Pooja Hegde: జనగణమణ షూటింగ్ స్టార్ట్.. బుట్టబొమ్మతో మొదలుపెట్టన పూరీ

టాలీవుడ్ రౌడీ స్టార్ విజయ్ దేవరకొండ నటిస్తున్న లేటెస్ట్ మూవీ ‘లైగర్’ రిలీజ్ కాకముందే, తన నెక్ట్స్ మూవీని మరోసారి దర్శకుడు పూరీ జగన్నాధ్ దర్శకత్వంలో తెరకెక్కించేందుకు....

Pooja Hegde: జనగణమణ షూటింగ్ స్టార్ట్.. బుట్టబొమ్మతో మొదలుపెట్టన పూరీ

Pooja Hegde Joins Jana Gana Mana Shooting

Updated On : June 4, 2022 / 7:37 PM IST

Pooja Hegde: టాలీవుడ్ రౌడీ స్టార్ విజయ్ దేవరకొండ నటిస్తున్న లేటెస్ట్ మూవీ ‘లైగర్’ రిలీజ్ కాకముందే, తన నెక్ట్స్ మూవీని మరోసారి దర్శకుడు పూరీ జగన్నాధ్ దర్శకత్వంలో తెరకెక్కించేందుకు రెడీ అయ్యాడు. ఈ సినిమాకు సంబంధించిన అఫీషియల్ అనౌన్స్‌మెంట్ జాతీయ స్థాయిలో చేసి, సౌత్‌తో పాటు నార్త్ ఆడియెన్స్ చూపును కూడా తమవైపు తిప్పుకున్నారు. ‘జనగణమన’ అనే టైటిల్‌తో తెరకెక్కబోయే ఈ సినిమాను పూర్తిగా దేశభక్తి చిత్రంగా తెరకెక్కించేందుకు చిత్ర యూనిట్ రెడీ అవుతోంది.

Jana Gana Mana: ‘జనగణమన’కు ఇండియన్ డిఫెన్స్ ఝలక్..?

అయితే తాజాగా ఈ సినిమా రెగ్యులర్ షూటింగ్‌ను చిత్ర యూనిట్ మొదలుపెట్టింది. ముంబైలోని అల్యూమినియం ఫ్యాక్టరీలో ఓ భారీ యాక్షన్ సీక్వెన్స్‌తో ఈ సినిమా షూటింగ్‌ను స్టార్ట్ చేశారు. అయితే ఈ షెడ్యూల్‌లో హీరోయిన్ పూజా హెగ్డే పాల్గొనడం విశేషం. ఆమె ఈ సినిమాలో హీరోయిన్‌గా నటిస్తోన్న సంగతి తెలిసిందే. ముంబైలో ప్రారంభమైన ఈ సినిమా షూటింగ్, ప్రపంచంలోని పలు ఆసక్తికరమైన ప్రదేశాల్లో జరగబోతున్నట్లు చిత్ర యూనిట్ వెల్లడించింది. JGM అనే షార్ట్ టైటిల్‌తో తెరకెక్కుతున్న ఈ సినిమాలో పూజా హెగ్డే కూడా కొన్ని యాక్షన్ సీక్వెన్స్ చేయబోతున్నట్లుగా చిత్ర యూనిట్ అంటోంది.

Pooja Hegde : మరో ఐటెం సాంగ్‌కి ఓకే చెప్పనున్న పూజాహెగ్డే??

ఇక పూరీ డైరెక్షన్‌లో సినిమా చేయాలని ఎప్పటినుండో ఎదురుచూస్తున్నానని.. ఇప్పటికి JGMతో తన కల నేరవేరిందని సంతోషంతో ఉప్పొంగిపోతుంది అందాల భామ పూజా హెగ్డే. ఇక ఈ సినిమా షూటింగ్‌లో విజయ్ దేవరకొండ త్వరలోనే జాయిన్ అవుతాడని.. ఈ సినిమాను పూరీ కనెక్ట్స్, శ్రీకర స్టూడియోస్ బ్యానర్లపై ఛార్మీ కౌర్, వంశీ పైడిపల్లి సంయుక్తంగా ప్రొడ్యూస్ చేస్తున్నారు. పాన్ ఇండియా మూవీగా రాబోతున్న ఈ సినిమాను భారీ బడ్జెట్‌తో తెరకెక్కించేందుకు చిత్ర యూనిట్ ప్లాన్ చేస్తోంది. మరి ఈ సినిమాలో పూజా హెగ్డే పాత్ర ఎలా ఉంటుందా అనేది చూడాలి.