ITR Due Date : టాక్స్ పేయర్లకు బిగ్ అలర్ట్.. ITR ఫైలింగ్ డెడ్ లైన్ ఇదిగో.. లేదంటే భారీగా పెనాల్టీలు.. లాస్ట్ మినిట్ గైడ్ మీకోసం..!
Income Tax Return Due Date : ఐటీఆర్ ఫైలింగ్ చేశారా? ITR దాఖలు చేయడంలో తప్పులు చేయొద్దు. లేదంటే భారీగా పెనాల్టీలు చెల్లించాల్సి వస్తుంది.
- Published By: 10TV Digital Team ,Published On : September 11, 2025 / 02:09 PM IST
Income Tax Return Due Date
Income Tax Return Due Date : టాక్స్ పేయర్లకు బిగ్ అలర్ట్.. ఆదాయపు పన్ను రిటర్న్ (ITR) గడువు దగ్గర పడుతోంది. చాలా మంది పన్ను చెల్లింపుదారులు గడువు తేదీకి ముందే తమ రిటర్న్‌లను దాఖలు చేసేందుకు ఆరాటపడుతుంటారు.
అయితే, కొంతమంది పన్ను చెల్లింపుదారులు ఇంకా తమ ఐటీ రిటర్న్‌లను దాఖలు చేయలేదు. బిజీ షెడ్యూల్ లేదా ఐటీఆర్ ఫైలింగ్ ప్రక్రియ (Income Tax Return Due Date) గురించి అనిశ్చితి కారణంగా ఐటీ రిటర్న్ దాఖలు ఆలస్యంగా చేస్తున్నారు. మీరు కూడా ఐటీఆర్ దాఖలు చేసేందుకు చూస్తుంటే వెంటనే పూర్తి చేయడం ఎంతైనా మంచిది.
ఐటీఆర్ గడువులోగా పన్ను చెల్లింపుదారులు తమ డాక్యుమెంట్లను రెడీగా ఉంచుకుని సరైన ITR ఫారమ్‌ను ఎంచుకోవాలి. ఐటీఆర్ దాఖలుకు చివరి తేదీ సెప్టెంబర్ 15, 2025, 30 రోజుల్లోపు రిటర్న్‌లను వెరిఫై చేయడం విఫలమైతే రూ. 1,000 నుంచి రూ. 5,000 వరకు జరిమానాలు విధించవచ్చు. చివరి నిమిషంలో ఇబ్బంది పడకుండా ఉండాలంటే ఏం చేయాలి అనే పూర్తి వివరాలను ఇప్పుడు తెలుసుకుందాం..
ఐటీఆర్ దాఖలుకు గడువు తేదీ ఎప్పుడు? :
“ఐటీఆర్‌లలో ప్రవేశపెట్టిన విస్తృతమైన మార్పులు, AY25-26 కోసం ఐటిఆర్ యుటిలిటీల వ్యవస్థ సంసిద్ధత, అవసరమైన సమయాన్ని పరిగణనలోకి తీసుకోవడంతో 2025-26 అసెస్‌మెంట్ ఇయర్ (2024-25 ఆర్థిక సంవత్సరం) కోసం ఐటీఆర్ దాఖలుకు గడువు తేదీని జూలై 31, 2025 నుంచి సెప్టెంబర్ 15, 2025 వరకు పొడిగించినట్లు ఆదాయపు పన్ను శాఖ ప్రకటించింది. ఈ సంవత్సరం మేలో జారీ చేసిన నోటిఫికేషన్‌లో సెంట్రల్ బోర్డ్ ఆఫ్ డైరెక్ట్ టాక్సెస్ (CBDT) తెలియజేసింది.
ఐటీఆర్ దాఖలుకు అవసరమైన డాక్యుమెంట్ల లిస్ట్ :
మీ పన్ను రిటర్న్ దాఖలుకు ముందు వర్తించే విధంగా ఈ డాక్యుమెంట్లను దగ్గర పెట్టుకోండి. ప్రస్తుత కంపెనీ నుంచి సంవత్సరం మధ్యలో ఉద్యోగం మారినట్లయితే మునుపటి కంపెనీ నుంచి ఫారం 16, ఫారం 26AS, AIS (యానవల్ ఇన్ఫర్మేషన్ స్టేట్ మెంట్), పాన్ కార్డ్, ఆధార్ కార్డ్ (పాన్-ఆధార్ లింక్), పెట్టుబడి రుజువులు (బ్యాంక్ డిపాజిట్లు, PPF డిపాజిట్లు, మూలధన లాభం P&L ప్రకటన), గృహ రుణ వడ్డీ సర్టిఫికేట్, బీమా ప్రీమియం చెల్లింపు రసీదులు సమర్పించాల్సి ఉంటుంది.
సరైన ఐటీఆర్ ఫారమ్‌ను ఎంచుకోవాలి? :
ఐటీ రిటర్న్‌లను కచ్చితంగా దాఖలు చేసేందుకు సరైన ఐటీఆర్ ఫారమ్‌ను ఎంచుకోవడం చాలా ముఖ్యం.
ITR1 (సహజ్) : ఈ ఆదాయపు పన్ను ఫారమ్‌ను ప్రధానంగా జీతం, ఒక ఇంటి ఆస్తి, కుటుంబ పెన్షన్, వ్యవసాయ ఆదాయం, దీర్ఘకాలిక మూలధన లాభాలు, ఇతర వనరుల నుంచి వచ్చే ఆదాయంతో వార్షికంగా రూ. 50 లక్షల కన్నా తక్కువ ఆదాయం ఉన్న పన్ను చెల్లింపుదారులు ఉపయోగిస్తారు.
ITR 2 : వ్యాపారం లేదా వృత్తి లాభాలు, లాభాల నుంచి ఆదాయం లేకపోతే లేదా భాగస్వామ్య సంస్థ నుంచి వడ్డీ, జీతం, బోనస్, కమిషన్ లేదా వేతనం రూపంలో వ్యాపారం లేదా వృత్తి లాభాల నుంచి ఆదాయం లేకపోతే ITR-1 దాఖలు చేయలేని వ్యక్తులు ITR-2 ఉపయోగించవచ్చు.
ITR 3 : ఈ పన్ను రిటర్న్ ఫారం.. పన్ను చెల్లింపుదారులు లేదా వ్యాపారం లేదా వృత్తి నుంచి ఆదాయం కలిగిన HUF, ITR-1 (సహజ్), ITR-2, లేదా ITR-4 (సుగమ్) దాఖలు చేయలేని వారికి వర్తిస్తుంది. అందులో ఫ్రీలాన్సర్లు, స్వయం ఉపాధి వ్యక్తులు ITR-3 కింద దాఖలు చేస్తారు.
ITR 4 (సుగమ్) : ఈ ఐటీఆర్ ఫారం ఆర్థిక సంవత్సరానికి రూ. 50 లక్షలకు మించని పన్ను చెల్లింపుదారులకు వర్తిస్తుంది. వ్యాపారం, వృత్తి నుంచి ప్రాథమిక ఆదాయం సెక్షన్లు 44AD, 44ADA లేదా 44AE కింద అంచనా ఆధారంగా లెక్కిస్తారు. సెక్షన్ 112A కింద దీర్ఘకాలిక మూలధన లాభం రూ. 1,25,000 కన్నా ఎక్కువ ఉండకూడదు.
ITR 5 : ఈ ఫారమ్‌ను సంస్థలు, పరిమిత బాధ్యత భాగస్వామ్యాలు (LLPS), వ్యక్తుల సంఘాలు (AOP), వ్యక్తుల సంస్థలు (BOI), సెక్షన్ 2(31)(vii)లో సూచించిన ఆర్టిఫిషియల్ జ్యూడిషియల్ వ్యక్తులు, స్థానిక అధికారులు, సంఘాలు దాఖలు చేయాలి.
26AS, AIS వివరాలను చెక్ చేయండి :
ఆదాయపు పన్ను రిటర్న్ దాఖలుకు ముందు తప్పులను నివారించడానికి ఫారమ్ 26AS, యానవల్ ఇన్ఫర్మేషన్ స్టేట్ మెంట్ (AIS)లో నివేదించిన అన్ని ఆదాయాలను క్రాస్-చెక్ చేసుకోవడం బెటర్.
అన్ని మార్గాల్లో ఆదాయం చెప్పాల్సిందే :
ఆదాయపు పన్ను రిటర్న్‌లను దాఖలు చేసేటప్పుడు పన్ను మినహాయింపు లేని ఏదైనా ఆదాయాన్ని మొత్తం ఆదాయంలో చేర్చాలి. జీతాలు, ఇంటి ఆస్తి నుంచి ఆదాయం, వ్యాపారం లేదా వృత్తి నుంచి లాభాలు, ఏదైనా పన్ను విధించకపోతే అది ‘Income from Other Sources” అనే సెక్షన్ కింద పన్ను విధిస్తారు.
పన్ను విధానం ప్రకారం క్లెయిమ్ డిడెక్షన్లు :
పన్ను విధానం కింద డిడెక్షన్లు చెక్ చేయండి. కొత్త ఆదాయపు పన్ను విధానాన్ని ఎంచుకునే పన్ను చెల్లింపుదారులకు, గృహ రుణంపై చెల్లించే వడ్డీపై ఇంటి ఆస్తి నుంచి వచ్చే ఆదాయానికి సెక్షన్ 80CCD(2), సెక్షన్ 80CCH కింద డిడెక్షన్లు పొందవచ్చు. అయితే, పాత పన్ను విధానాన్ని ఎంచుకునే పన్ను చెల్లింపుదారులు ఇంటి ఆస్తి నుంచి వచ్చే ఆదాయం, ఆదాయపు పన్ను చట్టంలోని అధ్యాయం VIA కింద మినహాయింపులను పొందవచ్చు.
ఇందులో NPS అకౌంటుకు చేసిన విరాళాలు, పెన్షన్ పథకానికి LIC లేదా ఇతర బీమా సంస్థ యాన్యుటీ ప్లాన్, అగ్నిపథ్ పథకానికి విరాళాలు, ఆరోగ్య బీమా ప్రీమియం చెల్లింపులు, ఉన్నత విద్య కోసం రుణంపై చెల్లించే వడ్డీ, నివాస గృహం, ఎలక్ట్రిక్ వాహనాలను కొనుగోలుపై రుణానికి చెల్లించే వడ్డీ కూడా ఉంటాయి.
పాత పన్ను విధానం కింద మినహాయింపులలో నిధులు, స్వచ్ఛంద సంస్థలకు ఇచ్చే విరాళాలు, ఇంటి కోసం చెల్లించే అద్దె కూడా ఉంటాయి. స్వయం ఉపాధి పొందుతున్న వ్యక్తులకు లేదా వారి జీతంలో HRA భాగం కాని వారికి మాత్రమే వర్తిస్తుంది.
శాస్త్రీయ పరిశోధన లేదా గ్రామీణాభివృద్ధి, రాజకీయ పార్టీ లేదా ఎన్నికల ట్రస్ట్ కోసం ఇచ్చే విరాళాలు, నివాసి సీనియర్ సిటిజన్లు డిపాజిట్లపై అందుకున్న వడ్డీ, వైకల్యం ఉన్న నివాసి వ్యక్తిగత పన్ను చెల్లింపుదారులు పన్నుపై మినహాయింపు పొందవచ్చు.
మీ బ్యాంక్ అకౌంట్ వివరాలను చెక్ చేయండి :
పన్ను చెల్లింపుదారులు బ్యాంకు అకౌంట్ నంబర్లు, IFSC కోడ్‌లతో సహా బ్యాంక్ అకౌంట్ వివరాలను చెక్ చేయాలి. ఐటీఆర్ రీఫండ్ క్లెయిమ్, పొందడానికి తప్పనిసరి.
మీ ఐటీ రిటర్న్‌ను ఇలా దాఖలు చేయండి :
పన్ను చెల్లింపుదారులు తమ ఆదాయపు పన్ను రిటర్న్‌లను ఎలా దాఖలు చేయాలో ఇప్పుడు చూద్దాం..
- బ్యాంక్ స్టేట్‌మెంట్‌లు, ఆదాయ రుజువులతో సహా అవసరమైన అన్ని ప్రూఫ్ సమర్పించండి.
- ఇ-ఫైలింగ్ పోర్టల్ నుంచి ఫారమ్ 26AS, AIS ఫారాలను డౌన్‌లోడ్ చేసుకోండి.
- ఆదాయం, TDSతో వివరాలను క్రాస్-చెక్ చేయండి.
- మీ ఆదాయం ఆధారంగా సరైన ITR ఫారమ్‌ను ఎంచుకోండి.
- సేవింగ్స్, పెట్టుబడులు, గృహ రుణాలతో సహా ఆదాయం, ఇతర డిడెక్షన్ వివరాలను సమర్పించండి.
- మీ రిటర్న్‌ను ఇ-ఫైలింగ్ పోర్టల్ ద్వారా సమర్పించండి.
- ఇ-వెరిఫికేషన్‌తో ప్రక్రియను పూర్తి చేయండి.
ఐటీఆర్ దాఖలు తర్వాత ఇ-వెరిఫై తప్పనిసరి :
మీరు మీ రిటర్న్‌లను దాఖలు చేసిన తర్వాత 30 రోజుల్లోపు మీ ఐటీఆర్ వెరిఫై చేయడం చాలా ముఖ్యం. మీ రిటర్న్ వెరిఫై చేయకపోతే అది దాఖలు చేసినట్టుగా పరిగణించరు. మీరు ఆధార్ OTP, ఎలక్ట్రానిక్ వెరిఫికేషన్ కోడ్ (EVC), నెట్ బ్యాంకింగ్ లేదా ITR-V సైన్ చేసిన ఫిజికల్ కాపీని పోస్ట్ చేయడం ద్వారా మీ ఐటీఆర్ ఎలక్ట్రానిక్‌గా వెరిఫై చేసుకోవచ్చు.
ఆలస్యంగా దాఖలు చేస్తే జరిమానా :
సెప్టెంబర్ 15 గడువు దాటితే పన్ను చెల్లింపుదారులు ఆలస్యమైన రీఫండ్‌లను దాఖలు చేయవచ్చు. ఆదాయపు పన్ను చట్టంలోని సెక్షన్ 234F కింద పెనాల్టీలు చెల్లించాల్సి ఉంటుంది. ఈ జరిమానాలు ఆదాయ స్థాయి ఆధారంగా నిర్ణయిస్తారు.
రూ. 5 లక్షల కన్నా ఎక్కువ సంపాదించే వ్యక్తులు ఆలస్యంగా రిటర్న్ దాఖలు చేసినందుకు రూ. 5వేల వరకు జరిమానా చెల్లించాలి. అయితే, రూ. 5 లక్షలు లేదా అంతకంటే తక్కువ నికర పన్ను ఆదాయం ఉన్నవారు గరిష్టంగా రూ. 1,000 వరకు జరిమానా చెల్లించాల్సి ఉంటుంది.
