Pushpa 2 : బాలీవుడ్‌లో పుష్ప 2 మ‌రో రికార్డు.. 800 కోట్ల క్ల‌బ్‌లో అడుగుపెట్టిన తొలి చిత్రంగా !
బాక్సాఫీస్ వ‌ద్ద ఐకాన్ స్టార్ అల్లు అర్జున్ న‌టించిన పుష్ప 2 మూవీ రికార్డులు ఇంకా కొనసాగుతూనే ఉన్నాయి.
- Published By: 10TV Digital Team ,Published On : January 3, 2025 / 09:55 PM IST
Allu Arjun movie is set to inaugurate this new box office collection club
బాక్సాఫీస్ వ‌ద్ద ఐకాన్ స్టార్ అల్లు అర్జున్ న‌టించిన పుష్ప 2 మూవీ రికార్డులు ఇంకా కొనసాగుతూనే ఉన్నాయి. ఈ చిత్రం డిసెంబ‌ర్ 5న ప్రేక్ష‌కుల ముందుకు వ‌చ్చింది. విడుద‌లైన 28 రోజుల్లోనే ఈ చిత్రం ప్ర‌పంచ వ్యాప్తంగా 1799 కోట్ల‌కు పైగా గ్రాస్ వ‌సూళ్ల‌ను సాధించింది. ఇక బాలీవుడ్‌లో పుష్ప2 సృష్టిస్తున్న రికార్డులు అన్నీ ఇన్నీ కావు.
ఇప్ప‌టికే హిందీలో అత్య‌ధిక క‌లెక్ష‌న్స్ సాధించిన మూవీగా రికార్డుల‌కు ఎక్కింది. తాజాగా ఈ చిత్రం మ‌రో మైలురాయిని చేరుకునేందుకు అడుగు దూరంలో ఉంది. హిందీలో 800 కోట్ల‌కు అడుగుపెట్టేందుకు సిద్ధంగా ఉంది.
Game Changer : గేమ్ ఛేంజర్ పవన్ కల్యాణ్ స్టోరీనా?
నాలుగో వారంలోనూ ఈ చిత్ర క‌లెక్ష‌న్లు స్ట‌డీగా ఉన్నాయి. హిందీలో నాలుగో వారంలో 57.95 కోట్ల వ‌సూళ్ల‌ను రాబ‌ట్టిన‌ట్లు ప్ర‌ముఖ సినీ విశ్లేష‌కుడు త‌రుణ్ ఆద‌ర్శ్ ట్వీట్ చేశారు. నాలుగో వారంలో శుక్ర‌వారం 7 కోట్లు, శ‌నివారం 10.25 కోట్లు, ఆదివారం 12.25 కోట్లు, సోమ‌వారం 6.25 కోట్లు, మంగ‌ళ‌వారం 7 కోట్లు, బుధ‌వారం 10.50 కోట్లు, గురువారం 4.70 కోట్లు సాధించిన‌ట్లు తెలిపారు.మొత్తంగా నాలుగు వారాల్లో పుష్ప 2 మూవీ హిందీలో 798.20 కోట్ల నెట్ వ‌సూళ్ల‌ను సాధించిన‌ట్లు చెప్పారు. ఈ రోజుతో పుష్ప2 మూవీ హిందీలో 800 కోట్ల క్ల‌బ్‌లో అడుగుపెట్ట‌డం ఖాయ‌మ‌న్నారు.
సుకుమార్ ద‌ర్శ‌క‌త్వంలో ఈ చిత్రం తెర‌కెక్కింది. ర‌ష్మిక మంధాన క‌థానాయిక. ఫ‌హాద్ ఫాజిల్‌, సునీల్, అన‌సూయ లు కీల‌క పాత్ర‌ల్లో న‌టించారు.
800 NOT OUT… #Pushpa2 is all set to inaugurate the ₹ 800 cr Club… The #AlluArjun starrer has amassed a huge ₹ 57.95 cr in Week 4, setting a new benchmark.#Pushpa2 [Week 4] Fri 7 cr, Sat 10.25 cr, Sun 12.25 cr, Mon 6.25 cr, Tue 7 cr, Wed 10.50 cr, Thu 4.70 cr. Total: ₹… pic.twitter.com/brao2OraqW
— taran adarsh (@taran_adarsh) January 3, 2025
