Kiara Advani: సిద్ధార్ధ్ మ‌ల్హోత్రాతో రిలేషన్ గుట్టువిప్పిన కియారా!

బాలీవుడ్‌లో డేటింగ్‌లు.. ల‌వ్ స్టోరీలు చాలా స‌ర్వ‌సాధార‌ణం. కొన్నాళ్ళు చెట్టాపట్టలేసుకు తిరిగి బ్రేక్ అప్ చెప్పేసుకొని ఇంకొకరితో కొత్త రిలేషన్ మొదలుపెట్టడం కొందరికి అలవాటుగా మారితే.. మరికొందరు ప్రేమని కాస్త పెళ్లి వరకు తీసుకెళ్లి కథకి ఎండ్ కార్డ్ పెట్టేస్తుంటారు. అలా పలుమార్లు కెమెరాలకి చిక్కిన బాలీవుడ్ జంట కియారా అద్వానీ, సిద్ధార్థ్ మల్హోత్రా.

Kiara Advani

Kiara Advani: బాలీవుడ్‌లో డేటింగ్‌లు.. ల‌వ్ స్టోరీలు చాలా స‌ర్వ‌సాధార‌ణం. కొన్నాళ్ళు చెట్టాపట్టలేసుకు తిరిగి బ్రేక్ అప్ చెప్పేసుకొని ఇంకొకరితో కొత్త రిలేషన్ మొదలుపెట్టడం కొందరికి అలవాటుగా మారితే.. మరికొందరు ప్రేమని కాస్త పెళ్లి వరకు తీసుకెళ్లి కథకి ఎండ్ కార్డ్ పెట్టేస్తుంటారు. ఇందులో రకరకాల జంటల పేర్లు వినిపిస్తుండగా నిప్పు లేకుండా పొగ రాదన్నట్లు ఎక్కడో చోట కెమెరాలకి చిక్కడంతో ఈ రిలేషన్ వ్యవహారం కాస్త బట్టబయలైపోతుంటుంది. అలా పలుమార్లు కెమెరాలకి చిక్కిన బాలీవుడ్ జంట కియారా అద్వానీ, సిద్ధార్థ్ మల్హోత్రా.

బాలీవుడ్ లో ఎం.ఎస్ ధోనీ సినిమాతో కియారా అద్వానీ చిత్ర రంగ ప్రవేశం చేస్తే.. ‘స్టూడెంట్ ఆఫ్ ది ఇయర్’ సినిమాతో సిద్ధార్థ్ మల్హోత్రా బాలీవుడ్ లో అడుగుపెట్టాడు. దాదాపుగా ఇద్దరూ ఒకేసారి ఇండస్ట్రీలో అడుగుపెట్టిన ఈ జంట చెట్టపట్టాలేసుకు తిరుగుతూ వార్తల్లోకెక్కుతోంది. విక్రమ్ బాత్రా సినిమాలో సిద్ధార్థ్ తో కలిసి నటించే సందర్భంలో వీరి మధ్య ప్రేమ చిగురించిందని.. అప్పటి నుండి మాల్దీవులకు వెకేషన్, సిద్దార్థ్ ఇంట్లో కియారా ఉండడం వంటి ఘటనలు నో డౌట్ సమ్ థింగ్ ఏదో ఉందనుకొనేలా చేశాయి.

అయితే.. ఇప్పటివరకు ఈ జంట రిలేషన్ మీద నోరువిప్పకపోగా తొలిసారి కియారా గుట్టువిప్పేసింది. సిద్దార్థ్ ఇండస్ట్రీలో తనకు అత్యంత సన్నిహితుడు కాగా తామిద్దరం మంచి ఫ్రెండ్స్ అని చెప్పుకొచ్చింది. ఇంతకీ పెళ్ళెప్పుడు కియారా అంటే.. అది ఎప్పుడో ఇప్పుడే చెప్పలేను కానీ ఖచ్చితం లవ్ మ్యారేజే అని చెప్పింది. దీంతో మేము మంచి ఫ్రెండ్స్ అంటూ.. చివరికి కొంపముంచేవాళ్లని చాలా చూశాంలే వెళ్ళెళ్ళవమ్మా అంటున్నారు బీటౌన్ జనాలు.