Irregular Periods : పీరియడ్స్ సక్రమంగా రాకపోవటానికి 5 ప్రధాన కారణాలు !
ఒత్తిడి ఋతు చక్రంపై గణనీయమైన ప్రభావాన్ని చూపుతుంది. ఇది హార్మోన్ స్థాయిలలో మార్పులకు కారణమై పీరియడ్స్ క్రమబద్ధతను దెబ్బతీస్తుంది.
- Published By: 10TV Digital Team ,Published On : June 28, 2023 / 07:00 AM IST
Irregular Periods
Irregular Periods : క్రమరహిత పీరియడ్స్ చాలా మంది మహిళలను నిరాశకు, ఆందోళనకు గురిచేస్తుంది. వివిధ కారణాలు క్రమరహిత ఋతుస్రావానికి కారణమవుతాయి. కాబట్టి ఖచ్చితమైన కారణాన్ని గుర్తించే విషయంలో గందగోళ పరిస్ధితి నెలకొంటుంది. పిరియడ్స్ సక్రమంగా రాకపోవటానికి అది ఒత్తిడి కావచ్చు, హార్మోన్లు కావచ్చులేదా మరేదైనా కారణం కావచ్చు.
READ ALSO : UNESCO: పీరియడ్స్పై విస్తృత ప్రచారం చేసేందుకు యునెస్కో-విస్పర్ కీలక కార్యక్రమం
సక్రమంగా పీరియడ్స్ రాకపోవటానికి 5 ప్రధాన కారణాలు ;
1. హార్మోన్ల అసమతుల్యత: క్రమరహిత పీరియడ్స్‌కు హార్మోన్ల అసమతుల్యత అత్యంత సాధారణ కారణాలలో ఒకటి. ఈస్ట్రోజెన్, ప్రొజెస్టెరాన్ స్థాయిలలో హెచ్చుతగ్గులు ఋతు చక్రం పై ప్రభావాన్ని చూపుతాయి. పాలిసిస్టిక్ ఓవరీ సిండ్రోమ్ (PCOS), థైరాయిడ్ రుగ్మతలు , అకాల అండాశయ వైఫల్యం హార్మోన్ల అసమతుల్యతకు కారణమయ్యే కొన్ని వైద్య పరిస్థితులు పీరియడ్స్ సక్రమంగా రాకపోవటానికి దారితీస్తాయి.
2. ఒత్తిడి: ఒత్తిడి ఋతు చక్రంపై గణనీయమైన ప్రభావాన్ని చూపుతుంది. ఇది హార్మోన్ స్థాయిలలో మార్పులకు కారణమై పీరియడ్స్ క్రమబద్ధతను దెబ్బతీస్తుంది. ధ్యానం, వ్యాయామం, తగిన చికిత్స ద్వారా ఒత్తిడిని తగ్గించుకోవటం రుతుచక్రాన్ని నియంత్రించడంలో సహాయపడుతుంది.
READ ALSO : Period Pain Naturally : పీరియడ్స్ నొప్పిని సహజంగా తగ్గించుకోవటానికి కొన్ని ఇంటి నివారణ చిట్కాలు !
3. బరువులో చోటు చేసుకునే మార్పులు : వేగవంతమైన బరువు తగ్గడం , వేగంగా పెరగడం వంటి ముఖ్యమైన బరువు మార్పులు ఋతు చక్రంపై ప్రభావం చూపుతాయి. తక్కువ బరువు లేదా అధిక బరువు హార్మోన్ల సమతుల్యతను దెబ్బతీస్తుంది. క్రమరహిత పీరియడ్స్ కు కారణమవుతుంది. సమతుల్య ఆహారం, క్రమం తప్పకుండా వ్యాయామం చేయడం ద్వారా ఆరోగ్యకరమైన బరువును నిర్వహించడం రుతుచక్రాన్ని నియంత్రించడంలో తోడ్పడుతుంది.
4. కొన్ని మందులు: హార్మోన్ల జనన నియంత్రణ, యాంటిసైకోటిక్స్, కీమోథెరపీ మందులు వంటి కొన్ని మందులు సక్రమంగా పీరియడ్స్ రాకపోవటానికి కారణమవుతాయి. మందులు తీసుకునేటప్పుడు క్రమరహిత పీరియడ్స్ వచ్చినట్లయితే వైద్యులను సంప్రదించి తగిన సూచనలు పొందటం మంచిది.
READ ALSO : Periods Diet : పీరియడ్స్ సమయంలో తీసుకోవాల్సిన ఆహారం!
5. వైద్య పరిస్థితులు: ఎండోమెట్రియోసిస్, యుటెరైన్ ఫైబ్రాయిడ్స్ మరియు పెల్విక్ ఇన్ఫ్లమేటరీ డిసీజ్ వంటి వైద్య పరిస్థితులు క్రమరహిత పీరియడ్స్‌కు కారణమవుతాయి. ఈ పరిస్థితులకు సరైన రోగ నిర్ధారణ ,చికిత్స కోసం వైద్యులను సంప్రదించి చికిత్స పొందటం మంచిది.
క్రమరహిత పీరియడ్స్ సమస్య ఉంటే వైద్యులను ఎప్పుడు సంప్రదించాలి?
ఋతు చక్రం క్రమరహితంగా ఉన్నా, పీరియడ్స్ సమయంలో నొప్పి లేదా అసౌకర్యం కలిగి ఉంటే వైద్యుడిని సంప్రదించడం ఉత్తమం. క్రమరాహిత్యానికి కారణమయ్యే ఏదైనా అంతర్లీన వైద్య పరిస్థితులను నిర్ధారించడంలో వైద్యులు సహాయపడతారు. చికిత్సకు అవసరమైన మందులను సిఫారసు చేస్తారు. అంతేకాకుండా క్రమరహిత పీరియడ్స్ మూడు లేదా అంతకంటే ఎక్కువ నెలలు కొనసాగితే వైద్యుడిని సంప్రదించడం చాలా ముఖ్యం.
READ ALSO : పీరియడ్ రోజుల్లో నొప్పి నుండి ఉపశమనం పొందడానికి తప్పక తీసుకోవాల్సిన 6 ఆహారాలు
వివిధ కారకాలు క్రమరహిత పీరియడ్స్ కు కారణమౌతాయి. అంతర్లీన కారణాలపై అవగాహన కలిగి ఉండటం అన్నది ఋతు చక్రం నిర్వహణలో, పునరుత్పత్తి ఆరోగ్యాన్ని కాపాడుకోవడంలో సహాయపడుతుంది.
