SSB Constable Recruitment 2026 : పదో తరగతి పాస్ అయితే చాలు.. కానిస్టేబుల్ ఉద్యోగాలు.. రాత పరీక్ష లేకుండానే.. నెలకు రూ.69 వేల జీతం..!

Sashastra Seema Bal ssb Constable GD Sports Quota Recruitment 2026 Notification released for 404 posts details here

SSB Constable Recruitment 2026 : మీరు పదో తరగతి పాస్ అయ్యారా.. ప్రభుత్వ ఉద్యోగం కోసం చూస్తున్నారా.. అది కూడా ఎలాంటి రాత పరీక్ష లేకుండా.. అయితే ఈ వార్త మీకోసమే. కేంద్ర ప్రభుత్వం పదో తరగతి అర్హతతో కానిస్టేబుల్ ఉద్యోగాల భర్తీకి నోటిఫికేషన్ రిలీజ్ చేసింది. ఎలాంటి రాత పరీక్ష లేకుండా ఈ ఉద్యోగాలకు ఎంపిక చేయనున్నారు. కేంద్ర హోం వ్యవహారాల మంత్రిత్వ శాఖకు చెందిన సశస్త్ర సీమా బల్ (SSB), 2026 సంవత్సరానికి గానూ స్పోర్ట్స్ కోటా కింద కానిస్టేబుల్ (జనరల్ డ్యూటీ) పోస్టుల భర్తీకి నోటిఫికేషన్ విడుదల చేసింది. గ్రూప్-సి విభాగంలోని ఈ ఉద్యోగాలకు అర్హులైన మహిళా, పురుష క్రీడాకారులు దరఖాస్తు చేసుకోవచ్చు. ఎలాంటి రాత పరీక్ష లేకుండా ఈ పోస్టులకు ఎంపిక చేయనున్నారు.

నోటిఫికేషన్ పూర్తి వివరాలు

పోస్టు పేరు: కానిస్టేబుల్ (జనరల్ డ్యూటీ) – గ్రూప్ సి (నాన్ గెజిటెడ్).

మొత్తం ఖాళీలు:

404 పోస్టులు.

విధి నిర్వహణ:

ఈ పోస్టులకు ఎంపికైన వారు భారతదేశంలో ఎక్కడైనా, అలానే విదేశాల్లోనైనా సరే పని చేయాల్సి ఉంటుంది.

అర్హతలు

విద్యార్హత: ఈ పోస్టులకు అప్లై చేసుకునే అభ్యర్థులు తప్పనిసరిగా గుర్తింపు పొందిన బోర్డు నుండి పదో తరగతి (మెట్రిక్యులేషన్) ఉత్తీర్ణత సాధించి ఉండాలి.

క్రీడా అర్హత:

• అభ్యర్థులు కింది క్రీడల్లో అంతర్జాతీయ లేదా జాతీయ స్థాయిలో దేశం/రాష్ట్రం తరపున ప్రాతినిధ్యం వహించి ఉండాలి.
• అథ్లెటిక్స్, స్విమ్మింగ్, బాక్సింగ్, బాస్కెట్‌బాల్, ఫుట్‌బాల్, హాకీ, కబడ్డీ, వాలీబాల్, రెజ్లింగ్, షూటింగ్, జూడో, యోగాసన తదితరాలు.
• సీనియర్/జూనియర్ జాతీయ ఛాంపియన్‌షిప్‌లలో పతకాలు సాధించిన వారు లేదా ఖేలో ఇండియా గేమ్స్ మెడలిస్టులు కూడా అర్హులే.

వయోపరిమితి:

• 18 నుండి 23 ఏళ్ల మధ్య ఉండాలి.
• ఎస్సీ, ఎస్టీ, ఓబీసీ అభ్యర్థులకు ప్రభుత్వ నిబంధనల ప్రకారం వయో సడలింపు ఉంటుంది.

జీత భత్యాలు

• పే స్కేల్: నెలకు రూ. 21,700 నుండి రూ. 69,100 వరకు ఉంటుంది.
• దీనితో పాటు కేంద్ర ప్రభుత్వ నిబంధనల ప్రకారం ఇతర అలవెన్స్‌లు లభిస్తాయి.

దరఖాస్తు ప్రక్రియ

ఆసక్తిగల అభ్యర్థులు ఆన్‌లైన్ ద్వారా దరఖాస్తు చేసుకోవాలి.

చివరి తేదీ:

ఆసక్తిగల అభ్యర్థులు జూన్ 7, 2026 లోపు దరఖాస్తు చేసుకోవాలి..

దరఖాస్తు ఫీజు:

• జనరల్, EWS, OBC అభ్యర్థులకు: రూ. 100.
• SC, ST మరియు మహిళా అభ్యర్థులకు: ఫీజు మినహాయింపు ఉంది.

ఎంపిక విధానం

ఈ పోస్టులకు ఎలాంటి రాత పరీక్ష ఉండదు. అభ్యర్థులను వారి క్రీడా ప్రతిభ (Sports Achievement) మరియు ధ్రువపత్రాల పరిశీలన ఆధారంగా ఎంపిక చేస్తారు.

మరిన్ని వివరాల కోసం SSB అధికారిక వెబ్ సైట్ ని సందర్శించండి.