Anchor Suma : వడ్డే నవీన్ సినిమాలో యాంకర్ సుమ.. అది కూడా ప్రగ్నెంట్ గా ఉన్నప్పుడు..

గతంలో తాను వడ్డే నవీన్ సినిమాలో నటించినట్టు తెలిపింది. (Anchor Suma)

Anchor Suma

Anchor Suma : ఒకప్పుడు మంచి లవ్ స్టోరీలు, కామెడీ, యాక్షన్ సినిమాలతో మెప్పించిన హీరో వడ్డే నవీన్ సడెన్ గా సినిమాలకు దూరమయ్యారు. దాదాపు 12 ఏళ్ళ తర్వాత ఇప్పుడు ట్రాన్స్ఫర్ త్రిమూర్తులు అనే సినిమాతో రీ ఎంట్రీ ఇస్తున్నారు వడ్డే నవీన్. ఈ సినిమా జూన్ 19న రిలీజ్ కానుంది. ఈ సినిమా ప్రమోషన్స్ లో కూడా యాక్టివ్ గా పాల్గొంటున్నారు వడ్డే నవీన్.

చాన్నాళ్ళ తర్వాత వడ్డే నవీన్ మీడియా ముందుకు వస్తుండటంతో బోలెడన్ని ఆసక్తికర విషయాలు పంచుకుంటున్నారు. ఈ క్రమంలో యాంకర్ సుమ నేడు వడ్డే నవీన్ ని స్పెషల్ ఇంటర్వ్యూ చేసింది. ఈ ఇంటర్వ్యూలో గతంలో తాను వడ్డే నవీన్ సినిమాలో నటించినట్టు తెలిపింది. నవీన్ కూడా అప్పటి సంగతులను గుర్తు చేసుకున్నారు.

Also Read : Annamalai Rajinikanth : అన్నామలై – రజినీకాంత్ కలిసి కొత్త పార్టీ..? ‘మక్కల్ మడై’ పేరుతో..

యాంకర్ సుమ మాట్లాడుతూ.. నేను మీ సినిమాలో నటించాను. ‘చాలా బాగుంది’ సినిమా. 1999లో షూట్ జరిగింది. అందులో పెళ్లి చూపులు సీన్. అప్పుడు నేను ప్రగ్నెంట్ గా ఉన్నాను. డైరెక్టర్ ఈవీవీ సత్యనారాయణ గారు. ఆ సినిమా 2001లో రిలీజ్ అయి పెద్ద హిట్ అయింది అని తెలిపింది.

శ్రీకాంత్, వడ్డే నవీన్ హీరోలుగా చాలా బాగుంది సినిమా తెరకెక్కింది. 1999 లోనే షూట్ అవ్వగా కాస్త ఆలస్యంగా ఈ సినిమా 2001 లో రిలీజయింది. ఈ సినిమాలో యాంకర్ సుమ ఓ చిన్న పాత్ర చేసింది. సుమ వడ్డే నవీన్ పెళ్లి చూపులు చూడాల్సిన పెళ్లి కూతురు పాత్రలో సినిమా మొదట్లోనే కనిపిస్తుంది. స్టార్ డైరెక్టర్ ఇవివి సత్యనారాయణ ఈ సినిమాని తెరకెక్కించారు. ఈ సినిమా అప్పట్లో మంచి విజయం సాధించింది.