Toxic: టాక్సిక్ మేకర్స్ కి మహిళా కమిషన్ షాక్.. బోల్డ్ సీన్స్ పై సీరియస్.. టీజర్ ను వెంటనే తొలగించాలట!

టాక్సిక్(Toxic) టీజర్‌లో బోల్డ్ కంటెంట్‌పై కర్ణాటక మహిళా కమిషన్ సీరియస్‌గా అయ్యింది.

Karnataka Women Commission serious about bold content in Toxic teaser.

• టాక్సిక్ టీజర్ పై మహిళా కమిషన్ సీరియస్
• బోల్డ్ సీన్స్ వల్ల సమాజానికి తప్పుడు సంకేతాలు
• సోషల్ మీడియా నుంచి తొలగించాలంటూ ఆదేశాలు

Toxic: కన్నడ స్టార్ హీరో యష్ ప్రధాన పాత్రలో వస్తున్న లేటెస్ట్ మూవీ టాక్సిక్. లేడీ డైరెక్టర్ గీతూ మోహన్ దాస్ ఈ సినిమాను పాన్ ఇండియా లెవల్లో తెరకెక్కిస్తున్నారు. కేజీఎఫ్, కేజీఎఫ్ 2 లాంటి పాన్ ఇండియా బ్లాక్ బస్టర్స్ తరువాత యష్ నుంచి వస్తున్న సినిమా కావడంతో టాక్సిక్(Toxic) మూవీపై ప్రేక్షకుల్లో, ఇండస్ట్రీ వర్గాల్లో భారీ అంచనాలు నెలకొన్నాయి. అంతేకాదు, హీరో యష్ కూడా ఈ సినిమాను చాలా గ్యాప్ తీసుకొని ఒకే చేశాడు.

Ashwini: బిగ్ బాస్ బ్యూటీ అశ్విని.. స్టన్నింగ్ లుక్స్ కేక.. ఫొటోలు

యష్ అభిమానులు కూడా ఈ సినిమా కోసం ఈగర్ గా వెయిట్ చేస్తున్నారు. ఈనేపథ్యంలోనే తాజాగా టాక్సిక్ సినిమా నుంచి టీజర్ విడుదల చేశారు మేకర్స్. హాలీవుడ్ రేంజ్ లో వచ్చిన ఈ టీజర్ కి ఆడియన్స్ నుంచి క్రేజీ రెస్పాన్స్ వచ్చింది. అంతేకాదు సోషల్ మీడియాను షేక్ చేసింది ఈ టీజర్. అయితే, చాలా మంది నుంచి వినిపించిన మాట ఏంటంటే, ఈ టీజర్ లో బోల్డ్ కంటెంట్ ఎక్కువ అయ్యింది అని. టీజర్ లో బోల్డ్ కంటెంట్ ఎక్కువయ్యింది అంటూ ఓపెన్ గానే నెగిటీవ్ కామెంట్స్ చేశారు.

అయితే, తాజాగా ఈ టీజర్ లో ఉన్న బోల్డ్ సీన్స్ పై కర్ణాటక మహిళా కమీషన్ సీరియస్ అయ్యింది. టాక్సిక్ సినిమా టీజర్‌పై తీవ్ర ఆగ్రహం వ్యక్తం చేసింది. ఇలాంటి అశ్లీల దృశ్యాలు సమాజంపై తప్పుడు ప్రభావం చూపుతాయని, ఆ టీజర్‌ను వెంటనే సోషల్ మీడియా నుంచి తొలగించాలని డిమాండ్ చేసింది. అలాగే, ఈ టీజర్ విడుదలై తగిన చర్యలు తీసుకోవాలని సెన్సార్ బోర్డును కోరింది. మరి మహిళా కమిషన్ ఆదేశాలపై టాక్సిక్ మూవీ మేకర్స్ ఎలా స్పందిస్తారు అనేది చూడాలి.