పూరి పెద్దమనసు : పునాదిరాళ్లు దర్శకులు రాజ్ కుమార్‌కు ఆర్థిక సహాయం
సీనియర్ దర్శకులు గూడపాటి రాజ్‌కుమార్‌‌కు డేరింగ్ అండ్ డాషింగ్ డైరెక్టర్ పూరి జగన్నాథ్‌ రూ.50 వేలు ఆర్థిక సహాయమందించారు..
- Published By: sekhar ,Published On : November 21, 2019 / 09:28 AM IST
సీనియర్ దర్శకులు గూడపాటి రాజ్‌కుమార్‌‌కు డేరింగ్ అండ్ డాషింగ్ డైరెక్టర్ పూరి జగన్నాథ్‌ రూ.50 వేలు ఆర్థిక సహాయమందించారు..
మెగాస్టార్‌ చిరంజీవి నటించిన తొలి సినిమా ‘పునాదిరాళ్లు’కు దర్శకత్వం వహించిన గూడపాటి రాజ్‌కుమార్‌ గతకొంత కాలంగా అనారోగ్యంతో మంచంపట్టారు. కనీసం వైద్య ఖర్చులకు కూడా డబ్బుల్లేని పరిస్థితుల్లో సహాయం కోసం ఎదురు చూస్తున్నారు. మీడియా ద్వారా రాజ్ కుమార్ విషయం తెలుసుకున్న పలువురు సినీ ప్రముఖులు ముందెకొచ్చి ఆయనకు ఆర్థిక సహాయం అందిస్తున్నారు.
బుధవారం డేరింగ్ అండ్ డాషింగ్ డైరెక్టర్ పూరి జగన్నాథ్‌ రూ.50 వేలు, మెహర్‌ రమేష్‌ రూ.10 వేలు, నటుడు, దర్శకుడు కాశీవిశ్వనాథ్‌ రూ.5 వేలు చొప్పున ఆయనకు ఆర్థిక సహాయం అందించారు. వారి స్పందనకు రాజ్‌కుమార్‌ కృతజ్ఞతలు తెలిపారు. ఇంతకుముందు ప్రసాద్స్‌ క్రియేటివ్‌ మెంటర్స్‌ ఫిలిం మీడియా స్కూల్‌ మేనేజింగ్‌ పార్ట్‌నర్‌ సురేష్‌రెడ్డి రూ.41వేలు అందజేశారు. ‘మనం సైతం’ తరఫున నటుడు కాదంబరి కిరణ్‌కుమార్‌ రూ.25 వేల నగదు అందజేశారు.
Read Also : హ్యాపీ బర్త్‌డే అల్లు అర్హ
‘ఇస్మార్ట్‌ శంకర్‌’ సినిమాతో హిట్‌ కొట్టిన పూరి జగన్నాథ్‌ తన పుట్టినరోజు సందర్భంగా సెప్టెంబర్‌ 28న దర్శకత్వ విభాగంలో 30 మంది సభ్యులకు 50 వేల చొప్పున 15 లక్షలు సహాయం చేసి మంచి మనసు చాటుకున్నారు. ప్రతి ఏడాది పూరి జగన్నాథ్‌ పుట్టినరోజున ఇలాంటి దాతృత్వ కార్యక్రమాన్ని ఏర్పాటు చేయనున్నారు.
