Megha Akash : బామ్మ చనిపోయిన బాధలో ఉన్నా షూటింగ్‌కి వెళ్లిన నటి
మేఘా ఆకాష్ నటించిన తమిళ సినిమా 'వడక్కుపట్టి రామసామి' ఫిబ్రవరి 2 న రిలీజ్ అవుతోంది. రీసెంట్‌గా ఈ సినిమా ఆడియో ఆవిష్కణలో హీరోయిన్ మేఘా ఆకాష్ మాట్లాడారు.
- Published By: 10TV Digital Team ,Published On : January 28, 2024 / 01:02 PM IST
Megha Akash
Megha Akash : మేఘా ఆకాష్ తమిళ, తెలుగు సినిమాల్లో పాపులర్ నటి. తాజాగా ‘వడక్కుపట్టి రామసామి’ అనే తమిళ సినిమాలో నటిస్తున్నారు. ఈ సినిమా షూటింగ్ సమయంలో మేఘా ఆకాష్ బామ్మ చనిపోయారట. ఎంతో బాధలో ఉండి ఈ షూటింగ్ పూర్తి చేసారట ఈ నటి. చెన్నైలో రీసెంట్‌గా ఈ సినిమా ఆడియో ఆవిష్కరణ జరిగింది.
పీపుల్స్ మీడియా ఫ్యాక్టరీ అధినేత విశ్వప్రసాద్ తమిళంలో నిర్మిస్తున్న సినిమా ‘వడక్కుపట్టి రామసామి’. కమెడియన్ సంతానం హీరో కాగా.. మేఘా ఆకాష్ హీరోయిన్‌గా నటిస్తున్నారు. రీసెంట్‌గా ఈ సినిమా ఆడియో ఆవిష్కరణ చెన్నైలో జరిగింది. ఈ సందర్భంలో నటి మేఘా ఆకాష్ ఈ సినిమాలో తనకి అవకాశం ఇచ్చిన విశ్వప్రసాద్‌కి ధన్యవాదాలు చెప్పారు. తను బామ్మ చనిపోయిన బాధలో షూటింగ్‌లో పాల్గొన్నప్పుడు యూనిట్ మొత్తం అండగా నిలిచారని ఎమోషనల్ అవుతూ చెప్పారు మేఘా.
Hanuman – Eagle : ‘మాస్ మహారాజ’తో ‘హనుమాన్’ స్పెషల్ ఇంటర్వ్యూ చూశారా..? బోలెడన్ని ఆసక్తికర విషయాలు..
కార్తీక్ యోగీ డైరెక్షన్‌లో వస్తున్న ఈ సినిమా ఫిబ్రవరి 2న విడుదల కాబోతోంది. ఎంఎస్ భాస్కర్, కూల్ జయంత్ ఇతర పాత్రలు పోషించారు. భారీ బడ్జెట్‌తో వస్తున్న ఈ మూవీ షూటింగ్ 65 రోజుల్లో పూర్తైందట. కాగా మేఘా ఆకాష్ గతంలో అబద్ధం, గుర్తుందా శీతాకాలం, రావణాసురుడు వంటి సినిమాల్లో నటించారు. ప్రస్తుతం తెలుగులో ఒక కొత్త ప్రాజెక్టులో చేస్తున్నారు.
