్ |
75 kWh బ్యాటరీతో ఈ కారు ఏకంగా 627 కిలోమీటర్ల రేంజ్ ఇస్తుందని కంపెనీ చెబుతోంది. అంటే, ఇకపై రేంజ్ టెన్షన్ లేకుండా లాంగ్ డ్రైవ్‌లు ప్లాన్ చేసుకోవచ్చు.
ఫీచర్లు
హారియర్ EV లోపల అడుగుపెడితే, మీరు ఒక ప్రీమియం లగ్జరీ కారులోకి వచ్చారేమో అనిపిస్తుంది. అంతలా ఫీచర్లతో నింపేసింది టాటా.
ప్రపంచంలోనే మొట్టమొదటి 14.53-అంగుళాల స్క్రీన్: ప్రపంచంలో ఏ కారులోనూలేని విధంగా, Samsung NEO QLED టెక్నాలజీతో పనిచేసే భారీ టచ్‌స్క్రీన్ ఇన్ఫోటైన్‌మెంట్ సిస్టమ్ ఇందులో ఉంది. ఇది థియేటర్ అనుభూతినిస్తుంది.
సంగీతం: JBL Black 10 స్పీకర్ల సౌండ్ సిస్టమ్, Dolby Atmos టెక్నాలజీతో, కారులో సంగీతం వింటుంటే ఒక 3D సౌండ్ ఎఫెక్ట్ వస్తుంది.
పవర్, వెంటిలేటెడ్ ఫ్రంట్ సీట్లు: వేసవిలో కూడా చల్లదనాన్నిస్తాయి.
డ్రైవర్ సీట్‌కు మెమరీ ఫంక్షన్: మీ డ్రైవింగ్ పొజిషన్‌ను గుర్తుపెట్టుకుంటుంది.
మాట వినే సన్‌రూఫ్: వాయిస్ కమాండ్స్‌తో పనిచేసే పానోరామిక్ సన్‌రూఫ్. “ఓపెన్ సన్‌రూఫ్” అని చెప్తే చాలు.
మూడ్‌కు తగ్గట్టు మార్చుకునే యాంబియంట్ లైటింగ్, విండో సన్‌బ్లైండ్‌లు, వైర్‌లెస్ ఫోన్ ఛార్జింగ్ వంటి ఎన్నో ప్రీమియం ఫీచర్లు ఉన్నాయి.
ధరలు
హారియర్ EV అనేక వేరియంట్లలో అందుబాటులో ఉంది. మీ బడ్జెట్, అలాగే మీ అవసరాలకు తగిన మోడల్‌ను ఎంచుకోవచ్చు (అన్ని ధరలు ఎక్స్-షోరూమ్ ఆధారంగా).
| వేరియంట్ | ధర |
|---|---|
| Adventure 65 | రూ.21.49 లక్షలు |
| Fearless+ 65 | రూ.23.99 లక్షలు |
| Fearless+ 75 | రూ.24.99 లక్షలు |
| Empowered 75 | రూ.27.49 లక్షలు |
| Empowered 75 AWD | రూ.28.99 లక్షలు |
| AWD Stealth Edition | రూ.30.23 లక్షలు |
హారియర్ EV ఎందుకు కొనాలి?
అద్భుతమైన రేంజ్: లాంగ్ డ్రైవ్‌లకు ఎలాంటి భయం లేదు.
పవర్‌ఫుల్ పెర్ఫార్మెన్స్: ముఖ్యంగా AWD వేరియంట్ సాహస యాత్రలకు సైతం పనికొస్తుంది.
లగ్జరీ ఫీచర్లు: ప్రీమియం కార్లలో ఉండే సౌకర్యాలు ఉంటాయి.
విశ్వసనీయమైన బ్రాండ్: టాటా భద్రత, నమ్మకం గురించి ప్రత్యేకంగా చెప్పే అవసరం లేదు.
మంచి కండిషన్ ఉన్న ఎలక్ట్రిక్ SUV కొనాలనుకునే వారికి టాటా హారియర్ EV ఒక మంచి ఆప్షన్. ఇది కచ్చితంగా మార్కెట్లో గట్టి పోటీనిస్తుంది.
