OG ticket prices increased in Telangana
OG: పవర్ స్టార్ పవన్ కళ్యాణ్ హీరోగా వస్తున్న లేటెస్ట్ పాన్ ఇండియా మూవీ ఓజీ(OG). భారీ అంచనాల మధ్య సెప్టెంబర్ 25న ప్రేక్షకుల ముందుకురానుంది ఈ సినిమా. ఈనేపథ్యంలోనే ఓజీ సినిమా టికెట్ రేట్లు పెంచుకునేందుకు అనుమతిస్తూ తెలంగాణ ప్రభుత్వం అనుమతులు జారీచేసింది. ఓజీ సినిమా బెనిఫిట్ షోను 24వ తేదీ 9 గంటలకు మొదలుకానుంది. ఈ షోకి రూ.800 టికెట్ రేట్‌తో ప్రదర్శించుకునేందుకు తెలంగాణ ప్రభుత్వం గ్రీన్ సిగ్నల్ ఇచ్చింది.
OG: ఓజీ ట్రైలర్ కి ముందు బిగ్ సర్ ప్రైజ్.. వాషి యో వాషి.. పాటతో అదరగొట్టిన పవన్
అలాగే సింగిల్ స్క్రీన్ థియేటర్లలో టికెట్ రేటు రూ.100, అలాగే మల్టీప్లెక్స్‌లలో రూ.150 నిర్దారించింది. ఈ ధరలు ఈనెల 25వ తేదీ నుంచి అక్టోబర్ 4వ తేదీ వరకు అమల్లో ఉండనున్నాయి. ఇక, ఓజీ సినిమాపై ప్రేక్షకుల్లో, మరీ ముఖ్యంగా పవన్ అభిమానుల్లో విపరీతమైన క్రేజ్ ఉంది. మూవీ విడుదల కోసం చాలా కాలంగా ఎదురుచూస్తున్నారు. ఈ నేపథ్యంలో టికెట్ రేట్లు పెంచడంపై పవన్ ఫ్యాన్స్ ఆనందం వ్యక్తం చేస్తున్నారు. అలాగే, ,మూవీ టీం తెలంగాణ సర్కార్ కు కృతజ్ఞతలు తెలియజేశారు.
