Amazon layoff : ఉద్యోగులకు బిగ్ షాకిచ్చేందుకు సిద్ధమైన అమెజాన్.. 30వేల మందికిపైగా ఔట్.. కంపెనీ చరిత్రలోనే తొలిసారి..!
Amazon layoff : ప్రముఖ ఇ-కామర్స్ దిగ్గజం అమెజాన్ (Amazon) ఉద్యోగులకు బిగ్ షాకిచ్చేందుకు సిద్ధమైంది. ఏకంగా 30వేల మంది కార్పొరేట్ ఉద్యోగులను
- Published By: 10TV Digital Team ,Published On : October 28, 2025 / 12:01 PM IST
Amazon layoff
Amazon layoff : ప్రముఖ ఇ-కామర్స్ దిగ్గజం అమెజాన్ (Amazon) ఉద్యోగులకు బిగ్ షాకిచ్చేందుకు సిద్ధమైంది. ఏకంగా 30వేల మంది కార్పొరేట్ ఉద్యోగులను తొలగించాలని యోచిస్తున్నట్లు తెలుస్తోంది. ఈ మేరకు ప్రముఖ వార్తా సంస్థ రాయిటర్స్ నివేదించింది. అయితే, తాజా తొలగింపులు కంపెనీ చరిత్రలోనే అతి పెద్దదిగా తెలుస్తోంది.
అమెజాన్ లో 3.5లక్షల మంది కార్పొరేట్ ఉద్యోగులు ఉన్నారు. ఇది ఆ కంపెనీలోని మొత్తం ఉద్యోగుల్లో 10శాతం వంతు. 2022 చివరి నుంచి దాదాపు 27వేల మంది ఉద్యోగులను అమెజాన్ తొలగించింది. ప్రస్తుతం 30వేల మంది కార్పొరేట్ ఉద్యోగులను తొలగించేందుకు సంస్థ సిద్ధమైనట్లు తెలుస్తోంది. అదే జరిగితే కంపెనీ చరిత్రలోనే అతిపెద్దది కానున్నట్లు సమాచారం. అంతేకాకుండా.. 2020 తరువాత కంపెనీలో ఈ స్థాయిలో లేఆఫ్స్ జరగడం ఇదే తొలిసారి అని టెక్ వర్గాలు చెబుతున్నాయి.
అమెజాన్ సీఈవోగా యాండీ జెస్సీ బాధ్యతలు స్వీకరించినప్పటి నుంచి లేఆఫ్ ల పర్వం కొనసాగుతూనే ఉంది. అయితే, సంస్థ తీసుకున్న తాజా లేఆఫ్స్ నిర్ణయం వల్ల కంపెనీలోని మానవ వనరులు, ఆపరేషన్స్, డివైజెస్, సర్వీసులు సేవల విభాగాలతో సహా మరికొన్ని ప్రభావితం కానున్నట్లు తెలుస్తోంది. అయితే, ఒక్క మానవ వనరుల విభాగంలో ఈసారి 15శాతం మంది తమ జాబ్ కాల్పోయే ప్రమాదం ఉంది. ఖర్చు తగ్గించుకోవడంలో భాగంగానే భారీ మొత్తంలో ఉద్యోగులను తొలగించేందుకు సంస్థ సిద్ధమైనట్లు సమాచారం.
ఈ ఏడాది జూన్‌లో అమెజాన్ సీఈవో జాస్సీ ఉద్యోగులకు రాసిన బ్లాగ్ పోస్ట్‌లో ఏఐ నుండి వచ్చే సామర్థ్య లాభాలు చివరికి కంపెనీని తక్కువ మానవ వనరులతో పనిచేయడానికి అనుమతిస్తాయని పేర్కొన్నారు.
