Naveen Polishetty Anaganaga Oka Raju Teaser out now
టాలీవుడ్ యంగ్ హీరో నవీన్ పొలిశెట్టి న‌టిస్తున్న చిత్రం ‘అనగనగా ఒకరాజు’. ‘సితార ఎంటర్‌ టైన్మెంట్స్‌’, ఫార్చ్యూన్‌ 4 సినిమాస్‌’ సంయుక్తంగా ఈ చిత్రాన్ని నిర్మిస్తున్నాయి. కళ్యాణ్ శంకర్ ద‌ర్శ‌క‌త్వంలో తెరకెక్కుతున్న ఈ చిత్రంలో మీనాక్షి చౌద‌రి క‌థానాయిక‌గా న‌టిస్తోంది. అప్పుడెప్పుడో ఈ సినిమా షూటింగ్ మొద‌లైంది. కొన్నాళ్ల క్రితం ఈ చిత్ర గ్లింప్స్‌ను విడుద‌ల చేశారు. ఆ త‌రువాత మ‌రేలాంటి అప్డేట్ కూడా రాలేదు.
మిస్ శెట్టి మిస్టర్ పోలిశెట్టి’ చిత్రం త‌రువాత నవీన్ పొలిశెట్టికి యాక్సిడెంట్ కావ‌డంతో సినిమాల‌కు ఆయ‌న బ్రేక్ ఇచ్చాడు. దీంతో ఈ చిత్ర షూటింగ్‌కు వాయిదా ప‌డింది. ఇటీవ‌లే కోలుకున్న ఆయ‌న మ‌ళ్లీ షూటింగ్స్‌ను స్టార్ట్ చేశారు. తాజాగా అనగనగా ఒకరాజు నుంచి ఓ టీజ‌ర్‌ను విడుద‌ల చేశారు.
ప్రీ వెడ్డింగ్ వీడియో అంటూ రిలీజ్ చేసిన దీని నిడివి మూడు నిమిషాల 2 సెక‌న్లు. ఇక టీజ‌ర్‌లో నవీన్ పొలిశెట్టి త‌న‌దైన కామెడీతో అల‌రించారు.
నవీన్ కు ముకేశ్ అంబానీ ఫోన్ చేసిన‌ట్లుగా చూపించారు. ముకేశ్ మామ‌య్య.. నీకు వంద రిచార్జులు అంటూ నవీన్ చెప్పిన డైలాగ్ న‌వ్వు లు పూయిస్తోంది. మొత్తంగా టీజ‌ర్ అదిరిపోయింది.
Tollywood : సీఎం రేవంత్ రెడ్డి మీటింగ్ లో టాలీవుడ్ ప్రముఖులు ఎవరెవరు ఏం మాట్లాడారంటే..
