ఇంట్రెస్టింగ్‌గా ‘ఇచ్చట వాహనములు నిలుపరాదు’ టీజర్..
- Published By: 10TV Digital Team ,Published On : January 29, 2021 / 12:26 PM IST
IVNR: ‘చి.ల.సౌ’, ‘అల.. వైకుంఠపురములో..’ సినిమాలతో ఆకట్టుకున్న యువ నటుడు సుశాంత్ హీరోగా నటిస్తున్న చిత్రం ‘ఇచ్చట వాహనములు నిలుపరాదు’. ‘నో పార్కింగ్’ అన్నది ఉపశీర్షిక. ఈ చిత్రానికి ఎస్. దర్శన్ దర్శకత్వం వహిస్తున్నారు. రవిశంకర్ శాస్త్రి, ఏక్తా శాస్త్రి, హరీశ్ కోయలగుండ్ల నిర్మిస్తున్నారు. మీనాక్షి చౌదరి కథానాయికగా నటిస్తున్న ఈ సినిమా టీజర్ రెబల్ స్టార్ ప్రభాస్ రిలీజ్ చేశారు.
టీజర్ చాలా ఇంట్రెస్టింగ్‌గా ఉంది.. సుశాంత్ లుక్ డిఫరెంట్‌గా ఆకట్టుకుంటోంది. హీరో హీరోయిన్ల కెమిస్ట్రీ, విజువల్స్, ఆర్ఆర్ బాగున్నాయి. లవ్, బైక్, సెంటిమెంట్ వంటివి టీజర్‌లో చూపించారు.
ఒకప్పటి కథానాయకుడు వెంకట్ ఈ సినిమాలో ప్రతినాయకుడిగా కనిపించనున్నారు. వెన్నెల కిశోర్, ప్రియదర్శి, ఐశ్వర్య తదితరులు నటిస్తున్న ‘ఇచ్చట వాహనములు నిలుపరాదు’ త్వరలో ప్రేక్షకుల ముందుకు రానుంది.
