Gopichand 30: మ్యాచోస్టార్ మొదలు పెట్టేస్తున్నాడు.. హ్యాట్రిక్ కొడతారా?

మ్యాచోస్టార్ గోపీచంద్ మరో క్రేజీ కాంబినేషన్ లో సినిమా మొదలు పెడుతున్నాడు. గోపీచంద్ కెరియర్ లో లక్ష్యం సినిమా ముమ్మాటికీ భారీ సక్సెస్ సినిమానే. అనుష్క, జగపతి బాబు, కోటా శ్రీనివాస్..

Gopichand 30

Gopichand 30: మ్యాచోస్టార్ గోపీచంద్ మరో క్రేజీ కాంబినేషన్ లో సినిమా మొదలు పెడుతున్నాడు. గోపీచంద్ కెరియర్ లో లక్ష్యం సినిమా ముమ్మాటికీ భారీ సక్సెస్ సినిమానే. అనుష్క, జగపతి బాబు, కోటా శ్రీనివాస్ రావు లాంటి భారీ తారాగణంతో తెరకెక్కిన ఈ సినిమాకి ఇప్పటికే టీవీల్లో అదే ఆదరణ దక్కించుకుంటుంది. ఆ సినిమాతోనే శ్రీవాస్ దర్శకుడిగా పరిచయమయ్యాడు. ఆ తర్వాత ఈ కాంబినేషన్ లో లౌక్యం అనే మరో సినిమా కూడా రాగా.. అప్పటికే వాంటెడ్, మొగుడు లాంటి ప్లాపులలో ఉన్న గోపీచంద్ కు లౌక్యం రిలీఫ్ ఇచ్చింది.

Hollywood Movies: ఇండియాలో హాలీవుడ్ హవా.. బాక్సాఫీస్ వద్ద భళా!

కాగా, ఇప్పుడు ఈ కాంబినేషన్ లో మూడవ సినిమా మొదలవుతుంది. గోపీచంద్‌ కెరీర్‌లో ఇది 30వ సినిమా కాగా పీపుల్‌మీడియా ఫ్యాక్టరీ పతాకంపై టీజీ విశ్వప్రసాద్‌ నిర్మిస్తున్నారు. భూపతిరాజా కథ విన్న గోపీచంద్‌ వెంటనే ఒకే చెప్పగా దర్శకుడు శ్రీవాస్‌తో మరోసారి అసోసియేట్‌ అవుతుండడంతో ఈ సినిమా మీద ఆసక్తి నెలకొంది. ఈ క్రేజీ కాంబినేషన్ లో హ్యాట్రిక్ సినిమా ఈ నెల 24న మొదలవుతుంది. గతంలో ఈ సినిమా ప్రకటనతో పాటు విడుదల చేసిన పోస్టర్ చూసే కోల్‌కత్తా బ్యాక్ డ్రాప్ లో సాగే కథగా కనిపిస్తుంది.

Bollywood Sequels: పార్టుల మీద పార్టులు.. బాలీవుడ్‌లో సీక్వెల్స్ హవా!

పోస్టర్ లో హౌరా బ్రిడ్జితో పాటు ప్రజలు గూమికూడి ట్రాఫిక్‌తో ఉన్న కోల్‌కత్తాలో ఫేమస్‌ కాళీమాత విగ్రహం కనిపిస్తున్నాయి. ఈ అంశాలు గోపీచంద్, శ్రీవాస్‌ కాంబినేషన్‌లో వస్తున్న ఈ సినిమాపై మరిన్ని అంచనాలను క్రియేట్‌ చేస్తున్నాయి. అలాగే ఈ సినిమా కోల్‌కతా బ్యాక్‌డ్రాప్‌లో మరింత ఆసక్తికరంగా సాగుతుందని తెలుస్తుంది. భారీ బడ్జెట్‌తో రూపొందనున్న ఈ సినిమా టైటిల్‌ ఖరారు కావాల్సి ఉంది. మరి ఈ కాంబినేషన్లో వస్తున్న ఈ హ్యాట్రిక్ సినిమాతో హ్యాట్రిక్ హిట్ కొడతారా లేదా అన్నది చూడాల్సి ఉండగా ప్రస్తుతం గోపీచంద్ మారుతి ద‌ర్శ‌క‌త్వం వ‌హిస్తున్న‌‘పక్కా కమర్షియల్‌’ సినిమాతో బిజీగా ఉన్నాడు.