ట్రాక్ దాటుతున్న కారుని తొక్కిపడేసిన రైలు…ఒళ్లు జలదరించే వీడియో

  • Published By: venkaiahnaidu ,Published On : March 6, 2020 / 01:54 PM IST
ట్రాక్ దాటుతున్న కారుని తొక్కిపడేసిన రైలు…ఒళ్లు జలదరించే వీడియో

Updated On : March 6, 2020 / 1:54 PM IST

అప్పుడప్పుడు రైల్వే  ట్రాక్‌లు దాటేటపుడు రెప్పపాటులో వాహనాలు రైలు ఢీకొటటడంతో నుజ్జునుజ్జు అయిన ఘటనలు మనం అప్పడప్పుడు చూస్తుంటాం. అయితే ఇప్పుడు అమెరికాలో  అలాంటిదే ఓ ఘటన జరిగింది.

మంగళవారం(మార్చి-3,2020)లాస్ ఏంజెల్స్ లో జరిగిన ఓ భయంకరమైన యాక్సిడెంట్ వీడియోను లాస్ ఏంజెల్స్ పోలీసులు ట్విట్టర్ లో షేర్ చేశారు. ఈ ఘటన అందరికి ఓ హెచ్చరికలాంటిది. రైల్వే ట్రాక్‌పై నుంచి వెళ్లేటపుడు జాగ్రత్తగా ఉండండి. రైల్వే అధికారుల సూచనలు, సిగ్నల్స్‌ను ఫాలో అవ్వండి అని పోలీసులు కోరారు. 

లాస్‌ ఏంజెల్స్‌ పోలీసులు షేర్ చేసిన ఆ వీడియోలో….ఓ వ్యక్తి తన బీఎండబ్ల్యూ కారును నిర్లక్ష్యంగా రైల్వే క్రాసింగ్‌ ట్రాక్‌ పై నుంచి తీసుకెళ్లేందుకు ప్రయత్నించాడు. రెప్పపాటులోనే అటువైపు నుంచి రైలు వేగంగా వచ్చి బీఎండబ్య్లూ కారును ఈడ్చుకెళ్లింది. అయితే వీడియో చూసిన ఎవరైనా సరే కారులో ఉన్నవ్యక్తి నుజ్జునుజ్జు అయిపోయిు ఉంటాడు అని అనుకుంటారు. కానీ కారు యజమాని స్వల్ప గాయాలతో బయటపడ్డాడు.

ప్రస్తుతం అతడు హాస్పిటల్ లో ట్రీట్మెంట్ పొందుతున్నాడు. ఈ యాక్సిడెంట్ వీడియో ఇప్పుడు సోషల్ మీడియాలో వైరల్ గా మారింది. వీడియోను చూసిన నెటిజన్లు ఇంత భయంకరమైన ప్రమాదం నుంచి డ్రైవర్‌ ఎలా  బతికి బయటపడ్డాడంటూ ఆశ్చర్యపోతున్నారు. టైం బాగుండి డ్రైవర్‌ బతికి పడ్డాడు అంటూ సోషల్ మీడియాలో నెటిజన్లు కామెంట్ లు పెడుతున్నారు.