Film director Mani Shankar Son Prema Kumar arrested
Mani Shankar: సినీ డైరెక్టర్ మణిశంకర్(Mani Shankar) కుమారుడు ప్రేమ శంకర్ ను బంజారాహిల్స్ పోలీసులు అరెస్ట్ చేశారు. మంగళవారం ప్రేమ శంకర్ ట్రాఫిక్ హోంగార్డు మన్యంపై దాడి చేసిన ఘటనలో ప్రేమ శంకర్ ను అరెస్ట్ చేశారు పోలీసులు. ఈమేరకు రిమాండ్ కు తరలించారు. ఇక మంగళవారం NNT జంక్షన్ వద్ద తన కారును నడిరోడ్డుపై ఆపి ట్రాఫిక్కు అంతరాయం కలిగించాడు ప్రేమ శంకర్. అది గమనించిన మహిళా కానిస్టేబుల్, హోంగార్డు మన్యం కారును పక్కకు తీయాలని కోరారు.
Dhurandhar 2: పోటీ నుంచి టాక్సిక్ అవుట్.. సింగల్ గా వస్తున్న దురంధర్.. ఇక రికార్డుల మోత కన్ఫర్మ్
తప్పతాగి మద్యంమత్తులో ఉన్న ప్రేమ శంకర్ తీవ్ర ఆగ్రహం వ్యక్తం చేస్తూ.. నన్నే ప్రశ్నిస్తారా అంటూ హోంగార్డును కాలితో తన్నాడు. అసభ్య పదజాలంతో దూషించాడు. హోంగార్డ్ సమాచారం మేరకు లా అండ్ ఆర్డర్ పోలీసులు అక్కడికి చేరుకోగా, నిందితుడు ప్రేమ శంకర్ కారు లాక్ చేసుకుని సుమారు అరగంట పాటు లోపలే ఉండి ఇబ్బంది పెట్టాడు. దీంతో, అతడిని అరెస్ట్ చేసి రిమాండ్ కి పంపించారు.
