అమెరికాలో ఘోరం.. జనాలపైకి ట్రక్కును ఎక్కించిన డ్రైవర్.. 10 మంది మృతి.. 30 మందికి గాయాలు
ట్రక్కు డ్రైవర్ కాల్పులు కూడా జరిపినట్లు తెలుస్తోంది.
- Published By: 10TV Digital Team ,Published On : January 1, 2025 / 06:47 PM IST
అమెరికాలోని సెంట్రల్ న్యూ ఓర్లీన్స్‌లో ఓ ట్రక్కు డ్రైవర్ బీభత్సం సృష్టించాడు. ట్రక్కును వేగంగా నడుపుతూ ప్రజల మీదకు దాన్ని దూసుకువెళ్లేలా చేయడంతో 10 మంది ప్రాణాలు కోల్పోయారు. మరో 30 మందికి పైగా గాయపడ్డారు. బోర్బన్ స్ట్రీట్, ఐబెర్‌విల్లే కూడలి వద్ద ఈ ఘటన చోటుచేసుకుంది. ట్రక్కు డ్రైవర్ కాల్పులు కూడా జరిపినట్లు తెలుస్తోంది.
బాధితులను స్థానిక ఆసుపత్రులకు తరలించారు. ట్రక్ డ్రైవర్ పాల్పడ్డ ఈ ఘటనపై అధికారులు విచారణ చేపట్టారు. మృతుల సంఖ్య పెరిగే అవకాశం ఉంది. ప్రజలు న్యూఇయర్‌ సంబరాలు జరుపుకుంటున్న సమయంలో వారిపైకి ట్రక్కు దూసుకెళ్లినట్లు తెలుస్తోంది. ఈ దాడి తర్వాత డ్రైవర్‌పై పోలీసులు కాల్పులు జరిపే ప్రయత్నం చేసినట్లు ప్రత్యక్ష సాక్షులు తెలిపారు.
కొన్ని రోజుల క్రితం జర్మనీలోనూ ఇలాంటి ఘోరమే చోటుచేసుకుంది. ఓ వ్యక్తి కారుతో ఢీకొట్టడంతో 200 మందికి తీవ్ర గాయాలయ్యాయి. తూర్పు నగరమైన మాగ్డేబర్గ్‌లో డిసెంబర్ 20న ఈ దాడి జరిగింది. సౌదీ మూలాలున్న ఓ వ్యక్తి ఈ దాడి చేశాడని పోలీసులు అంటున్నారు. దాడికి పాల్పడిన వ్యక్తిని అదుపులోకి తీసుకున్న పోలీసులు అతడికి మానసిక వ్యాధి ఉందా అనే కోణంలోనూ దర్యాప్తు చేస్తున్నారు. ఆ ఘటనను మరవక ముందే ఇప్పుడు అమెరికాలోనూ ఇటువంటి ఘటనే చోటుచేసుకోవడం గమనార్హం.
🇺🇸 — BREAKING: At least 10 people are dead and many more are injured after a truck rammed into a crowd on Bourbon Street in New Orleans, Louisiana. pic.twitter.com/Kx2JbUXv9Z
— Belaaz News (@TheBelaaz) January 1, 2025
విజయవంతంగా సీఎం ఎగ్గొట్టారు.. ఈ విషయంలో కాంగ్రెస్ ప్రభుత్వం మోసం చేస్తోంది: హరీశ్ రావు
