Asteroid FW13 : పురాతన భారీ గ్రహశకలం గంటకు 35వేల మైళ్ల వేగంతో భూమి వైపుగా దూసుకెళ్తోంది.. నాసా హెచ్చరిక..!
Asteroid FW13 : 4.6 బిలియన్ సంవత్సరాల నాటి పురాతనమైన 510 అడుగుల భారీ గ్రహ శకలం భూమికి అతి దగ్గరగా వెళుతుందని నాసా ప్రకటించింది. దాదాపు ఒక భవనం వంటి పెద్ద సైజులో ఉండే ఈ గ్రహశకలంతో తక్షణ ముప్పు లేదని అంటున్నారు.
- Published By: 10TV Digital Team ,Published On : September 18, 2024 / 04:22 PM IST
asteroid FW13 from early solar system
Asteroid FW13 : సాధారణంగా సౌర కుటుంబంలో ఆస్టరాయిడ్స్ గ్రహాల చుట్టూ పరిభ్రమిస్తుంటాయి. కొన్నిసార్లు భూమికి అతిదగ్గరగా ఆస్టరాయిడ్స్ దూసుకొస్తుంటాయి. ఇలాంటి పరిస్థితుల్లో ఆ గ్రహశకలాలు భూమిని ఢీకొడితే వినాశనం తప్పదు. అందుకే ఇలాంటి గ్రహశకలాల గమనంపై మన సైంటిస్టులు ఎప్పుడూ ఒక కన్నేసి ఉంచుతారు. ఎప్పటిలానే ఈసారి కూడా ఓ భారీ గ్రహశకలం భూమివైపుగా దూసుకువస్తుందని నాసా శాస్త్రవేత్తలు హెచ్చరించారు.
510 అడుగుల పరిమాణంలో భారీ గ్రహశకలం :
భూమికి అతి దగ్గరగా దూసుకొస్తున్న 4.6 బిలియన్ సంవత్సరాల భారీ గ్రహ శకలం 510 అడుగుల పరిమాణంలో ఉంది. అంటే.. దాదాపు ఒక భవనం వంటి పెద్ద సైజులో భూమికి అతి దగ్గరగా వెళుతుందని నాసా వెల్లడించింది. భూమికి దగ్గరగా ఉన్నప్పటికీ, సురక్షితమైన దూరంలోనే పయనిస్తుందని అంటున్నారు సైంటిస్టులు. ప్రస్తుతానికి ఈ భారీ శకలంతో ఎలాంటి తక్షణ ముప్పు లేదని చెబుతున్నారు. ఈ సంఘటన భూమికి సమీపంలో ఉన్న వస్తువులను మరింత అధ్యయనం చేయడానికి అవకాశాన్ని అందిస్తుంది.
Read Also : iPhone 15 Pro Discount : ఆపిల్ ఐఫోన్ 15ప్రోపై భారీ డిస్కౌంట్.. ఈ డీల్ అసలు మిస్ చేసుకోవద్దు!
గంటకు 35వేల మైళ్ల వేగం.. తక్షణ ముప్పు లేదు :
నాసా ప్రకారం.. 510 అడుగుల పొడవున్న ఓ గ్రహశకలం భూమికి దగ్గరగా వెళుతుందని ప్రకటించింది. ఈ సంఘటన సెప్టెంబరు 18, 2024న చోటుచేసుకుంది. ఆస్టరాయిడ్ 2013 (FW13) అని పేరు పెట్టింది. ఇది గంటకు 34,805 మైళ్ల వేగంతో ప్రయాణిస్తుంది. భూమికి దాదాపు 2,020,000 మైళ్ల దూరంలో ఉంటుంది. భూమి, చంద్రుని మధ్య దూరానికి దాదాపు 3 రెట్లు ఎక్కువ. ఈ గ్రహశకలం వల్ల భూమికి ఎలాంటి ముప్పు లేదని శాస్త్రవేత్తలు ప్రజలకు భరోసా ఇచ్చారు.
నాసా జెట్ ప్రొపల్షన్ లాబొరేటరీ (JPL) గ్రహశకలం పెద్ద పరిమాణంలో ఉన్నప్పటికీ తక్షణ ముప్పును కలిగి ఉండదని ధృవీకరించింది. “భవిష్యత్తులో గ్రహాల భద్రతకు విశ్వం గురించి మరింతగా తెలుసుకోవడానికి ఈ అధ్యయనాలు చాలా అవసరం” అని నాసా నివేదించింది.
గ్రహశకలం 2013 (FW13) అనేది భూమికి సమీపంలో ఉన్న వస్తువులను (NEOs) పర్యవేక్షించేందుకు వీలు కల్పిస్తుంది. ఇలాంటి గ్రహశకలాల విధానాలు శాస్త్రవేత్తలు గ్రహశకలం మార్గాన్ని పరిశీలించి, విశ్లేషించడానికి అనుమతిస్తాయి. భవిష్యత్తులో సారూప్య వస్తువులతో ముప్పును అంచనా వేసేందుకు సాయపడతాయి. 2013 FW13 వంటి గ్రహశకలాలు ప్రారంభ సౌర వ్యవస్థ నుంచి అవశేషాలుగా అంచనా వేస్తున్నారు. వీటి ద్వారా గ్రహశకలాల విలువైన డేటాను సేకరించడానికి శాస్త్రవేత్తలకు చాలా సులభంగా ఉంటుంది.
OSIRIS-REx, Hayabusa2 వంటి నాసా, జపాన్‌ల మిషన్‌లు ఇప్పటికే ఇతర గ్రహశకలాల నుంచి నమూనాలను సేకరించి, భూమిపై నీరు, సేంద్రీయ పదార్థాల మూలాలపై అధ్యయనం చేసేందుకు సహకరిస్తాయి. భవిష్యత్ ప్రభావాలను నివారించడానికి భూమికి సమీపంలో ఉన్న గ్రహశకలాలను పర్యవేక్షించడం చాలా ముఖ్యం. డైనోసార్ల అంతరించిపోవడానికి కారణమైన చిక్సులబ్ అనే గ్రహశకలం విపత్తు సంఘటనకు చారిత్రక ఉదాహరణగా నిలిచిపోయింది. అందుకే ఇలాంటి శకలాల ట్రాకింగ్, విశ్లేషణ శాస్త్రవేత్తలు సారూప్య సంఘటనల ప్రమాదాలను తగ్గించడంలో సాయపడతాయి.
గ్రహశకలం 2013 FW13 అంటే ఏమిటి?
గ్రహశకలం 2013 FW13ని మార్చి 2013లో ఖగోళ శాస్త్రవేత్తలు హవాయిలోని (Pan-STARRS) టెలిస్కోప్‌ని ఉపయోగించి కనుగొన్నారు. ఇది భూమికి సమీపంలో ఉన్న వస్తువు (NEO)గా వర్గీకరించారు. భూమి కక్ష్య నుంచి 30 మిలియన్ మైళ్ల దూరంలో ఉన్న ఖగోళ వస్తువు. ఈ గ్రహశకలం అపోలో సమూహానికి చెందినది.
ఇందులో భూమిని దాటే గ్రహశకలాలు ఉన్నాయి. ఇవి కాలానుగుణంగా వాటిని మన గ్రహానికి దగ్గరగా తీసుకువస్తాయి. ప్రస్తుతానికి ఈ గ్రహశకలంతో ఎలాంటి ప్రమాదం లేనప్పటికీ, 2013 FW13 వంటి గ్రహశకలాలు వాటి కక్ష్యలు మారితే సంభావ్య ప్రమాదం ఉండే అవకాశం ఉందని నాసా సైంటిస్టులు హెచ్చరిస్తున్నారు.
