హీరో నుంచి సరికొత్త ‘ఈవూటర్’ వచ్చేసింది.. ఇది స్కూటర్ మాత్రమే కాదు, అంతకు మించి..

పెరుగుతున్న పెట్రోల్ ధరలతో విసిగిపోయారా? పర్యావరణానికి మేలు చేసే, టెక్నాలజీతో కూడిన ఒక స్మార్ట్ స్కూటర్ కోసం చూస్తున్నారా? అయితే, దేశంలోనే అతిపెద్ద టూ వీలర్ల తయారీ సంస్థ హీరో మోటోకార్ప్ కొత్తగా తీసుకొచ్చిన హీరో విడా VX2 (Hero Vida VX2) స్కూటర్‌ గురించి తెలుసుకోవాల్సిందే. ఈ స్కూటర్‌ను తాజాగా ఆ కంపెనీ లాంచ్ చేసింది.

ఇది ఎలక్ట్రిక్ స్కూటర్ మాత్రమే కాదని, దీనిని గర్వంగా “ఈవూటర్” (Evooter) అని పిలుస్తున్నామని హీరో సంస్థ అంటోంది. అంటే, ఎలక్ట్రిక్ వాహనానికి ఉండే లక్షణాలతో పాటు పర్యావరణ హితంతో, అద్భుతమైన పర్ఫార్మన్స్‌ను అందిస్తూ… అందమైన డిజైన్‌తో కలిపి అందిస్తున్న ఒక సరికొత్త వాహనమన్నమాట.

“ఈవూటర్” ప్రత్యేకతలు 

ఒక్కసారి చార్జ్ చేస్తే ఎంత దూరం వెళ్తుంది? (బ్యాటరీ, రేంజ్)

మనలో చాలామందికి ఎలక్ట్రిక్ స్కూటర్ కొనాలంటే మొదట వచ్చే సందేహం దాని “రేంజ్” గురించే. దీన్ని దృష్టిలో ఉంచుకుని హీరో విడా VX2 రెండు అద్భుతమైన బ్యాటరీ ఆప్షన్‌లతో వస్తోంది.

వేరియంట్ బ్యాటరీ కెపాసిటీ ఒక్క చార్జ్‌తో ప్రయాణించే దూరం (రేంజ్)

• Vida VX2 Go 2.2 kWh 92 కిలోమీటర్లు
• Vida VX2 Plus 3.4 kWh 142 కిలోమీటర్లు

మీ రోజువారీ ప్రయాణాలకు VX2 Go సరిపోతే, కొంచెం ఎక్కువ దూరం ప్రయాణించే వారికి VX2 Plus బాగుంటుంది.

Also Read: “హలో.. నేను హీరోయిన్‌ని మాట్లాడుతున్నాను” అంటూ సంభాషణలు.. ఆశపడి రూ.21 లక్షలు సమర్పించుకున్న యువకుడు.. చివరికి..

ఫీచర్లు 

విడా VX2లో హీరో అందించిన టెక్నాలజీ మిమ్మల్ని ఆశ్చర్యపరుస్తుంది. దీని ఫాస్ట్ చార్జింగ్ టెక్నాలజీతో కేవలం 60 నిమిషాల్లో 0 నుండి 80% వరకు చార్జ్ చేసుకోవచ్చు. ఇక గంటల తరబడి వేచి చూడాల్సిన పనిలేదు. స్మార్ట్‌ఫోన్ ఇంటిగ్రేషన్ ద్వారా మీ రైడ్ వివరాలు, బండి పనితీరు, బ్యాటరీ లెవెల్స్ వంటివి ఫోన్‌లోనే చూసుకోవచ్చు.

దొంగల భయం ఉండదు. రిమోట్ ఇమ్మొబిలైజేషన్ ఫీచర్‌తో మీ స్కూటర్‌ను ఎక్కడి నుంచైనా లాక్ చేయవచ్చు. ఇది అదనపు భద్రతను ఇస్తుంది.

 డిస్‌ప్లే

• VX2 Plus లో 4.3 అంగుళాల కలర్‌ఫుల్ TFT స్క్రీన్ ఉంటుంది.
• VX2 Go లో 4.3 అంగుళాల స్పష్టమైన LCD డిస్‌ప్లే ఉంటుంది.

ఎప్పటికప్పుడు కొత్త ఫీచర్లు: OTA (Over-the-Air) అప్‌డేట్స్ ద్వారా కంపెనీ అందించే కొత్త సాఫ్ట్‌వేర్ ఫీచర్లను మీరే సులభంగా ఇన్‌స్టాల్ చేసుకోవచ్చు.

ధర ఎంత? 

ధరల విషయంలో హీరో ఒక వినూత్నమైన విధానాన్ని తీసుకొచ్చింది. అదే BaaS (Battery as a Service).

BaaS అంటే ఏంటి?
చాలా సింపుల్. మీరు స్కూటర్‌ను బ్యాటరీ లేకుండా కొంటారు, బ్యాటరీని నెలవారీ అద్దె పద్ధతిలో తీసుకుంటారు. దీనివల్ల స్కూటర్ ప్రారంభ ధర భారీగా తగ్గుతుంది.

 హీరోVida VX2 వేరియంట్ల ధరల పూర్తి వివరాలు

బ్యాటరీ ఏస్ సర్వీస్ (BaaS)తో
VX2 Go: రూ.59,490 (ఎక్స్ షోరూమ్)

VX2 Plus: రూ.64,990 (ఎక్స్ షోరూమ్)

బ్యాటరీతో కూడిన ఆప్షన్‌తో
VX2 Go: రూ.99,490 (ఎక్స్ షోరూమ్)

VX2 Plus: రూ.1,09,990 (ఎక్స్ షోరూమ్)

ఈ స్కూటర్ ఎవరికి నచ్చుతుంది?

• తక్కువ బడ్జెట్‌లో మంచి ఎలక్ట్రిక్ స్కూటర్ కొనాలనుకునే వారికి (BaaS ప్లాన్‌తో)
• పెట్రోల్ ఖర్చు తగ్గించుకోవాలనుకునే ప్రతి ఒక్కరికీ
• మంచి రేంజ్, ఫాస్ట్ చార్జింగ్ కోరుకునే వారికి
• టెక్నాలజీ, కొత్త ఫీచర్లను ఇష్టపడే యువతకు