Chiranjeevi about Sankranthi Movies releases at Hanuman Pre release event
Chiranjeevi : ఈసారి సంక్రాంతికి మహేష్ బాబు ‘గుంటూరు కారం’, తేజ సజ్జ ‘హనుమాన్’, వెంకటేష్ ‘సైంధవ్‌’, నాగార్జున ‘నా సామిరంగ’ సినిమాలు ఆడియన్స్ ముందుకు వస్తున్నాయి. అయితే ఈ నాలుగు సినిమాల్లో హనుమాన్ చిత్రం మాత్రమే చిన్న హీరో సినిమా. దీంతో థియేటర్స్ కేటాయింపు దగ్గర ఒక వివాదం నెలకుంది. చిన్న సినిమాలకు సపోర్ట్ ఇవ్వడం లేదంటూ కామెంట్స్ వినిపించాయి.
తాజాగా ఈ వివాదం గురించి మెగాస్టార్ చిరంజీవి కామెంట్స్ చేశారు. హనుమాన్ ప్రీ రిలీజ్ ఈవెంట్ నేడు హైదరాబాద్ లో ఘనంగా జరిగింది. ఈ ఈవెంట్ కి చిరంజీవి ముఖ్య అతిథిగా వచ్చారు. ఇక ఈ ఈవెంట్ లో చిరంజీవి మాట్లాడుతూ.. “హనుమాన్ చిత్రానికి థియేటర్లు దొరకడం లేదని నిర్మాతలు బాధపడ్డారు. అయితే థియేటర్ల విషయంలో నిర్మాతలు బాధపడాల్సిన అవసరం లేదు. కంటెంట్ ఉన్న చిత్రాలను ప్రేక్షకులు తప్పకుండా చూస్తారు” అంటూ ధైర్యం చెప్పారు.
Also read : Guntur Kaaram : ‘గుంటూరు కారం’ మాస్ ట్రైలర్ వచ్చేసింది.. చూడగానే మజా వచ్చిందా..?
“అయితే ప్రస్తుతం ఉన్న పరిస్థితి మనకి ఒక పరీక్షాకాలం. ఈ సినిమాని మొదటి రోజు కాకపోతే ఏంటి రెండో రోజు, కుదరకపోతే మూడో రోజు చూస్తారు. కంటెంట్ ఉన్న సినిమా ఎప్పుడు విజయం సాధిస్తుంది” అంటూ పేర్కొన్నారు. ఇక గతంలో ఖైదీ నెం150, బాలకృష్ణ ‘గౌతమీపుత్ర శాతకర్ణి’ మూవీ రిలీజ్ సమయంలో జరిగిన ఓ విషయం గురించి మాట్లాడుతూ.. తాను దిల్ రాజుని ప్రశ్నించినట్లు చెప్పుకొచ్చారు.
“ఖైదీ నెం150, బాలకృష్ణ ‘గౌతమీపుత్ర శాతకర్ణి’ రిలీజ్ సమయంలో దిల్ రాజు తన నిర్మించిన ‘శతమానంభవతి’ని కూడా రిలీజ్ చేశారు. ఆ సమయంలో నేను దిల్ రాజుని అడిగాను. అటు బాలయ్య, ఇటు నేను ఉన్నాను. ఈ చిత్రాల మధ్య ఈ చిన్న సినిమా అంటే రిస్క్ అవుతుందేమో ఆలోచించండి. శతమానంభవతి రిలీజ్ కొంచెం ఆలస్యం చేయవచ్చు కదా అని దిల్ రాజును అడిగాను. అయితే అది కంటెంట్ ఉన్న సినిమా అని, దానిని ప్రేక్షకులు చూస్తారని దిల్ రాజు చెప్పారు. ఆయన అన్నట్లే ఆ చిత్రం మా సినిమాలతో పాటు విజయం సాదిందించింది. దిల్ రాజుకి సినీ పరిశ్రమలో ఎంతో అనుభవం ఉంది. ఆయనకు ఏ సీజన్ లో ఏ సినిమాకు ఎన్ని థియేటర్లు ఇవ్వాలో తెలుసు. కాబట్టి థియేటర్స్ దొరకలేదని బయపడకండి. మొదటి రోజు కాకపోతే తరువాత అయిన మన సినిమాని చూస్తారు” అంటూ చిరు వ్యాఖ్యానించారు.
