బ్రిడ్జికి వేలాడుతూ నదిలో పడబోయిన లారీ.. అందులోని మహిళా డ్రైవర్ను ఇలా కాపాడిన సిబ్బంది
Viral Video: మహిళా డ్రైవర్ మొత్తం 45 నిమిషాల పాటు వేలాడుతున్న లారీలోనే ఉండిపోయిందని అధికారులు తెలిపారు.
బ్రిడ్జికి వేలాడుతూ నదిలో పడబోయింది ఓ లారీ. దానికి 75 అడుగుల కింద నీరు ఉంది. లారీ డ్రైవర్ అందులోనే ఇరుక్కుపోయింది. ఆ మహిళా డ్రైవర్ను అందులో నుంచి సురక్షితంగా బయటకు తీసుకొచ్చారు ఫైర్ఫైటర్స్. ఇందుకు సంబంధించిన వీడియోను అధికారులు విడుదల చేశారు.
అమెరికాలోని కెంటుకీలో ఈ ఘటన చోటుచేసుకుంది. లారీని నడుపుతూ బ్రిడ్జి వద్దకు వచ్చిన మహిళా డ్రైవర్ అదుపుతప్పి అక్కడి బారియర్స్ను ఢీకొట్టింది. ఆ తర్వాత ఆ లారీ వంతెన పై నుంచి వేలాడింది. లారీలోనే ఉండిపోయిన డ్రైవర్ నీళ్లలో పడిపోతానేమోనని భయపడింది.
ఈ ఘటనపై సమాచారం అందుకున్న ఫైర్ఫైటర్స్ అక్కడకు చేరుకుని దాదాపు కొన్ని నిమిషాలపాటు శ్రమించి.. రోప్స్, లాడర్ల సాయంతో ఆ మహిళా డ్రైవర్ను పైకి తీసుకొచ్చారు. డ్రైవర్ మొత్తం 45 నిమిషాల పాటు వేలాడుతున్న లారీలోనే ఉండిపోయిందని అధికారులు తెలిపారు. డ్రైవర్ను పైకి తీసుకొచ్చాక లారీని కూడా పలు యంత్రాల సాయంతో పైకి లాగామని అధికారులు వివరించారు.
A dramatic rescue from @loukyfire of a truck driver from the cab of this dangling semi on the Clark Memorial Bridge in Louisville. View from WLKY NEWSCHOPPER. @WLKY pic.twitter.com/ySxEXsHC4c
— Scott Eckhardt (@S_EckhardtTV) March 1, 2024