ఇంటర్ విద్యార్థులకు అలర్ట్.. ఫుల్ స్పీడ్ లో examsకి ఏర్పాట్లు.. మీ హాల్ టికెట్ ఇలా డౌన్ లోడ్ చేసుకోండి..
9552300009 నంబ‌ర్‌ను ఇంటర్ పరీక్షల పేరుతో మొబైల్‌లో సేవ్ చేసుకోవాలి.
- Published By: 10TV Digital Team ,Published On : February 20, 2025 / 06:17 PM IST
ఆంధ్రప్రదేశ్‌లో మార్చి 1 నుంచి 20 వరకు జరగనున్న ఇంటర్మీడియట్ పరీక్షల కోసం అధికారులు విస్తృత ఏర్పాట్లు చేస్తున్నారు. 1 నుంచి 19 వరకు ఇంటర్ ప్రథమ, 3 నుంచి 20 వరకూ ద్వితీయ సంవత్సర పరీక్షలు జరగనున్న విషయం తెలిసిందే.
అలాగే, మార్చి 3 నుంచి 15 వరకు ఏపీ ఓపెన్ స్కూల్ సొసైటీ ఇంటర్మీడియట్ పరీక్షలు జరుగుతాయి. ఉదయం 9 గంగలల నుంచి మధ్యాహ్నం 12 గంటల వరకు పరీక్షలు ఉంటాయి. పరీక్షా కేంద్రాల్లో అవసరమైన కనీస సౌకర్యాలు కల్పనకు ఏర్పాట్లు చేస్తున్నారు.
ఫిర్యాదులు స్వీకరణకు రాష్ట్ర స్థాయిలో కంట్రోల్ రూమ్ నంబరు 1800 425 1531ను ఇచ్చారు. జిల్లా కేంద్రాల్లో కూడా కంట్రోల్ రూములు ఏర్పాటు చేయాలి. పరీక్షల ఏర్పాట్లను సీఎస్ విజాయనంద్ సమీక్షించారు. కాగా, ఏపీలో ఇంటర్ పరీక్షలను 1,058,893 మంది విద్యార్థులు రాయాల్సి ఉంది. మొత్తం 1,535 కేంద్రాల్లో పరీక్షలు నిర్వహిస్తారు.
హాల్‌టికెట్ డౌన్లోడ్ చేసుకునేదెలా?
- 9552300009 నంబ‌ర్‌ను ఇంటర్ పరీక్షల పేరుతో మొబైల్‌లో సేవ్ చేసుకోవాలి
- Hi అని మెసేజ్ పంపాలి
- స‌ర్వీస్ అనే ఆప్ష‌న్‌ వస్తుంది.. దాన్ని ఎంపిక చేసుకోండి
- ఇప్పుడు ఎడ్యుకేష‌నల్‌ స‌ర్వీసెస్‌లోకి వెళ్లండి
- అక్కడ హాల్‌టికెట్ డౌన్లోడ్ ఆప్షన్‌పై క్లిక్ చేయాలి
- ఇంటర్మీడియట్ ఎగ్జామ్స్‌ను సెలెక్ట్ చేసుకోవాలి
- అడిగిన వివ‌రాల‌ను ఇవ్వండి
- మీ హాల్‌టికెట్ వస్తుంది
- దాన్ని డౌన్లోడ్ చేసుకున్నాక ప్రింట్ తీసుకోవాలి
