Hari Teja: జాగ్రత్త లేకపోతే నాలాగే బాధపడాల్సి వస్తుంది – నటి హరితేజ

పాప పుట్టే వారం రోజుల ముందు తనతో పాటు కుటుంబ సభ్యలందరికి కరోనా పాజిటివ్‌ అని తేలిందని...

Hari Teja

Hari Teja: బిగ్ బాస్ ప్రోగ్రాం సభ్యులంతా కలిసి నటి హరితేజకు శ్రీమంతం చేసింది టీవీ షో సాక్షిగా అందరూ చూశారు. అదే కాకుండా ఆమె బంధువులు పర్సనల్ గా మరోసారి ఏర్పాటు చేసిన శ్రీమంతానికి టీవీ నటులతో పాటు సినిమా నటులు విచ్చేసి గ్రాండ్ గా పూర్తి చేసుకున్నారు. ఇదిలా ఉంటే పాపం అంత వైభవంగా సెలబ్రేట్ చేసుకున్న హరితేజ డెలివరీకి మాత్రం తోడు ఎవరూలేకుండా పోయారట. ఆమె నిర్లక్ష్యం కారణంగానే ఆ పరిస్థితి వచ్చిందని చెప్తుంది హరి తేజ.

ఇంతకీ ఆ నిర్లక్ష్యం ఏంటి.. ఏం జరిగిందంటే… హరి తేజకు డెలివరీ టైం అప్పుడు కొవిడ్ పాజిటివ్ వచ్చింది. ఆమెకే కాదు తన కుటుంబ సభ్యులకు కూడా కరోనా పాజిటివ్. ప్రముఖ నటి, యాంకర్‌ ఏప్రిల్ 5న పండంటి ఆడ బిడ్డకు జన్మనిచ్చిన సంగతి తెలిసిందే. ఇటీవల తమ చిన్నారి ఫోటోని సోషల్‌ మీడియా ద్వారా అభిమానులతో పంచుకుంది. అయితే సోషల్‌ మీడియాలో ఎప్పుడూ వీడియోలు పెడూతూ చాలా యాక్టీవ్‌గా ఉండే హరితేజ.. పాప పుట్టిన తర్వాత ఎలాంటి వీడియోలను పోస్ట్‌ చేయలేదు.

డెలివరీ సమయంలో తాను పడిన కష్టాలను వివరిస్తూ ఓ సుదీర్ఘమైన వీడియోని పోస్ట్‌ చేసింది. పాప పుట్టే వారం రోజుల ముందు తనతో పాటు కుటుంబ సభ్యలందరికి కరోనా పాజిటివ్‌ అని తేలిందని, ఒంటరిగా డెలివరీకి వెళ్లానని చెప్పుకొచ్చింది.

‘పాప పుట్టిందని తెలియగానే చాలా మంది విషేష్‌ చెప్పారు. ప్రతి ఒక్కరికి రిప్లై ఇచ్చే పరిస్థితుల్లో అప్పుడు లేను. ఇప్పడు చెప్పుతున్న మీ అందరికి థ్యాంక్స్‌. అప్పుడు ఎందుకు రిప్లై ఇవ్వలేదో చెప్పడానికే ఈ వీడియో చేస్తున్నాను. ఆ విషయం పంచుకోవాల్సిన అవసరం లేదు. కానీ బయట జరుగుతున్న పరిస్థితులు చూస్తూఉంటే.. నా విషయం చెప్పుకోవాలనిపించింది.

కొంతమంది అయినా మారుతారేమోనని అనిపించి ఈ వీడియో చేస్తున్నాను. డెలివరీకి వారం ముందు ఇంట్లో అందరికి కరోనా పాజిటివ్‌ వచ్చింది. నాకూ పాజిటివ్‌ వచ్చింది. ఏం చేయలో అర్థం కాలేదు. ఎక్కువ జాగ్రత్తగాలేకపోవడం వల్లే ఇలా అయిందని అనిపించింది. అప్పుడు చాలా ఇబ్బందికి గురయ్యా. రెగ్యులర్‌గా చెకప్‌కి వెళ్లే డాక్టర్లు డెలివరీ చేయమని చెప్పారు. దాంతో కోవిడ్‌ ఆస్పత్రులను సంప్రదించా.

పాజిటివ్‌ కాబట్టి బేబీకి కూడా వస్తుందని భయపడ్డా. అన్ని రకాల టెస్టులు చేయించుకున్నా. రిజల్ట్‌ కోసం రాత్రిళ్లు ఎదురుచూశా. డెలివరీ అంటే సంతోషంగా ఉంటుంది. కానీ, ఆ టైంలో ఒక్కదాన్నే పోరాడాను. దీపూ ఒక్కడే చూసుకున్నాడు. కోవిడ్‌ వార్డులో ఒక్కదాన్నే ఉన్నా. బేబీ పుట్టగానే తీసుకెళ్లిపోయారు. పాపని వీడియో కాల్‌లో చూడాల్సి వచ్చింది.

చాలా బాధను అనుభవించా. మా వాళ్లు అంతా ఐసోలేషన్‌లో ఉన్నారు. ఆ సమయంలో కొంతమంది స్నేహితులు సాయం చేశారు. ప్రెగెన్సీ వాళ్లు చాలా జాగ్రత్తగా ఉండండి. మన వల్ల మనతో పాటు పక్కవాళ్లకు ఇబ్బంది కలుగుతుంది. ముందే జాగ్రత్తగా ఉండండి. బయట తిరగకండి’ అంటూ హరితేజ విజ్ఞప్తి చేసింది.