ఇదెక్కడి బాధ.. చికెన్ తింటే GBS సిండ్రోమ్ వస్తుందని ప్రచారం.. అసలేంటి సిండ్రోమ్? చికెన్ తింటే వస్తుందా?
GBS Syndrome : కాంపిలోబాక్టర్ బ్యాక్టీరియా తరచుగా చికెన్, మటన్, పౌల్ట్రీ పక్షులలో కనిపిస్తుంది. కానీ, అది మానవులకు సంక్రమణ ప్రమాదం చాలా తక్కువగా ఉంటుంది. అది సరైన పద్ధతిలో తినకపోతే వ్యాధి సోకే అవకాశం ఉంది.
- Published By: 10TV Digital Team ,Published On : February 9, 2025 / 01:07 PM IST
Eating Chicken Can be Cause GBS Syndrome
GBS Syndrome : గిలియన్-బారే సిండ్రోమ్ కేసులు రోజురోజుకీ పెరుగుతున్నాయి. బాధితుల్లో మహిళలు, పురుషులు, పిల్లలు ఉన్నారు. ఈ వ్యాధి ముఖ్యంగా పిల్లలు, వృద్ధులపైనే తీవ్ర ప్రభావం చూపుతుంది. ఈ వ్యాధిలో రోగనిరోధక వ్యవస్థ సొంత పరిధీయ నాడీ వ్యవస్థను దెబ్బతీస్తుంది. దీని కారణంగా రోగి పక్షవాతం బారిన పడతాడు. ప్రాణానికి కూడా ప్రమాదం ఉంటుంది.
ఈ వ్యాధికి బాక్టీరియా, వైరస్‌లు ప్రధాన కారణాలుగా చెప్పవచ్చు. ఇందులో, కాంపిలోబాక్టర్ జెజుని బ్యాక్టీరియా అత్యంత సాధారణమైనదిగా చెప్పవచ్చు. శీతాకాలంలో పక్షులకు బర్డ్ ఫ్లూ వచ్చే ప్రమాదం ఉంది. అదేవిధంగా, చికెన్ తినడం వల్ల జీబీఎస్ సిండ్రోమ్ వస్తుందా? ఈ అంశం కొత్త చర్చకు దారితీసింది. ఇలాంటి పరిస్థితిలో, ఇది ఎంతవరకు నిజం అనేది వైద్య నిపుణులు ద్వారా తెలుసుకుందాం.
వైద్యులు ఏం చెబుతున్నారంటే? :
లేడీ హార్డింజ్ మెడికల్ కాలేజ్ అండ్ హాస్పిటల్‌లోని మెడిసిన్ విభాగానికి చెందిన డాక్టర్ సుభాష్ కుమార్ మాట్లాడుతూ.. ఇన్ఫెక్షన్ సోకిన చికెన్ తినడం వల్ల గిలియన్-బారే సిండ్రోమ్ (GBS) వచ్చే ప్రమాదం పెరుగుతుందని చెప్పారు.
జీబీఎస్ ఆటో ఇమ్యూన్ వ్యాధి అయినప్పటికీ, దానికి కారణమయ్యే బాక్టీరియా, కాంపిలోబాక్టర్ జెజునమ్, చికెన్ లేదా మాంసంలో కనిపిస్తుంది. సగం ఉడికిన, పచ్చి ఆహారాన్ని తినడం ద్వారా బ్యాక్టీరియా శరీరంలోకి ప్రవేశించిన వ్యక్తి అనారోగ్యానికి గురవుతారు. ఈ రకమైన ఇన్ఫెక్షన్ వచ్చే ప్రమాదం తక్కువగా ఉన్నప్పటికీ, ఈ వ్యాధి వ్యాప్తికి ఇది ఒక కారణం కావచ్చు.
జీబీఎస్ లక్షణాలు :
గిలియన్-బార్ సిండ్రోమ్ ప్రారంభ లక్షణాలు కడుపు నొప్పి, విరేచనాలు, వాంతులు కావచ్చు. ఆ తరువాత, బలహీనత, జలదరింపు లేదా పక్షవాతం కూడా సంభవించవచ్చు. చేతులు, కాళ్ళతో మొదలవుతుంది.
ఎలా వ్యాపిస్తుందంటే? :
ప్రపంచ ఆరోగ్య సంస్థ ప్రకారం.. ఈ బ్యాక్టీరియా సోకిన చికెన్ తినడం ద్వారా సంక్రమిస్తుంది. డబ్ల్యూహెచ్ఓ (WHO) ప్రకారం.. ఈ వ్యాధి సగం కాల్చిన లేదా ఉడికించని చికెన్ తినడం వల్ల వస్తుంది. జీబీఎస్‌తో బాధపడేవారికి కండరాల బలహీనత, మూర్ఛలు వచ్చే ప్రమాదం ఎక్కువగా ఉంటుంది. జీబీఎస్ నుంచి పూర్తిగా కోలుకోవడానికి 6 నెలల వరకు సమయం పట్టవచ్చు. జీబీఎస్ రోగనిరోధక గ్లోబులిన్ లేదా ప్లాస్మా మార్పిడితో నియంత్రించవచ్చు.
