Snake Under Child’s Toy: చిన్నారి ఆటబొమ్మలో భయంకర పాము.. వీడియో చూశారా?
చిన్నారి ఆడుకునే బౌన్సీ చైర్‌లో పామును గుర్తించిన కుటుంబ సభ్యులు.. పాములు పట్టే వాళ్లకు ఫోన్‌ చేశారు.
- Published By: 10TV Digital Team ,Published On : December 28, 2024 / 02:42 PM IST
చిన్నారి ఆడుకునే బొమ్మలో భయంకర టైగర్‌ పాము కనపడింది. ఇందుకు సంబంధించిన దృశ్యాలను స్మార్ట్‌ఫోన్‌లో చిత్రీకరించి, ఇన్‌స్టాగ్రామ్‌లో పోస్ట్ చేశారు. ఈ వీడియో సామాజిక మాధ్యమాల్లో వైరల్ అవుతోంది.
ఆస్ట్రేలియాలోని మెల్‌బోర్న్‌లో ఈ ఘటన చోటుచేసుకుంది. చిన్నారులు ఆడుకునే బౌన్సీ చైర్‌లో పామును గుర్తించిన కుటుంబ సభ్యులు.. పాములు పట్టే వాళ్లకు ఫోన్‌ చేశారు. దీంతో పాములు పట్టేవారు వచ్చి ఆ పామును పట్టి సురక్షితంగా తీసుకెళ్లారు.
“క్రిస్‌మస్‌ నైట్ అమ్మ, నాన్న రాత్రిపూట లాంజ్ గుండా ఒక పాము పాకడం, అది పిల్లల బౌన్సర్ కింద దాక్కోవడాన్ని గమనించారు. మొదటి దీన్ని అమ్మ, నాన్న నమ్మలేకపోయారు” అని ఆ కుటుంబంలోని ఓ పిల్లాడు చెప్పాడు.
అంత భయంకర పాము ఇంట్లోకి చొరబడడంపై నెటిజన్లు ఆందోళన వ్యక్తం చేస్తున్నారు. ఇటువంటి ఘటనలు జరగకుండా అధికారులు చర్యలు తీసుకోవాలని కోరుతున్నారు. ఆ పాము కాటు వేస్తే బతకడం కష్టమని ఓ యూజర్ పేర్కొన్నాడు.
View this post on Instagram
