మార్కెట్లోకి ప్లాస్టిక్ గుడ్లు.. ఏది అసలైందో.. ఏది ప్లాస్టిక్ దో కనిపెట్టే సింపుల్ ట్రిక్స్

నిజమైన కోడి గుడ్ల మాదిరిగానే నకిలీ గుడ్లు మార్కెట్లో అమ్ముతున్నారు. అయితే ఈ నకిలీ గుడ్లు తినడం వల్ల మీ ఆరోగ్యం దెబ్బతిని.. క్యాన్సర్‌కు దారి తీయవచ్చు. .

కోడి గుడ్లు తినడం వల్ల అనేక ఆరోగ్య ప్రయోజనాలు ఉన్నాయని అందరికి తెలిసిన విషయమే. కానీ ఈ మధ్యన నకిలీ గుడ్లు ప్రత్యక్షమయ్యాయి కొంతమంది కేటుగాళ్లు ప్లాస్టిక్ తో తయారు చేసిన కృత్రిమ కోడి గుడ్లను మార్కెట్ లో అమ్ముతున్నారు. పొరపాటున వీటిని కొని తిన్నారో.. మీ ఆరోగ్యం సంగతి ఇక దేవుడికే తెలుసు..  నిజమైన కోడి గుడ్లను, నకిలీ గుడ్లను కింద ఇవ్వబడిన పరీక్షల ద్వారా సులభంగా గుర్తించవచ్చు.

1. గుడ్డు పొట్టు:

• అసలైన కోడి గుడ్డు పొట్టు గట్టిగా ఉంటుంది, తేలికగా బ్రేక్ అవుతుంది.
• నకిలీ గుడ్డు పొట్టు కొంచెం మెరిసేలా కనిపించవచ్చు, చేతితో గట్టిగా నొక్కినప్పుడు ప్లాస్టిక్ లాంటి అనుభూతిని ఇస్తుంది.

2. నీటిలో పరీక్ష:

• ఒక గిన్నెలో నీళ్లు పోసి అందులో గుడ్డును వేసి చూడండి. అసలైన గుడ్డు నీటిలో మెల్లగా దిగిపోతుంది.
• ఫేక్ ఎగ్ నీటి మధ్యలోనే ఉండిపోతుంది.

3. పగలగొట్టి పరీక్ష:

• అసలైన గుడ్డులో లోపలి తెల్ల భాగం మృదువుగా, ఎలాంటి గడ్డకట్టకుండా ఉంటుంది.
• మంచి పోషకాలు ఎక్కువగా ఉండే గుడ్లలో ఈ పచ్చిభాగం బలమైన పసుపు లేదా కాషాయ రంగులో ఉంటుంది.

4. స్మెల్ టెస్ట్:

• అసలైన గుడ్డు ప్రత్యేకమైన వాసనను కలిగి ఉంటుంది.
• నకిలీ గుడ్డుకు ప్లాస్టిక్ లేదా రసాయన వాసన వచ్చే అవకాశం ఉంటుంది.

5. గుడ్లు ఉడకబెట్టేటప్పుడు:

• నకిలీ గుడ్డు ఉడకబెట్టేటప్పుడు ప్లాస్టిక్ వాసన రావచ్చు.
• అసలైన గుడ్డు సహజ వాసనతో మామూలుగా ఉడుకుతుంది.

6. స్పర్శ ద్వారా పరీక్ష:

• నకిలీ గుడ్డును చేతిలో పట్టుకుంటే అది కొంచెం సాఫ్ట్‌గా, ప్లాస్టిక్ లాగా అనిపించవచ్చు.
• అసలైన గుడ్డు ఎక్కువగా కాల్షియంతో నిండిన బలమైన పొరతో తయారవుతుంది కాబట్టి తగినంత గట్టిదనాన్ని కలిగి ఉంటుంది.

నకిలీ గుడ్లు తినడం కచ్చితంగా ఆరోగ్యానికి హానికరం. కాబట్టి, వీటిని కొనుగోలు చేసిన తర్వాత ఈ పరీక్షలు చేసి, నాణ్యత గల అసలైన గుడ్లను మాత్రమే ఉపయోగించండి.