Dragon Glimpse : ఎన్టీఆర్ ప్రశాంత్ నీల్ ‘డ్రాగన్’ సినిమా కథ ఇదేనా..? డ్రాగన్ గ్లింప్స్ రివ్యూ..

నేడు మే 20 ఎన్టీఆర్ పుట్టిన రోజు సందర్భంగా ఈ సినిమా ఫస్ట్ గ్లింప్స్ రిలీజ్ చేసారు. (Dragon Glimpse)

Dragon Glimpse

Dragon Glimpse : ప్రశాంత్ నీల్ దర్శకత్వంలో ఎన్టీఆర్ హీరోగా నటిస్తున్న డ్రాగన్ సినిమా గ్లింప్స్ నేడు రిలీజ్ అయింది. రెండేళ్లుగా ఈ సినిమా కోసం ఫ్యాన్స్ ఎదురుచూస్తున్నారు. నేడు మే 20 ఎన్టీఆర్ పుట్టిన రోజు సందర్భంగా ఈ సినిమా ఫస్ట్ గ్లింప్స్ రిలీజ్ చేసారు. ఇక సినిమా 2027 జూన్ 11న రిలీజ్ కానుంది.

ఈ సినిమా కథ స్వాతంత్య్రం ముందు బ్రిటిష్ వాళ్ళు ఇండియాకు రావడంతో మొదలవుతుంది. 1967 నుంచి అసలు కథ నడుస్తుందని తెలుస్తుంది. ఓపియం పాపి అనే మొక్క నుంచి హెరాయిన్ డ్రగ్ తయారవుతుంది. ఈ కథ అంతా హెరాయిన్ డ్రగ్ చుట్టూ తిరుగుతుందని తెలుస్తుంది. ఇది ఎక్కువగా ఆఫ్గనిస్తాన్, థాయిలాండ్ – బర్మా మధ్యలో ఉన్న గోల్డెన్ ట్రయాంగిల్ అనే ప్లేసెస్ లో పండుతుంది. బ్రిటిష్ వాళ్ళు ఇండియా నుంచే ఈ హెరాయిన్ వ్యాపారాన్ని చేసేవాళ్ళు.

Also See : Dragon Glimpse : ఎన్టీఆర్ ప్రశాంత్ నీల్ ‘డ్రాగన్’ గ్లింప్స్ రిలీజ్.. ఫొటోలు..

బ్రిటిష్ వాళ్ళు ఇండియా వదిలి వెళ్ళిపోయాక ఆ వ్యాపారం మీద కొంతమంది పట్టు సాధించాలని చూస్తారు. అప్పటికే పలు దేశాల్లో ఈ హెరాయిన్ వ్యాపారం విస్తరించి ఉంటుంది. దీని కోసం అందరూ కొట్టుకుంటారు. ముఖ్యంగా ఈ హెరాయిన్ వ్యాపారం కోసం ఆఫ్గాన్ ట్రేడింగ్ కంపెనీ వర్సెస్ గోల్డెన్ ట్రేడింగ్ కంపెనీల మధ్య పోరు జరగబోతుంది. ఎన్టీఆర్ ఆఫ్గాన్ ట్రేడింగ్ కంపెనీలో హత్యలు చేసే లూగర్ అనే పాత్రలో కనిపించబోతున్నాడు.

ఇక ఈ హెరాయిన్ వ్యాపారం అంతు చూడటానికి ఇండియా నార్కోటిక్ బ్యూరో హెడ్ రఘువీర్ రాథోడ్ పాత్రలో బాలీవుడ్ స్టార్ అనిల్ కపూర్ కనిపించబోతున్నాడు. ఇతను లూగర్ ని పట్టుకోడానికి ఆఫ్గానిస్థాన్ వెళ్తాడని తెలుస్తుంది. ఇక లూగర్ పాత్రలో ఎన్టీఆర్ తమ వ్యాపారానికి అడ్డు వచ్చిన వాళ్ళందర్నీ చంపేస్తూ ఉంటాడని తెలుస్తుంది. మరి ఆ హెరాయిన్ వ్యాపారం క్లోజ్ చేస్తారా? ఎన్టీఆర్ బ్యాక్ డ్రాప్ ఏంటి? అలాగే గోల్డెన్ ట్రయాంగిల్ కంపెనీ వాళ్ళు ఎవరు? ఇవన్నీ తెలియాలంటే సినిమా వచ్చేదాకా ఎదురుచూడాల్సిందే.

Also Read : Dragon Glimpse : ఎన్టీఆర్ ప్రశాంత్ నీల్ ‘డ్రాగన్’ సినిమా గ్లింప్స్ వచ్చేసింది.. విలన్ గా ఎన్టీఆర్..